ʼE lahi te ʼu faikole ʼi te Tohi-Tapu neʼe fagono ki ai ia Sehova. Neʼe sio leva te ʼu kaugana ʼa te ʼAtua ki te fagono ʼa Sehova ki ʼanatou tuʼania pea mo tana tokoni kia natou, pea neʼe malohi ai tanatou tui. Koia, ʼe tonu ke tou fakaha lelei te ʼu meʼa ʼae ʼi ʼotatou loto ʼi ʼatatou faikole pea mo faigaʼi leva ke tou iloʼi te tali ʼa Sehova. Ke ke manatuʼi ka tali mai e Sehova, ʼe feala ke ina fakahoko ʼo lahi maumau age ʼi te ʼu meʼa ʼae ʼe ke kole peʼe manatu ki ai. (2Ko 12:7-9; Efe 3:20) Kotea ʼae ʼe foaki mai e Sehova moka ʼe ina tali ki ʼatatou faikole?

• ʼE ina foaki mai te malohi, mo te tokalelei pea mo te tui ke tou lava tauʼi he fihifihia.​—Flp 4:13

• ʼE ina foaki mai te poto ke tou toʼo ai he tonu ʼe lelei.​—Skp 1:5

• ʼE ina foaki mai te fakaʼamu mo te malohi moʼo fai he meʼa.​—Flp 2:13

• ʼE ina foaki mai te tokalelei moka tou tuʼania.​—Flp 4:6, 7

• ʼE ina fakaʼaogaʼi ʼihi ke natou tokoni mai ke tou maʼu te ʼu meʼa ʼae ʼe ʼaoga kia tatou peʼe ke fakalotofimalieʼi mo fakalotomalohiʼi tatou.​—1So 3:17, 18

• ʼE tokoni mai ke tou hufakiʼi ʼihi.​—Gau 12:5, 11

SIOʼI TE ʼATA ʼE FAGONO IA SEHOVA KI TE ʼU FAIKOLE, PEA MO TALI KI TE ʼU FEHUʼI ʼAENI:

• ʼE fakalotomalohiʼi feafeaʼi tatou e te faʼifaʼitaki ʼa te tehina ko Shimizu mo kapau ʼe tou mahaki?

• ʼE feafeaʼi hatatou faʼifaʼitakiʼi ia te tehina ko Shimizu?