Moka fualoa hatatou tau mo he faigataʼaʼia pea ʼe faigafua ai hatatou lotovaivai. Neʼe mahino kia Tavite ko te ʼahiʼahi ʼae neʼe tau mo ia ʼuhi ko te Hau ko Saulo ʼe gata anai. Pea ʼe liliu anai ko he hau ohage ko tona fakapapauʼi age e Sehova. (1Sa 16:13) Neʼe tokoni ai tana tui ke faʼa kataki fualoa pea mo fakatalitali kia Sehova.

Moka tou tau mo he ʼahiʼahi, ʼe feala ke tou fakaʼaogaʼi te fakasiosio poto pea mo te ʼatamai malama ke fetogi ai totatou aluʼaga. (1Sa 21:12-14; Taa 1:4) Kae ko ʼihi faigataʼaʼia ʼe fualoa, tatau aipe pe neʼe tou fai ia meʼa fuli moʼona tauʼi ʼo mulimuli ki te ʼu pelesepeto Fakatohi-tapu. Koia ʼi te ʼu aluʼaga ʼaia, ʼe tonu ai ke tou kataki fualoa mo fakatalitali kia Sehova. Kua vave pe te pulihi e te ʼAtua te ʼu mamahi fuli, pea ʼe ina “holoholoʼi anai te ʼu loʼimata fuli mai ʼonatou mata.” (Apk 21:4) Tatau aipe pe ʼe haʼu te fakafimalie mai ia Sehova, peʼe mai ʼihi aluʼaga, kae ʼe tou tui papau: ʼE ʼi ai te gataʼaga ʼo te ʼu faigataʼaʼia fuli. Koia, ʼe ko he fakalotofimalie ʼaia maʼa tatou.

SIOʼI TE ʼATA ʼE NATOU LOGO TAHI ʼI HE MALAMA ʼE MAVETEVETE PEA MO TALI KI TE ’U FEHU’I:

• Kotea te ʼu faigataʼaʼia neʼe tau mo te kau Fakamoʼoni ʼi te potu saute ʼo Amelika?

• Neʼe natou fakaha feafeaʼi tanatou kataki fualoa mo te ʼofa?

• Neʼe natou fakaha feafeaʼi neʼe natou tokakaga ki “te ʼu meʼa ʼae ʼe maʼuhiga ʼaupito”?—Flp 1:10