Ko he tagata faigao’i faiva, ’e tonu ke ina gaue’i tu’uma’u ’ona ivi. ’E toe feia pe mo tatou, ’e tonu ke tou faiga malohi ke tou gaue’i tu’uma’u ’otatou fealagia fakakaukau. (Hep 5:14) ’I ’ihi temi ’e tou fia to’o he ’u tonu ’o mulimuli ki te manatu ’a ’ihi, kae ’e tonu ke tou faka’aoga’i ’otatou fealagia fakakaukau pea mo to’o he ’u tonu ’a tatou totonu. He kotea tona tupu’aga? He ’e tou hu’i ma’ua pe anai ki te ’Atua ’o ’uhiga mo te ’u tonu ’ae ’e to’o.—Lom 14:12.

’Aua na’a tou manatu ’e lelei pe anai te ’u tonu ’ae ’e tou fai kote’uhi kua fualoa tatatou ’i te mo’oni. Kapau ’e tou fia to’o he ’u tonu fakapotopoto ’e tonu ke tou falala katoa kia Sehova, mo te Tohi-Tapu pea mo tana kautahi.—Sos 1:7, 8; Taa 3:5, 6; Mat 24:45.

VAKAʼI TE ʼATA VITEO “TAUPAU HE LE’O ’O LOTO ’E LELEI,” PEA MO TALI KI TE ʼU FEHUʼI ʼAENI:

• Kotea te tonu ’ae ne’e tonu ke fai e Emma?

• He ko’e ’e mole tonu ke tou to’o he tonu ma’a he tahi?

• Kotea te tokoni fakapotopoto ne’e fai e te taumatu’a kia Emma?

• Ne’e ma’u ’ifea e Emma ia he ’u tokoni ʼaoga ki tona alu’aga?