Ko natou pe ʼae ʼe mole natou fai te ʼu aga heʼe maʼa, ko natou pe ʼaia ʼe natou felogoi lelei mo Sehova. (1Pe 1:14-16) Ka liʼaki e te kau ako Tohi-Tapu te ʼu agamahani kovi ʼe fua lelei anai ki tonatou maʼuli fakafamili, ki tonatou malolo fakasino, pea mo te faʼahi fakapaʼaga.

Tou fakamahino lelei age kia natou te ʼu lekula faitotonu ʼa Sehova, pea he koʼe ʼe lelei ke natou fai te meʼa ʼae ʼe ina fakatotonu mai. Tou tokoni ki te kau ako ke natou fetogi tanatou faʼahiga manatu. Pea ki muli age ʼe natou fai anai te meʼa ʼae ʼe loto ki ai e Sehova. (Efe 4:22-24) Fakalotomalohiʼi natou ʼe feala kia Sehova ke tokoni age ke natou toʼo he agamahani ʼe kovi kua tauaka ʼi tonatou loto. (Flp 4:13) Akoʼi age kia natou ke faikole mamahi kia Sehova moka kua natou logoʼi kua natou fia fai he agahala. Tou tokoni age kia natou ke natou iloʼi te ʼu aluʼaga ʼae feala ai ke natou to ai ki te agahala, pea ke natou tekeʼi malohi. Fakalotomalohiʼi natou ke natou fai he ʼu meʼa ʼe fua lelei kia natou, kae ke natou tuku te meʼa ʼae ʼe kovi. ʼE kotou fiafia anai ʼi tanatou fetogi ʼaki te tokoni ʼa Sehova.

SIOʼI TE ʼATA TOU TOKONI KI ʼATATOU KAU AKO TOHI-TAPU KE NATOU LIʼAKI TE ʼU AGAMAHANI KOVI, PEA MO TALI KI TE ’U FEHU’I:

• Neʼe fakaha feafeaʼi e te ʼu tagata ʼafeā mo Neeta tanatou falala kia Jade?

• Neʼe toe tokoni feafeaʼi ia Neeta kia Jade?

• Neʼe maʼu feafeaʼi e Jade ia te tokoni ʼa Sehova?