’E faka’aoga’i e Sehova ia te ’u tehina mo te ’u tuaga’ane mo’o tokoni mai. (1Pe 5:9) ’E feala ke natou tokoni mai ’i te gaue faifakamafola. ’E hage pe ko te apositolo ko Paulo, ne’e tokoni ki ai ia Akila pea mo Pilisila, mo Silasi, mo Timoteo pea mo ʼihi atu.—Gau 18:1-5.

’E lava tokoni feafea’i mai ’otatou tehina mo tuaga’ane ’i te faifakamafola? ’E feala ke natou akoako tatou ke tou popoto ’i te tali ki he ’u fehu’i, pe’e ke tou fai he ’u ’a’ahi, pe’e ke tou taki he ’u ako Tohi-Tapu. Kumi he tahi ’i tou kokelekasio ’e feala ke tokoni atu. ’E kolua ma’u pe anai he ’u lelei mo kolua fiafia.—Flp 1:25.

VAKAʼI TE ʼATA VITEO ʼE TOU FIAFIA ʼI TE FAI ʼO NI TISIPULO MOKA TOU TALI TE TOKONI ʼA SEHOVA: ʼOTATOU TEHINA MO TUAGAʼANE, PEA MO TALI KI TE ʼU FEHUʼI ʼAENI:

• Kotea ’ae ne’e fai e Neeta ke fia kau ia Jade ki te ’u fono?

• He ko’e ’e lelei ke tou fakaafe he ’u tehina mo tuaga’ane ke natou kau ki tatatou ako?

• Kotea ’ae ne’e lelei’ia e Jade pea mo Abigay?

• Kotea te tahi ’u tokoni ’e feala ke fai atu e te ’u tehina mo tuaga’ane?