He ’u ʼUluaki Palalau
KO TE TULE LEʼO
Fehuʼi: ʼI tau manatu la, kapau ko te Tohi-Tapu ʼe haʼu mai te ʼAtua ʼe feala koa hona puipui mai te ʼu faiga ʼae ke pulihi?
Vaega: Esa 40:8
Tufa: Ko te ʼu alatike ʼi te pasina 3-8 ʼe talanoa ai ki te hisitolia fakaofoofo ʼo ʼuhiga mo te puipui ʼo te Tohi-Tapu.
KO TE TULE LEʼO (pasina fakaʼosi)
Fehuʼi: ʼE au fia iloʼi tau manatu ki te fehuʼi ʼaeni. [Lau te ʼuluaki fehuʼi ʼo te pasina 16.] Ko ʼihi ʼe natou manatu ko te lotu ʼe ko he fakatuʼutuʼu fakatagata. Pea ko ʼihi ʼe natou manatu ʼe fakaʼaogaʼi e te ʼAtua te lotu ke tou fakaovi ai kia te ia. Kotea la tau ia manatu?
Vaega: Skp 1:27
Tufa: ʼI te alatike ʼaeni, ʼe fakamahino ai pe kotea ʼae ʼe toe ui ʼi te Tohi-Tapu ʼo ʼuhiga mo te manatu ʼaia. ʼE au fiafia anai ʼi te toe liliu mai ke hoko atu tatā faipalalau ki ʼihi manatu ʼo ʼuhiga mo te alatike.
TE ’U LOGO LELEI MAI TE ʼATUA
Fehuʼi: Ko ʼihi ʼe natou manatu ko te lau ʼo te ʼu lea fakapolofeta ʼi te Tohi-Tapu ʼe hage pe ko te ʼu aluʼaga ʼe tuʼu ʼi te ʼu sulunale ia ʼaho nei. Kotea la he ʼu aluʼaga neʼe fakakikite kua ke sio peʼe kua ke logo ki ai?
Vaega: 2Ti 3:1-5
Tufa: ʼE fakamahino ʼi te kaupepa ʼaeni, pe koʼe ʼe fakaʼuhiga te ʼu aluʼaga ʼaia ʼe hoko ia ʼaho nei ki he ʼu logo lelei kia natou ʼae ʼe ʼoʼofa ki te ʼAtua. [Fakaha age te ako 1, fehuʼi 2.]
TOHI ʼAU PALALAU
Fakaʼaogaʼi te faʼahiga fakatuʼutuʼu ʼo he ʼu ʼuluaki palalau moʼo tohi ʼau palalau.
