ʼE mole tonu ke ke tuʼania ʼi te fakaha ʼau manatu ki ʼau matuʼā. (Taa 23:26) Neʼe fakamaʼua e Sehova kia naua ke nā tokakaga kia koe pea mo takitaki koe. (Pes 127:3, 4) ʼE mole feala hanā tokoni atu mo kapau ʼe mole ke fakaha age kia naua ʼou fihifihia. Pea ʼe mole feala ai ke ke maʼu mai ia naua ia te ʼu tokoni fakapotopoto. ʼE mole fakamaʼua atu ke ke fakaha ʼau manatu fuli ki ʼau matuʼā, kae ʼe mole tonu leva ke ke kakaʼi naua.—Taa 3:32.

Ka ke fia palalau ki ʼau matuʼā, filifili ia te lakaga ʼae ʼe lelei kia naua pea mo koe. Kapau ʼe faigataʼa kia koe, ʼe feala pe hau faitohi kia naua mo ke fakamahino age ʼau manatu. Pea ka nā fia palalau atu ʼo ʼuhiga mo he koga ʼe mole ke fia palalau ki ai, manatuʼi ʼe mole ko hou ʼu fili, kae ʼe nā fia tokoni atu kia koe. Kapau ʼe ke faiga malohi ke ke felogoi fakahagatonu mo naua, ʼe fua lelei anai kia koe ki te heʼe gata.—Taa 4:10-12.

SIOʼI TE ʼATA TOKU TEMI TUPULAGA: ʼE FEAFEAʼI HAKU PALALAU KI ʼAKU MATUʼĀ? PEA MO TALI KI TE ’U FEHU’I:

• Kotea ʼae neʼe tokagaʼi e Esther mo Partik ʼo ʼuhiga mo naua totonu?

• Kotea ʼe tou ako mai ia Sesu?

• Neʼe fakaha feafeaʼi e ʼau matuʼā ʼe nā tokakaga kia koe?

• Kotea te ʼu tokoni ʼi te Tohi-Tapu ʼe ʼaoga atu ke ke felogoi mo ʼau matuʼā?