Kapau ʼe fia tuputupu ia ia ʼae ʼe ako ʼi te faʼahi fakalaumalie, ʼe mole tonu pe ke ina iloʼi te ʼu moʼoni ʼae neʼe tou akoʼi age ki ai. (Mat 5:3; Hep 5:12–6:2) ʼE tonu ke hoko atu tana ako tokotahi ia te Tohi-Tapu.

Koia ʼe tonu ai ke tou foimo fakaha kia ia ʼae ʼe ako pe ʼe feafeaʼi tana teuteuʼi tana ako, pea mo uga ia ia ke ina fai feia. (mwb18.03 6) Fakalotomalohiʼi ia ia ke faikole ʼi muʼa ʼo tana fai tana ako. Fakaha age ki ai pe ʼe feafeaʼi tana fai he ʼu fekumi ʼi ʼatatou tohi ʼi te Neti, pea mo maʼu ia te ʼu logo foʼou ʼi te jw.org peʼe ko te Televisio JW. Tokoni ki ai ke ina lau ia te Tohi-Tapu ʼi te aho fuli pea mo teuteuʼi ʼana fono pea mo fai he ʼu fekumi. Tokoni ki ai ke metitasio ki te ʼu meʼa ʼae ʼe ina ako.

SIOʼI TE ʼATA TOU TOKONI KI ʼATATOU KAU AKO TOHI-TAPU KE NATOU AKO TAKITOKOTAHI TE TOHI-TAPU, PEA MO TALI KI TE ʼU FEHUʼI:

• Neʼe fakamahino feafeaʼi e Neeta kia Jade te faʼahiga fai ʼo tana ako?

• Neʼe mahino feafeaʼi ia Jade pe koʼe ʼe tapuʼi e Sehova te ʼu felaveʼi fakasino heʼe ʼaoga?

• Neʼe mahino feafeaʼi ia Jade ki te maʼuhiga ʼo te metitasio ki te ʼu meʼa ʼae ʼe ina ako?