TE MAʼULI FAKAKILISITIANO
Tokoni Ki Tokotou Famili Ke Natou Manatuʼi Ia Sehova
Neʼe foaki kia Selemia te gaue ʼae ke ina fakatokaga te kau Sutea ʼo ʼuhiga mo te fakaʼauha ʼae ka hoko. Kotea tona tupuʼaga? Koteʼuhi neʼe natou galoʼi tonatou ʼAtua, ia Sehova. (Sel 13:25) He koʼe neʼe liliu ia te puleʼaga ʼaia ʼo vaivai fakalaumalie? Koteʼuhi ko te ʼu famili Iselaele neʼe kua natou vaivai ʼi te faʼahi fakalaumalie. ʼE mahino ia, neʼe mole kei mulimuli te ʼu pule famili ki te takitaki ʼa Sehova ʼae ʼe tou maʼu ia Tetelonome 6:5-7.
ʼO toe feia pe ia ʼaho nei, ka malohi te ʼu famili ʼi te faʼahi fakalaumalie, ʼe toe malohi ai mo te ʼu kokelekasio. ʼE feala ke tokoni te ʼu pule famili ki tonatou famili ke natou manatuʼi ia Sehova. ʼO feafeaʼi? ʼAki hanatou fai tuʼumaʼu hanatou polokalama Ako Fakafamili. (Pes 22:28) Hili te vakaʼi ʼo te ʼata viteo “Ke Nofo Anai i Tou Loto Te u Folafola Aeni”—Fakafehuʼi Te ʼu Famili, tali ki te ʼu fehuʼi ʼaeni:
-
Neʼe lava tauʼi feafeaʼi e ʼihi famili ia te ʼu faigataʼaʼia ʼo ʼuhiga mo te fakahoko ʼo te ako fakafamili?
-
Kotea ʼihi fua lelei ʼe tou maʼu mo kapau ʼe fai tuʼumaʼu te Ako Fakafamili?
-
Ka hoko mai te ʼaho ʼe fai ai te ako fakafamili, kotea te ʼu faigataʼaʼia ʼe au tau mo ia? Pea ʼe au lava tauʼi feafeaʼi te ʼu faigataʼaʼia ʼaia?