Neʼe mole fakalogo ia Kole, mo Tatane pea mo Apilame ki te ʼu fakatuʼutuʼu ʼa Sehova. Koia neʼe mole natou agatonu ai. Neʼe fakaʼauha e Sehova ia natou ʼae neʼe mole fakalogo ʼo feia mo natou ʼae neʼe lagolago kia natou. (Nu 16:26, 27, 31-33) Kotea te ʼu aluʼaga ʼe feala ai ke ʼahiʼahiʼi ai tatatou agatonu? Kotea te ʼu faʼifaʼitaki ʼi te Tohi-Tapu ʼe tokoni mai ke ʼaua naʼa tou faʼifaʼitakiʼi ia natou ʼae neʼe mole agatonu?

VAKAʼI TE ʼATA VITEO ʼAUA NAʼA KE FAʼIFAʼITAKIʼI IA NATOU ʼAE ʼE MOLE AGATONU, PEA MO TALI KI TE ʼU FEHUʼI ʼAENI:

• Kotea te aluʼaga ʼae neʼe ʼahiʼahiʼi ai te agatonu ʼa Nadia? Kae ko te faʼifaʼitaki fea ʼae neʼe tokoni ki ai ke ina toʼo he tonu ʼe lelei?

• Kotea te aluʼaga ʼae neʼe ʼahiʼahiʼi ai te agatonu ʼa he tehina neʼe ita? Kae ko te faʼifaʼitaki fea ʼae neʼe tokoni ki ai ke ina toʼo he tonu ʼe lelei?

• Kotea te aluʼaga ʼae neʼe ʼahiʼahiʼi ai te agatonu ʼa Clément? Kae ko te faʼifaʼitaki fea ʼae neʼe tokoni ki ai ke ina toʼo he tonu ʼe lelei?

• Kotea te aluʼaga ʼae neʼe ʼahiʼahiʼi ai te agatonu ʼa he tupulaga? Kae ko te faʼifaʼitaki fea ʼae neʼe tokoni ki ai ke ina toʼo he tonu ʼe lelei?