Neʼe tohi te Pesalemo 51 e Tavite ʼi te hili pe ʼo te fakatokaga age e te polofeta ko Natane tana agahala mamafa mo Pate-Sepa. Neʼe gaue te leʼo ʼo loto ʼo Tavite pea ʼaki he agavaivai neʼe ina vete ʼana agahala.—2Sa 12:1-14.

51:5, 6, 10-14, 19

• ʼI muʼa ʼo tana fakahemala mo vete ʼana agahala, neʼe lotomamahi ʼaupito

• ʼI te lahi ʼo tona lotomamahi ʼi tana mole maʼu ʼae te tapuakina ʼa te ʼAtua neʼe hage ia ko he tagata neʼe malamalakiʼi ʼona hui

• Neʼe ina fia maʼu te fakamolemole, mo toe maʼu ʼana felogoʼi lelei mo Sehova, pea mo te fiafia ʼae neʼe nofo mo ia ʼi muʼa ʼo tana agahala

• ʼAki he agavaivai, neʼe ina kole te tokoni ʼa Sehova ke ina fakaha tana fia fakalogo

• Neʼe falala ki te lotofakamolemole ʼa Sehova