TE ʼU KOLOA ʼO TE TOHI-TAPU | TAAGA LEA 1-6
‘Falala Kia Sehova ʼi Tou Loto Katoa’
ʼE tuha ia mo Sehova ke tou falala kia te ia. Ko te fakaʼuhiga ʼo te huafa ʼo Sehova, ʼe ina fakatuputupu ai tatatou falala heʼe ina lava fakahoko fuli ʼana fakapapau. ʼE tokoni mai ia te faikole ke tou fakamalohiʼi tatatou falala kia te ia. Ia Taaga Lea kapite 3, ʼe fakamoʼoni mai ai ko Sehova ʼe ina fakapale ia natou fuli ʼae ʼe falala kia te ia mo ‘fakatokatoka ʼonatou ala.’
Ko he tahi ʼe falala pe kia ia totonu . . .
-
ʼe ina toʼo he ʼu tonu kaʼe ʼe mole ina kumi te takitaki ʼa Sehova
-
ʼe falala pe ki tona poto ʼo ia totonu peʼe ko te takitaki ʼa te malamanei
Ko he tahi ʼe falala kia Sehova . . .
-
ʼe ina faigaʼi ke ina maʼu he ʼu felogoʼi lelei mo Sehova ʼo ina ako te Tohi-Tapu mo metitasio ki ai pea mo faikole
-
ʼe ina kumi te takitaki ʼa Sehova ʼo kumi he ʼu vaega Fakatohi-tapu ʼi muʼa ʼo tana toʼo he tonu
|
ʼULUAKI: ʼE au toʼo te tonu ʼae ʼe au iloʼi ʼe fakapotopoto |
ʼULUAKI: ʼE au kumi te takitaki ʼa Sehova ʼaki taku faikole pea mo taku ako tokotahi |
|
LUA: ʼE au faikole kia Sehova ke ina tapuakiʼi te tonu ʼae kua au toʼo |
LUA: ʼE au toʼo leva te tonu ʼae ʼe alu tahi mo te ʼu pelesepeto ʼo te Tohi-Tapu |
