ʼE kei ke tupulaga koa, peʼe kei ke ako koa te Tohi-Tapu? ʼE ke fakatuʼutuʼu koa ke ke papitema? Kotea ʼae ʼe ina uga anai koe ke ke papitema? Moka tou foaki totatou maʼuli kia Sehova pea mo papitema, ʼe tou maʼu ai hatatou ʼu felogoi makehe mo tatatou Tamai ʼae ʼi selo. (Pes 91:1) Pea ʼe feala ai ke haofaki tatou. (1Pe 3:21) Kotea ʼae ʼe tonu ke ke fai ke taki ai koʼe ki te papitema?

Ke ke tui papau ʼe ke nofo ʼi te moʼoni. Kapau heʼeki ke mahino ki he ʼu fehuʼi ʼe ke fai, pea ke fai he ʼu fekumi. (Lom 12:2) Kapau ʼe ʼaoga ke ke fai ni fetogi pea ke fakahoko. Koteʼuhi ʼe ke fia fakafiafiaʼi te loto ʼo Sehova. (Taa 27:12; Efe 4:23, 24) Kole tuʼumaʼu te tokoni ʼa Sehova. Ke ke tui papau ʼe ina foaki atu anai tona malohi, ʼaki tona laumalie maʼoniʼoni. (1Pe 5:10, 11) ʼE fua lelei anai kia koe ʼau faiga ʼaia. ʼI tau filifili ʼae ke ke tauhi kia Sehova, ʼe ko he tonu lelei tukupau ki tou maʼuli.—Pes 16:11.

VAKAʼI TE ʼATA VITEO TE ALA KI TE PAPITEMA, PEA MO TALI KI TE ʼU FEHUʼI ʼAENI:

• Kotea te ʼu fihifihia neʼe lava tauʼi e ʼihi ke feala ai hanatou papitema?

• ʼE feafeaʼi tau fakamalohiʼi tau tui ke tupu ai hau fia foaki tou maʼuli kia Sehova?

• Kotea ʼae neʼe ina fakalotomalohiʼi ai ʼihi ke natou papitema?

• ʼE tapuakinaʼi feafeaʼi e Sehova ia natou ʼae ʼe filifili ke natou tauhi kia te ia?

• Kotea te fakaʼuhiga ʼo te foaki ʼo tokita maʼuli kia Sehova, pea mo papitema?