Neʼe ta te kaupepa Ko Ai ʼe Ina Fai Te Finegalo ʼo Sehova Iā ʼAho Nei? ke tou vakaʼi fakatahi mo ia ʼae ʼe ako ʼi te kamata peʼe ko te ʼosi ʼo te ako.* Ko te ako 1 ki te ako 4 ʼe tokoni ai ki te kau ako ke natou iloʼi ia tatou. Ko te ako 5 ki te ako 14 ʼe tokoni ai kia natou ke natou iloʼi ʼatatou gaue. Pea ko te ako 15 ki te ako 28 ʼe tokoni ai kia natou ke natou iloʼi tatatou kautahi. ʼI te agamahani, ʼe lelei age ke vakaʼi mo ia ʼae ʼe ako te ʼu ako ʼae ʼe fia palalau ki ai. Pea ko te ʼu ako takitahi ʼe tuʼu pe ʼi te pasina ʼe tahi pea ʼe feala ke tou vakaʼi mo te ako ia minuta ʼe nima peʼe hogofulu.

• Fakaha age te fehuʼi ia te kupu tafito ʼo te ako

• Lau fakatahi te ako. ʼE feala pe ke lau fuli peʼe fai ʼi palakalafe

• Faipalalau ki te ʼu palakalafe ʼae neʼe lau. Fai te ʼu fehuʼi ʼae ʼi te lalo pasina pea mo faipalalau ki te ʼu pāki. ʼE fakalogo kia koe pe ʼe ko te ʼu vaega fea ʼae ʼe ke lau mo faipalalau ki ai. Fakaha age ko te tali ki te fehuʼi ʼo te kupu tafito ʼe maʼu ʼi te ʼu kupu taki ʼae ʼe tohi matolu

• Kapau ʼe ʼi ai “Te Tahi ʼu Fakamahino,” lau fakatahi mo ia ʼae ʼe ako pea mo fakalotomalohiʼi ia ia ke mulimuli ki te ʼu manatu ʼaia