Ko he tahi ʼe lotomahino, ’e ko he tahi ’e mahino ki te faʼahiga manatu ’a ʼihi, mo te ’u meʼa ʼae ’e natou logo’i, mo te ’u meʼa ʼae ’e ʼaoga kia natou. ’E ko he tahi ’e fia tokoni ki ʼihi. Ka tou lotomahino ki te haha’i ’i te faifakamafola, ’e tou fia fakaha kia natou ia te ʼofa ’o Sehova, ’o tupu ai tanatou fia ʼomai kia te ia.—Flp 2:4.

Ko he tahi ’e lotomahino ’e iloga ’i tana faʼahiga fakalogo mo tana faʼahiga palalau mo te agaaga ’o ʼona fofoga. Koia ’e maʼuhiga ai ke tou fia mahino lelei ki ʼana manatu, mo te ’u meʼa ʼae ’e tui ki ai, pea mo te alu’aga ’o tona maʼuli. ’E tou fia tokoni anai ki ai kae ’e mole tou fakakinau’i anai ia ia ke ina fai ni fetogi. ’E tou fiafia moka tali e he tahi ke tou tokoni ki ai.

VAKAʼI TE ʼATA VITEO ʼE TOU FIAFIA ʼI TE FAI ʼO NI TISIPULO MOKA TOU FAIVA ʼI TE LOTOMAHINO, PEA MO TALI KI TE ʼU FEHUʼI ʼAENI:

• Kotea ʼae neʼe fai e Neeta ’i te tauhala age ʼa Jade?

• Kotea ʼae neʼe fai e Neeta ’i te ui age ʼa Jade ’e mole feala ke fai tana ako he ’e hoha fau?

• Kotea ʼae neʼe fai e Neeta ’i te ui age ʼa Jade ’e mole ina lava fakatuʼutuʼu lelei ʼana gaue?