HE KOʼE ʼE MAʼUHIGA: ʼI te po ʼi muʼa ʼo tona mate, neʼe faikole ia Sesu ke “logo tahi moʼoni” ʼana tisipulo. (Soa 17:23.) Pea ke tou logo tahi, ʼe tonu ke tou fakaha te ʼofa ʼo tou galoʼi te kovi ʼae neʼe fai mai.—1Ko 13:5.

TE ʼU MEʼA ʼAE ʼE TONU KE KE FAI:

• Ke ke faʼifaʼitaki ia Sehova ʼaki tau kumi te meʼa ʼae ʼe lelei ʼi ʼihi

• Ke ke lotofakamolemole

• Kapau kua fakatokatoka he fihifihia, ʼaua naʼa ke toe fakamanatuʼi.—Taa 17:9

VAKAʼI TE ʼATA VITEO “KOUTOU MAʼU TE FEʼOFAʼAKI IA KOUTOU”—ʼAUA NAʼA TOU TOKAGAʼI TE KOVI ʼAE NEʼE FAI MAI  PEA MO TALI KI TE ʼU FEHUʼI ʼAENI:

• ʼI te ʼuluaki koga ʼo te ʼata viteo, neʼe ha feafeaʼi ia Lupe neʼe ina ‘manatuʼi te kovi ʼae neʼe fai age’?

• ʼI te lua koga ʼo te ʼata viteo, neʼe fetogi feafeaʼi e Lupe tana faʼahiga manatu ke lelei?

• ʼI te fakaʼosi, neʼe malave feafeaʼi te aga ʼa Lupe ki te kokelekasio?