ʼE faiga e Satana mo natou ʼae ʼe fakalogo ki ai, ke natou fio ia te loi mo te moʼoni, ko tanatou fia fakavaivaiʼi tatatou tui. (2Ko 11:3) Ohage la neʼe fai e te kau Asilia he ʼu palalau kua ʼave keheʼi te moʼoni, pea mo fai he ʼu loi ke tupu ai te lotovaivai ʼa te hahaʼi ʼa Sehova. (2Kk 32:10-15) ʼE toe fai feia te kau aposita ia ʼaho nei. Kotea ʼae ʼe tonu ke tou fai moka tou logo ki te ʼu akonaki ʼa te kau aposita? Ke hage kia koutou ko he meʼa kafo kona. ʼAua naʼa kotou lau, peʼe ke kotou tali ki ai peʼe ke kotou toe fakamatala. Kotou foimo tekeʼi ia te ʼu manatu ʼaia, ʼe fakatupu lotolotolua ʼo ʼuhiga mo Sehova pea mo tana kautahi.—Suta 3, 4.

SIOʼI TE ʼATA “KE KOTOU TAUPAU TAKOTOU TUI”!—KOGAʼI ʼATA, PEA MO TALI KI TE ʼU FEHUʼI ʼAENI:

• He koʼe ʼe tonu ke tou tokakaga moka tou olo ki te Neti?

   

• ʼE feafeaʼi hatatou muliʼi ia te tokoni ʼae ʼe tou maʼu ia Loma 16:17?