Ko te ʼu fakatuʼutuʼu fakalaumalie ʼe ko te ʼu fakatuʼutuʼu fuli ʼe tou fai ke tou tauhi kia Sehova pea mo fakafiafiaʼi tona loto. ʼE tou liliu ai ʼo fotufotuʼa ʼi te faʼahi fakalaumalie, koia ʼe lelei ke tou fakaʼaogaʼi totatou temi mo totatou malohi ki te ʼu gaue ʼaia. (1Ti 4:15) He koʼe ʼe lelei ke tou toe vakavakaʼi tuʼumaʼu ʼatatou fakatuʼutuʼu? Koteʼuhi ʼe fetogi te aluʼaga ʼo totatou maʼuli. Lagi ʼi te temi nei, ʼe mole kei feala ke tou fakahoko he fakatuʼutuʼu. Peʼe kua tou lava fakahoko he fakatuʼutuʼu, koia kua feala leva ke tou toe fai he tahi age fakatuʼutuʼu ki te hoko atu.

Ko te kamata ʼo te taʼu gaue, ʼe ko te temi lelei ʼaia ke tou toe fakasiosio ʼatatou ʼu fakatuʼutuʼu. Koia ʼe feala pe ke tou vakaʼi te koga ʼaia ʼi te ako fakafamili pea mo fai he ʼu fakatuʼutuʼu fakafamili peʼe takitokotahi.

Kotea la te ʼu fakatuʼutuʼu ʼe feala ke kotou fai ʼi te ʼu aluʼaga ʼaeni pea kotea ka kotou fai ke kotou lava fakahoko?