TE MAʼULI FAKAKILISITIANO
Mole Ke Faʼifaʼitakiʼi Anai Te Malama Moka Ke Teuteu ʼOhoana
ʼE lahi te ʼu fakatuʼutuʼu ʼe fai e te ʼu Fakamoʼoni ʼa Sehova ʼae ʼe nā teuteu ʼohoana. ʼE lagi ʼekenaki naua ke nā faʼifaʼitakiʼi te ʼu faiʼohoana ʼo tanā agaʼi fenua. Ko te ʼu kaumeʼa mo te ʼu famili ʼe natou fia kau ki te fakaalualu ʼo te faiʼohoana. Ko te ʼu pelesepeto Fakatohi-tapu fea ʼe tokoni anai ki he tokolua ke nā teuteuʼi lelei te ʼaho makehe ʼaia, ke mole nā fakahemala ki ʼamuli?
VAKAʼI TE ʼATA VITEO TE ʼU FAIʼOHOANA ʼAE ʼE FAKAKOLOLIAʼI AI IA SEHOVA, PEA MO TALI KI TE ʼU FEHUʼI ʼAENI:
-
Neʼe feafeaʼi te tokoni ʼa te ʼu pelesepeto Fakatohi-tapu ʼaeni kia Nick mo Juliana?
-
He koʼe ʼe tonu kia natou ʼae ʼe ʼamanaki ʼohoana ke natou hinoʼi he tehina ʼe fakapotopoto ke pule ki te kaitahi?—Soa 2:9, 10.
-
Kotea te ʼu tonu neʼe fai e Nick mo Juliana ki tonā ʼohoana? Kotea tona tupuʼaga?
-
Ko ai ʼae ʼe ina toʼo te tonu fakaʼosi ʼo ʼuhiga mo te faiʼohoana pea mo te kaitahi?—w06 1/11 15 ¶10.