ʼAua naʼa tou tuku ki apogipogi te gaue ʼe tonu ke fai ʼi te ʼaho nei. Neʼe mole feia ia Seu, ʼi te temi ʼae neʼe fakatotonu age e Sehova ke ina matehi ia te famili ʼo Akapo. (2Ha 9:6, 7, 16) ʼE ʼi ai ʼihi ʼe natou manatu, hoki natou papitema ki ʼamuli, peʼe ke natou kamata fai hanatou polokalama lautohi ʼo te Tohi-Tapu, peʼe ke natou toʼo tanatou selevisi pionie moka natou maʼu hanatou gaue lelei. ʼE tokoni mai te Tohi-Tapu ke ʼaua naʼa tou tuku ki apogipogi te ʼu gaue ʼe feala ke tou fai nei, tafito la ʼi tatatou tauhi.

ʼE tokoni feafeaʼi mai te ʼu vaega ʼaeni ke ʼaua naʼa tou tuku ki apogipogi te ʼu gaue ʼe tonu ke tou fai nei ʼi tatatou tauhi?

• Ekl 5:4

• Ekl 11:4

• 1Ko 7:29-31

• Skp 4:13, 14