He koʼe ʼe tonu ke ke nofo teuteu? ʼE feala pe ke hoko he aluʼaga fakafokifa ʼe tonu ai ke leletakiʼi he tahi ki te lopitali peʼe ki te toketa. Koia ʼe tonu ke ke foimo fai nei he ʼu fakatuʼutuʼu, ʼi muʼa ʼo te hoko mai he aluʼaga fakafokifa. Kapau ʼe ke fai te faʼahi ʼaia, ʼe ke fakaha ai tau fakaʼapaʼapa ki te maʼuli pea mo te lao ʼa Sehova ʼo ʼuhiga mo te toto.—Gau 15:28, 29.

Kotea ʼae ʼe tonu ke ke fai nei?

• Faikole kia Sehova pea mo ke tohi te pepa carte Instructions médicales (DPA). a Kapau kua ke papitema, ʼe feala ke ke kole ki te tehina ʼae ʼe tokaga ki te ʼu tohi, ke ina ʼavatu te kate toto DPA pea mo te kate carte dʼidentité (ic) maʼa ʼau fanau ʼae heʼeki taʼu 18.

• Kapau ʼe ke faitama, ʼe feala ke ke kole ki te kau tagata ʼafeā te pepa Information à lʼattention des femmes enceintes (S-401). ʼE ʼaoga anai te pepa ʼaia ke ke toʼo he ʼu tonu lelei moka hoko anai he koga lolotoga tau faitama peʼe ko tau faifanau.

• Kapau ʼe tonu ke ke ulu ki te lopitali peʼe tonu ke tafa koe, fakaha fakatomuʼa ki te kau tagata ʼafeā pea mo ke fakaha ki te kau toketa ʼe ke loto ke alu atu he Fakamoʼoni ʼa Sehova ʼo fakasiosio koe.

Kotea te tokoni ʼe feala ke fai atu e te kau tagata ʼafeā? ʼE feala ke natou tokoni atu ke ke tohi tau kate toto DPA. ʼE mole natou toʼo anai te tonu maʼa koe ʼo ʼuhiga mo te ʼu faitoʼo pea mo fakaha atu tanatou manatu. Ko koe tokotahi pe ʼae ka toʼo anai te tonu. (Lom 14:12; Kal 6:5) Ka ke fakaha ki te kau tagata ʼafeā ʼe tafa anai ia koe, ʼe natou pauʼi anai maʼa koe ki te Komite Fakafelogoi Mo Te Lopitali (CLH).

Kotea te tokoni ʼe feala ke fai atu e te CLH? ʼE feala ke tokoni te ʼu tehina ʼo te CLH ki te hahaʼi ʼae ʼe gaue ʼi te lopitali peʼe ʼi te faʼahi ʼo te lao, ke natou mahino ki te manatu ʼa te kau Fakamoʼoni ʼa Sehova ʼo ʼuhiga mo te toto. ʼE feala ke natou felogoi mo te toketa faitafa ʼo ʼuhiga mo te faʼahiga faitafa ʼe mole fakaʼaogaʼi ai te toto. ʼE feala ke natou kumi he toketa faitafa ʼe fakaʼapaʼapa ki tatatou manatu ʼo ʼuhiga mo te toto.

SIOʼI TE ʼATA ʼE FEAFEAʼI TE FILIFILI ʼO NI FAITOʼO HUʼU MO TE TOTO?, PEA MO TALI KI TE FEHUʼI ʼAENI:

• Kotea te ʼu manatu ʼi te ʼata viteo ʼe ʼaoga anai kia koe moka hoko he aluʼaga fakafokifa?

  Your answer