TE MAʼULI FAKAKILISITIANO MO TE FAIFAKAMAFOLA–KAUPEPA AKO Sanualio 2018
He ʼu Faipalalau
He ʼu faipalalau ʼo ʼuhiga mo te ʼaoga ʼo te Tohi-tapu ki totatou temi.
TE ʼU KOLOA ʼO TE TOHI-TAPU
“Kua Ovi Mai Te Puleʼaga ʼo Selo”
Ko Soane neʼe ko he tahi neʼe maʼuli fakafeʼauga. ʼAki he loto katoa, neʼe ina fai te finegalo ʼo te ʼAtua. Ia ʼaho nei, ko te maʼuli fakafeʼauga ʼe tokoni mai ke tuputupu age taku gaue ki te ʼAtua.
TE ʼU KOLOA ʼO TE TOHI-TAPU
Te ʼu Ako Mai Te Akonaki ʼa Sesu ʼi Te Moʼuga
Kotea te fakaʼuhiga ʼo te mahino ʼe ʼaoga kia tatou te ʼu meʼa fakalaumalie? ʼE feafeaʼi hatatou hikihiki tatatou meʼa kai fakalaumalie ke lelei age?
TE MAʼULI FAKAKILISITIANO
Fakatokatoka Muʼa Mo Tou Tehina—ʼO Feafeaʼi
Kotea ʼae neʼe akoʼi mai e Sesu ʼo ʼuhiga mo te fakatokatoka mo ʼotatou tehina mo tuagaʼane pea mo tatatou tauhi ʼae ki te ʼAtua?
KOLOA ʼO TE TOHI-TAPU
Kotou Haga Fakamuʼamuʼa Ia Te Puleʼaga
ʼI te ʼu meʼa fuli ʼae ʼe tou faikole ki ai, kotea ʼae ʼe tonu ke tou fakamuʼamuʼa?
TE MAʼULI FAKAKILISITIANO
Tuku Takotou Hoha
ʼI te Akonaki ʼa Sesu ʼi te Moʼuga, kotea te fakaʼuhiga ʼo te ui ʼae e Sesu ki ʼana tisipulo ke tuku tanatou tuʼania?
TE ʼU KOLOA ʼO TE TOHI-TAPU
Neʼe ʼOfa Ia Sesu Ki Te Hahaʼi
ʼI tana fakamalolo te hahaʼi neʼe ina fakaha ai tona malohi, kae tafito age, neʼe fakaha ai e Sesu tona ʼofa lahi mo manavaʼofa ki ʼihi.
TE ʼU KOLOA ʼO TE TOHI-TAPU
Neʼe Foaki e Sesu He Fakafimalie
ʼI te temi ʼae neʼe tou tali ai te ʼakau ʼamo ʼa Sesu ʼi totatou papitema, neʼe tou tali ai he ʼu gaue mo he ʼu maʼua ʼe mole faigafua. Kae ʼi tatatou fakahoko te ʼu gaue ʼaia, neʼe ko he fakafimalie pea neʼe tou maʼu ai he tuʼuga tapuakina.
