19-25 Fepualio
PESALEMO 8-10
Katiko 2 Pea Mo Te Faikole | Fakaha Te Polokalama (1 min.)
1. “Sehova e, ʼe au fia vikiʼi koe”!
(10 min.)
ʼE agalelei ʼaupito ia Sehova mo tatou (Ps 8:3-6; w21.08 3 ¶6)
ʼE tou vikiʼi fakafiafia ia Sehova moka tou palalau mo te hahaʼi ʼo ʼuhiga mo tana ʼu gaue taulekaleka (Ps 9:1; w20.05 23 ¶10)
ʼE tou toe vikiʼi ia ia moka tou hiva mo he loto katoa (Ps 9:2; w22.04 7 ¶13)
FAI TE FEHUʼI ʼAENI, ‘Kotea te tahi ʼu aluʼaga ʼe feala ke au vikiʼi ai ia Sehova?’
2. Koloa Fakalaumalie
(10 min.)
-
Ps 8:3—ʼE fakaʼuhiga kitea te ʼu nima ʼo te ʼAtua ʼae ʼe talanoa kiai te tagata faipesalemo? (it-1-F 663)
-
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu
3. Lau Te Tohi-Tapu
(4 min.) Ps 10:1-18 (th ako 11)
4. Kamata He Faipalalau
(3 min.) ʼI TE FAIFAKAMAFOLA ʼI TE ʼU ʼAPI. ʼE ui atu e he tahi ʼo te ʼapi ʼe mole tui ki te ʼAtua. (lmd ako 5 manatu 4)
5. Hoko Atu Tona ʼAʼahi
(4 min.) ʼI TE FAIFAKAMAFOLA FAIGAMALIE. ʼI takolua ʼuluaki faipalalau, neʼe ina ui atu ʼe mole tui ki te ʼAtua, kae ʼe loto lelei ke kolua vakaʼi he ʼu fakamoʼoni ʼo ʼuhiga mo totatou Fakatupu. (th ako 7)
6. Akonaki
(5 min.) w21.06 6-7 ¶15-18—Kupu Tafito: Tokoni Ki Tau Ako Ke Fakavikiviki Kia Sehova. (th ako 10)
Katiko 10
7. ʼE Feafeaʼi Te Faifakamafola Faigamalie ʼAki ʼAu Palalau Mahani?
(10 min.) Faipalalau.
Ko te aluʼaga ʼae ʼe feala ke hikihiki ai tatatou fakavikiviki kia Sehova ʼe ko te faifakamafola ki te hahaʼi ʼae ʼe tou felaveʼi mo ia ʼi te ʼaho fuli. (Ps 35:28) ʼE feala ʼi te kamata ke tou mataku ʼi te faifakamafola faigamalie. Kae, kapau ʼe tou ako te kamata pea mo te hoko atu he faipalalau ʼaki ʼatatou palalau mahani, pea ʼe tou liliu anai ʼo faiva pea mo fiafia ai!
Fakahaʼele te ʼATA VIDEO Ke Ke Teuteu Ki Te Tala ʼo “Te ʼu Logo Lelei ʼo Te Tokalelei”—Fai hau fakatuʼutuʼu. Pea fehuʼi fenei:
Kotea neʼe ke ako mai te faʼifaʼitaki ʼaeni ʼe tokoni atu anai ke ke liliu ʼo faiva ʼi te faifakamafola faigamalie?
Te ʼu tokoni ʼaoga ki te kamata ʼo he faipalalau:
-
Lamalama te ʼu aluʼaga ʼae ʼe feala ke katama ai he faipalalau ka ke mavae ʼi tou ʼapi. Faikole ʼo ʼuhiga mo tau fakatuʼutuʼu pea mo kole kia Sehova ke ina taki koe kia ia ʼae ka loto lelei anai
-
Aga fakakaumeʼa mo fakaha tau tokaga moʼoni kia ia ʼae ka felaveʼi mo ia. Faiga ke ke iloʼi he meʼa ʼo ʼuhiga mo ia ʼe tokoni atu anai ke ke iloʼi te moʼoni ʼo Tohi-Tapu ʼae ka ʼaoga kia ia
-
Vakaʼi peʼe feala tau maʼu tana numelo telefoni
-
ʼAua naʼa ke lotovaivai, kapau ʼe ʼosi takolua faipalalau neʼe mole ke palalau age ki he manatu ʼo Tohi-Tapu
-
Manatuʼi ia ia hili takolua faipalalau, ʼo ke momoli age he lien ki he vaega Tohi-Tapu peʼe ki he alatike ʼi te jw.org
ʼAhiʼahi: Kapau ʼe fehuʼi atu e he tahi: ‘Neʼe feafeaʼi te fakaʼosi vahaʼa?,’ palalau age ki he manatu neʼe ke ako ʼi te fono peʼe ki te ako Tohi-Tapu neʼe ke fai.
8. Akonaki ʼAoga
(5 min.)
9. Aho Tohi-Tapu ʼo Te Kokelekasio
‵(30 min.) bt kap. 6 ¶1-8 pea mo te manatu ʼo ʼuhiga mo te koga 2
