Kotea te ʼu kalitate ʼe ke loto ke maʼu e hou kaumeʼa? ʼE lagi ʼe maʼuhiga kia koe te agatonu, mo te agalelei, pea mo te lotofoaki. Pea ʼe maʼu e Sehova te ʼu kalitate fuli ʼaia. (Ek 34:6; Gau 14:17) ʼE fagono atu moka ke faikole. Pea ʼe tokoni tuʼumaʼu atu moka ʼe ʼaoga kia koe. (Pes 18:20, 36) ʼE ina fakamolemole ʼau hala. (1So 1:9) ʼE moʼoni, ʼe ko he Kaumeʼa fakaofoofo ia Sehova!

ʼE feafeaʼi hau kaumeʼa mo Sehova? Lau tana Folafola ke ke iloʼi ai ia ia. Fakaha kia te ia te ʼu meʼa fuli ʼae ʼe ke logoʼi. (Pes 62:9; 142:3) Fakaha kia Sehova ʼe maʼuhiga kia koe te ʼu meʼa ʼae ʼe maʼuhiga kia te ia, ohage la ko tona ʼAlo, mo tona Puleʼaga pea mo ʼana fakapapau ki te ka haʼu. Palalau ki te hahaʼi ʼo ʼuhiga mo ia. (Te 32:3) Kapau ʼe lelei tau fakakaumeʼa mo Sehova, pea ʼe ko hou Kaumeʼa anai ʼo talu ai.—Pes 73:25, 26, 28.

VAKAʼI TE ʼATA VITEO KAU TUPULAGA: “ ʼAHIʼAHI PEA MO VAKAʼI KO SEHOVA ʼE AGALELEI,” PEA MO TALI KI TE ʼU FEHUʼI ʼAENI:

• ʼE feafeaʼi hau teuteu ke ke foaki tou maʼuli kia Sehova mo papitema?

• ʼE feafeaʼi te tokoni atu ʼa te kokelekasio ke ke tauhi kia Sehova?

• ʼE fakamalohiʼi feafeaʼi tau faifakamafola ʼau felogoi mo Sehova?

• Kotea te ʼu gaue kehekehe ʼe feala ke ke kau ki ai?

• Kotea ʼae ʼe ke leleiʼia ia Sehova?