Neʼe tokoni ia Sehova ki he tagata Iselaele masiva. ʼE tokoni feafeaʼi ia Sehova ki ʼana kaugana masiva ʼi totatou temi?

• Neʼe ina akoʼi natou ke ʼaua naʼa natou manako ki te paʼaga.—Luk 12:15; 1Ti 6:6-8

• Neʼe ina akoʼi natou ke ʼaua naʼa natou fakapalatahi.—Sop 34:19

• Neʼe ina akoʼi natou ke natou gaue kinakina pea ke natou liʼaki te ʼu agamahani kovi.—Taa 14:23; 20:1; 2Ko 7:1

• Neʼe ina foaki age kia natou he foʼi famili manavaʼofa.—Soa 13:35; 1So 3:17, 18

• Neʼe ina foaki age kia natou he ʼamanaki lelei ki te ka haʼu.—Pes 9:19; Esa 65:21-23

Pe kotea te aluʼaga faigataʼa ʼe tou tau mo ia, kae ʼe mole tonu ke tou tuʼania. (Esa 30:15) Kapau ʼe tou haga fakamuʼamuʼa ia te Puleʼaga ʼo te ʼAtua, ʼe foaki mai anai e Sehova ia te ʼu meʼa ʼae ʼe ʼaoga ki totatou maʼuli.—Mat 6:31-33.

VAKAʼI TE ʼATA VITEO ʼE MOLE PULI ANAI TE ʼOFA ʼI HE TEMI LOGO LA . . . TE MAʼULI MASIVA ʼI CONGO, PEA MO TALI KI TE ʼU FEHUʼI ʼAENI:

• Kotea ʼae neʼe fai e te ʼu tehina mo tuagaʼane moʼo fakatalitali ia natou ʼae neʼe faifolau age ki te fakatahi?

• ʼE ha feafeaʼi te ʼofa ʼo Sehova ki te kau masiva?

• ʼE feafeaʼi hatatou faʼifaʼitakiʼi ia Sehova?