Ko natou ʼae ʼe fia fakalogo ki te Puleʼaga ʼo te ʼAtua, ʼe tonu ke natou ako te ʼu meʼa fuli ʼo ʼuhiga mo te Puleʼaga pea mo te ʼu aluʼaga neʼe ina fakahoko. Kotea tona tupuʼaga? Koteʼuhi ʼe mole natou fakamalohiʼi pe anai tanatou tui kaʼe ʼe ʼekenaki ai ʼonatou loto ke natou tala ki te hahaʼi te logo lelei ʼo te Puleʼaga ʼo te ʼAtua. (Pes 45:2; 49:4) Kotou vakaʼi te ʼata viteo Kua Taʼu 100 Te ʼAfio ʼo Te Puleʼaga ʼo Te ʼAtua pea mo tali ki te ʼu fehuʼi ʼaeni:

1. He koʼe ko te “Photo-Drame de la Création” neʼe ko he tapuakina kia natou ʼae neʼe natou sioʼi?

2. Neʼe fakaʼaogaʼi feafeaʼi te latio ke malave te logo lelei ki te hahaʼi?

3. Kotea ʼihi faʼahiga fai neʼe fakaʼaogaʼi moʼo fakamafola te ʼu logo lelei? Pea kotea tona fua?

4. ʼAki te alu ʼo te temi, neʼe tuputupu feafeaʼi te akoako ki te faifakamafola?

5. Kotea te ako maʼuhiga neʼe fai ki te kau ako ʼo Te Ako ʼo Kileate?

6. He koʼe neʼe maʼuhiga te ʼu fakatahi lalahi ki te akoʼi ʼo te hahaʼi ʼa Sehova?

7. Kotea ʼae ʼe ha mai ai ʼe kua ʼafio nei te Puleʼaga ʼo te ʼAtua?

8. ʼE tou fakaha feafeaʼi ʼe tou lagolago ki te Puleʼaga ʼo te ʼAtua?