TE MAʼULI FAKAKILISITIANO
Ke Lelei Age Tatatou Faifakamafola—Tou Tokoni Ki ʼAtatou Kau Ako Ke Natou Teuteuʼi
HE KOʼE ʼE MAʼUHIGA? Kapau ʼe teuteuʼi e te kau ako tanatou ako, ʼe natou mahino gafua anai pea mo natou taupau te ʼu meʼa ʼae ʼe tou akoʼi age. Pea ʼe natou tuputupu vave anai ʼi te faʼahi fakalaumalie. Maʼia pe la ʼi te hili ʼo tonatou papitema, ʼe toe ʼaoga aipe ke natou teuteuʼi te ʼu fono pea mo te faifakamafola ke natou “nonofo tokaga.” (Mat 25:13) Koia, ʼe natou maʼu anai he ʼu fua lelei ʼi tonatou maʼuli, ʼi tanatou kua iloʼi ʼae te teuteuʼi ʼo tanatou ako pea kua liliu ko hanatou agamahani. ʼI te kamata pe ʼo he ako, ʼe tonu ke tou tokoni kia natou ke natou teuteuʼi tanatou ako.
TE ʼU MEʼA ʼAE ʼE TONU KE KE FAI:
-
Tuku age kia ia he faʼifaʼitaki lelei. (Lom 2:21) Manatuʼi ia ia ʼae ʼe ke akoʼi moka ke teuteuʼi tana ako. (km 11/15 p. 3) Fakaha age ʼi tau tohi neʼe ke fakailoga tau teuteuʼi
-
Fakalotomalohiʼi ia ia ke ina teuteuʼi tana ako. Ka kua fai hoholo leva te ako pea ke fakaha age ki ai, ko te teuteuʼi ʼe ko he fakatuʼutuʼu ʼo he ako Tohi-Tapu. Pea ke fakamahino age ʼona fua lelei. Foaki age he tokoni ke feala ai hana maʼu he temi moʼo teuteuʼi. Ko ʼihi faiako ʼe natou tuku age tanatou tohi ʼae kua fakailoga kia ia ʼae ʼe ako, lolotoga tana ako ke sio ai ki te ʼu fua lelei ʼo te teuteuʼi. Fakavikiviki ki ai ki tana teuteuʼi
-
ʼI te kamata pe, ʼe fakaʼaogaʼi anai e natou ʼae ʼe fai ako te temi ʼo te ako moʼo fakahaha ki tanatou ako pe ʼe feafeaʼi te teuteuʼi ʼo he ako