HE KOʼE ʼE MAʼUHIGA: Neʼe akoʼi e Sesu ʼe iloʼi anai pe ko ai ʼana tisipulo ʼaki te ʼofa. (Soa 13:34, 35) ʼE tou fakaha te ʼofa Fakakilisitiano, ʼaki tatatou kumi te meʼa ʼae ʼe lelei ki ʼihi, pea mo tekeʼi te hoko ita.—1Ko 13:5.

TE ʼU MEʼA ʼAE ʼE TONU KE KE FAI:

• Ka fai atu e he tahi he ʼu palalau peʼe ko he meʼa ʼe fakatupu mamahi, ʼai muʼa hau kiʼi tuʼu mo vakavakaʼi te tupuʼaga ʼo te fihifihia pea mo fakakaukauʼi ki tona ikuʼaga.—Taa 19:11

• Tou manatuʼi ʼe tou agahala fuli pea ʼe feala pe ʼihi temi ke tou fai ni palalau peʼe ko he meʼa ʼe tou fakahemala anai ki ʼamuli

• Kotou foimo fakatokatoka te ʼu fihifihia

VAKAʼI TE ʼATA VITEO “KOUTOU MAʼU TE FEʼOFAʼAKI IA KOUTOU”—ʼAUA NAʼA TOU KUMI PE TOTATOU LELEI, PEA MO TOU HOKO ITA PEA MO TALI KI TE ʼU FEHUʼI ʼAENI:

• Neʼe feafeaʼi ia Peli ʼi te ui age e Kalisi tana manatu?

• Kotea ʼae neʼe tokoni kia Kalisi ke mole ita?

• Neʼe tokoni feafeaʼi te tali ʼa Kalisi ʼaki he ʼu palalau malu ke lelei te aluʼaga?