Ko tatou fuli ʼi ʼihi temi ʼe tou lotomamahi. ʼE mole fakaʼuhiga leva kua vaivai tatatou tui. Maʼia pe la mo Sehova ʼi ʼihi temi neʼe mamahi tona loto. (Sen 6:​5, 6) Kae kotea ʼe tonu ke tou fai moka tou logoʼi ʼe tou lotomamahi tuʼumaʼu?

Kole tokoni kia Sehova. ʼE maʼuhiga kia Sehova ia te ʼu meʼa ʼae ʼe tou logoʼi pea mo ʼatatou manatu. ʼE ina iloʼi moka tou fiafia pea moka tou lotomamahi. Pea ʼe mahino pe koʼe ʼe tou manatu feia peʼe tou logoʼi te faʼahi ʼaia. (Ps 7:9, lua koga) Kae tafito ʼe tuʼania Sehova ʼo ʼuhiga mo tatou pea ʼe fia tokoni mai ke tou lava tauʼi totatou lotomamahi.​—Ps 34:18.

Faiga ke ke maʼu he ʼu manatu lelei. Kapau ʼe tou maʼu he ʼu manatu fakatupu lotomamahi ʼe puli ai totatou fiafia, pea ʼe toe fakatupu kovi ki tatatou tauhi. Koia ʼe maʼuhiga ke tou puipui ʼotatou loto, totatou ʼuhiga tagata katoa.​—Taa 4:23.

SIOʼI TE ʼATA KO ʼOTATOU ʼU TEHINA ʼE MAʼUʼULI ʼI TE TOKALELEI LOGO LA TE MAHAKI MO TE LOTOMAMAHI, PEA MO TALI KI TE ʼU FEHUʼI ʼAENI:

• Kotea ʼae neʼe fai e Nikki ke feala hana tauʼi tona mahaki ko te lotomamahi?

  Tau tali

• Neʼe feafeaʼi te mahino ʼa Nikki ʼe tonu ke alu ki he toketa?​—Mat 9:12

  Tau tali

• Neʼe ha feafeaʼi neʼe falala ia Nikki kia Sehova?

  Tau tali