TE MAʼULI FAKAKILISITIANO MO TE FAIFAKAMAFOLA–KAUPEPA AKO Sunio 2016
He ’u ʼUluaki Palalau
Te ʼu manatu moʼo tufa te Réveillez-vous ! pea mo ʼatatou pepa lotu. Fakaʼaogaʼi te ʼu ʼuluaki palalau moʼo tohi ʼau palalau.
TE ʼU KOLOA ʼO TE TOHI-TAPU
Falala Kia Sehova Pea Mo Fai Te Meʼa ʼAe ʼe Lelei
Ke ke maʼuliʼi te tokoni maʼuhiga ʼae ʼe tuʼu ia Pesalemo 37.
TE MAʼULI FAKAKILISITIANO
Ke Lelei Age Tatatou Faifakamafola
He koʼe ʼe tonu ke tou fakaʼaogaʼi ʼatatou ʼata viteo ʼi te faifakamafola? ʼE feala ke tou hikihiki feafeaʼi tatatou faifakamafola?
TE ʼU KOLOA ʼO TE TOHI-TAPU
ʼE Tokoni Ia Sehova Kia Natou ʼAe ʼe Mahahaki
Ko te ʼu palalau ʼa Tavite ʼae ʼe tuʼu ia Pesalemo 41 ʼe feala ke ina fakalotomalohiʼi te ʼu kaugana agatonu ʼae ʼe tau mo te mahaki peʼe ko te ʼu faigataʼaia ia ʼaho nei.
TE ʼU KOLOA ʼO TE TOHI-TAPU
ʼE Mole Siʼaki Anai e Sehova Ia He Loto ʼe Lavea
Ia Pesalemo 51, neʼe fakaha e Tavite neʼe malave kia ia tana agahala mamafa. Kotea ʼae neʼe tokoni ki ai ke ina toe maʼu ʼana felogoʼi mo Sehova?
TE MAʼULI FAKAKILISITIANO
Kua Taʼu 100 Te ʼAfio ʼo Te Puleʼaga ʼo Te ʼAtua
Fakaʼaogaʼi te ʼu fehuʼi moʼo talanoa pe kotea ʼae neʼe fakahoko e te Puleʼaga ʼo te ʼAtua talu mai te taʼu 1914.
TE ʼU KOLOA ʼO TE TOHI-TAPU
“Tuku Tau Kavega Kia Sehova”
Ko te tokoni ʼa Tavite ʼae ʼe tuʼu ia Pesalemo 55:23 ʼe tokoni mai ke tou tauʼi te ʼu faigataʼaia fuli peʼe ko te tuʼania.
TE MAʼULI FAKAKILISITIANO
“Ko Te Atua Ko Toku Tokoni”
Neʼe vikiʼi e Tavite ia Sehova ʼo ʼuhiga mo tana Folafola. Kotea te ʼu vaega Tohi-Tapu ʼe tokoni atu ke ke tauʼi ʼou faigataʼaia?
