18-24 Novepeli
PESALEMO 107-108
Katiko 7 Pea Mo Te Faikole | Fakaha Te Polokalama (1 min.)
1. “Kotou Fakafetaʼi Kia Sehova He ʼe Agalelei”
(10 min.)
Neʼe fakaʼateaina tatou e Sehova mai te malama ʼa Satana, ohage pe ko tana fakaʼateaina ia te kau Iselaele mai Papiloni (Ps 107:1, 2; Kol 1:13, 14)
ʼE tou fai he ʼu fakavikiviki kia Sehova ʼi te loto kokelekasio, ʼo tou fakaha ai totatou lotofakafetaʼi (Ps 107:31, 32; w07 1/5 3 ¶2)
ʼE feala ke tou taupau totatou lotofakafetaʼi moka tou tokagaʼi te ʼu gaue ʼe fai e Sehova ʼuhi ko tona ʼofa (Ps 107:43; w15 15/1 4 ¶4)
2. Koloa Fakalaumalie
(10 min.)
-
Ps 108:9—He koʼe neʼe ui e Sehova ko Moape ʼe ko te “topu ʼae ʼe au maʼanu ai”? (it-2 303 ¶5)
-
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Ps 107:1-28 (th ako 5)
4. Kamata He Faipalalau
(3 min.) FAIFAKAMAFOLA FAIGAMALIE. (lmd ako 1 manatu 4)
5. ʼAʼahi
(4 min.) FAIFAKAMAFOLA FAIGAMALIE. Palalau ki he tahi ʼo ʼuhiga mo te ʼu ako Tohi-Tapu ʼe tou fai pea mo ke tuku age te kiʼi kate ki te ako Tohi-Tapu. (lmd ako 9 manatu 3)
6. Akonaki
Katiko 46
7. Tou Hiva Ni Fakafetaʼi Kia Sehova
(15 min.) Faipalalau.
Hili te haofaki e Sehova ia te kau Iselaele mai te kau Esipito ʼi te Tai Kula, neʼe natou fakaha tanatou lotofakafetaʼi ʼo natou hiva ai. (Ex 15:1-19) Neʼe taki e te hahaʼi tagata ia te hiva foʼou ʼaia. (Eke 15:21) Neʼe toe hiva foki e Sesu mo te ʼu ʼuluaki Kilisitiano he ʼu fakavikiviki ki te ʼAtua. (Mat 26:30; Kol 3:16) Pea ʼe kei hoko atu pe tatatou lotofakafetaʼi kia Sehova ʼo tou hiva ʼi te ʼu fono mo te ʼu fakatahi lalahi. Ohage la, ko te katiko ʼaeni neʼe hoki tou hiva “Malo Sehova,” neʼe hivaʼi ʼi ʼatatou fono talu mai te taʼu 1966.
ʼI ʼihi fenua, ʼe lagi ufiufi te hahaʼi tagata ʼi te hiva ia muʼa ʼo te kaugamalie. Ko ʼihi, ʼe mole hiva he ʼi tanatou manatu ʼe natou leʼo kovi. Kae, ʼe tonu ke tou manatuʼi moka ʼe tou hiva ʼi ʼatatou fono ʼe tou tauhi kia Sehova. ʼE gaue kinikina te kautahi ʼa Sehova moka ʼe natou fatu ni katiko, pea moka ʼe natou filifili ni katiko ʼe alu tahi mo te ʼu fono takitahi. Koia ʼae ʼe faigafua pe hatatou hiva fakatahi moʼo fakaha totatou ʼofa mo tatatou lotofakafetaʼi ki tatatou Tamai ʼae ʼi selo.
Fakahaʼele te ʼATA VITEO Ko Tatatou Kautahi ʼe Laka Ki Muʼa: Les cantiques, des cadeaux précieux, Koga 2. Fehuʼi ki te nofoʼaki:
-
Kotea te aluʼaga maʼuhiga ʼae neʼe hoko ʼi te taʼu 1944?
-
Neʼe fakaha feafeaʼi e te ʼu tehina ʼo Sibérie ʼe natou fia hiva te ʼu katiko?
-
He koʼe ʼe maʼuhiga ki te kau Fakamoʼoni ʼa Sehova ia tanatou hiva?
8. Ako Tohi-Tapu ʼo Te Kokelekasio
(30 min.) bt kap. 18 ¶6-15
