35:25, 26, 30-35; 36:1, 2

Neʼe tokoni te laumalie maʼoniʼoni ʼa Sehova kia Petesaleele mo Oholiape ke nā mulimuli ki te ʼu fakatotonu ʼa Sehova ʼo ʼuhiga mo te tapenakulo. (Vakaʼi te pāki ʼo te takafi.) Ia ʼaho nei, ʼe toe tokoni te laumalie maʼoniʼoni mo malohi ʼa Sehova ki ʼana kaugana. ʼE feafeaʼi hatatou maʼu te tokoni ʼa te laumalie maʼoniʼoni?

• ʼE tonu ke tou faikole ke tokoni mai ia te laumalie maʼoniʼoni ke tou fakaʼaogaʼi lelei ʼotatou fealagia ki te tauhi kia Sehova

• ʼE tonu ke tou ako fakamalotoloto te Folafola ʼa te ʼAtua

• ʼE tonu ke tou faiga malohi ke tou fakahoko lelei te ʼu gaue fuli ʼae ʼe foaki mai

Kotea te ʼu gaue ʼe tokoni atu ia Sehova ke ke lava fai?