6:9-11, 25-27, 54, 66-69

ʼI te foaki ʼae e Sesu ki te ʼu tisipulo he lea fakata neʼe mole natou mahino ki ai. Ko ʼihi neʼe natou tukia ʼo mole kei natou fia muliʼi ia ia. ʼI te ʼaho ki muʼa atu, neʼe fafaga fakamilakulo natou e Sesu, ʼo fakamoʼoni ai ʼe haʼu tona malohi mai te ʼAtua. Koia, kotea koa ʼae neʼe natou tukia ai? Neʼe natou muliʼi ia Sesu he neʼe natou manatu pe kia natou totonu. Neʼe natou kumi pe te ʼu meʼa kai fakasino.

ʼE tonu ke tou fai kia tatou takitokotahi te ʼu fehuʼi ʼaeni: He koʼe koa ʼe au mulimuli ia Sesu? ‘ ʼE au muliʼi pe koa ia Sesu ʼuhi ko te ʼu tapuakina ʼae ʼe au maʼu nei mo ʼae ʼi te ka haʼu? Peʼe ʼuhi ʼae ʼe au ʼofa ia Sehova pea ʼe au fia fakafiafiaʼi tona loto?’

Kapau ʼe tou tauhi tafito pe kia Sehova ʼuhi pe ko te ʼu aluʼaga ʼaeni, he koʼe ʼe feala ke tou tukia?

• ʼE tou fia fakatahi mo te hahaʼi ʼa te ʼAtua

• ʼE tou fia maʼuli ʼi te Palatiso