ʼE iloi lelei e Sehova ia te meʼa ʼae ʼe lelei kia tatou. Koia ʼe tou aga fakapotopoto moka tou mulimuli ki tana takitaki. (Taa 16:3, 9) Kae ʼi ihi temi ʼe faigataʼa tatatou mulimuli ki tana takitaki, tafito la moka mole kei alu tahi te manatu ʼa Sehova pea mo ʼa tatou. Kae ka tou metitasio ki te ʼu meʼa ʼae neʼe fakatupu e Sehova, ʼe toe malohi ai tatatou falala ki tona poto.—Taa 30:24, 25; Lom 1:20.

SIO’I TE ATA NEʼE HOʼI TUPU FEIA PE, PE NEʼE FAKATUPU? ʼE MOLE TUʼU TE FEOLOʼAKI ʼA TE ʼU LO. ʼO FEAFEAʼI? PEA MO TALI KI TE ʼU FEHUʼI:

• Kotea ʼae ʼe fai e te ʼu foʼi lo ʼi te ʼaho fuli?

• He koʼe ʼe faigafua te feoloʼaki ʼa te ʼu foʼi lo?

• Kotea te ʼako ʼe feala ke maʼu e te tagata mai te ʼu foʼi lo?

SIO’I TE ATA NEʼE HOʼI TUPU FEIA PE, PE NEʼE FAKATUPU? TE LELE ʼA TE LAGO MELI LOGO TE MALOHI ʼO TE MATAGI, PEA MO TALI KI TE ʼU FEHUʼI:

• He koʼe ʼe faigataʼa te pailate te ʼu kiʼi vakalele liliki?

• He koʼe ʼe fakapunamaʼuli te faʼahiga lele ʼa te foʼi lago ʼaeni?

• Kotea ʼae ʼe feala ke fai e te tagata moʼo faʼifaʼitakiʼi ia te foʼi lago ʼaeni ko te Bourdon?

Kotea la te ʼu meʼa ʼi tou fenua ʼe ha ai te poto ʼo Sehova?