TE ʼU KOLOA ʼO TE TOHI-TAPU | PESALEMO 34-37
Falala Kia Sehova Pea Mo Fai Te Meʼa ʼAe ʼe Lelei
“Aua naa ke . . . finenonofo kia natou ae e natou fai te kovi”
-
ʼAua naʼa ke tuku ke fakaleluʼi tau tauhi kia Sehova e te hahaʼi agakovi ʼae ʼe fakatemi pe tonatou fiafia. Tokaga tafitō ki te ʼu tapuakina fakalaumalie pea mo ʼau fakatuʼutuʼu
“Ke ke falala [kia Sehova], pea ke fai te mea ae e lelei”
-
Ko tau falala kia Sehova ʼe tokoni atu anai ke ke tauʼi ʼou tuʼania pea mo ke nofo agatonu
-
Ke ke maʼumaʼua ʼi te fakaha ʼo te logo lelei ʼo te Puleʼaga ʼo te ʼAtua
“Ke ke fai [kia Sehova] tou fiafiaaga lahi”
-
Fai hau polokalama ke ke lau te Folafola ʼa Te ʼAtua pea mo metitasio ki ai ʼaki te fakatuʼutuʼu ʼae ke ke iloʼi lelei age ia Sehova
“Tuku tou mauli [kia Sehova]”
-
Tuku katoa tau falala kia Sehova he ʼe tokoni atu anai ke ke fakatokatoka ʼou fihifihia
-
Taupau he aga ʼe lelei moka ke tau mo he fakafeagai, peʼe ko he fakataga, peʼe vaʼi koe
“Ke ke fakalogologo ia mua o [Sehova], pea ke ke amanaki lelei kia ia”
-
Tekeʼi te fai ʼo te ʼu meʼa ʼae ʼe ina kaihaʼa tou fiafia pea mo ina maumauʼi ʼau felogoʼi mo Sehova
“E mau e te kau masiva te fenua”
-
Kumi te agavaivai pea fakatalitali ʼaki he agavaivai ki te pulihi e Sehova te heʼe faitotonu ʼae ʼe tau mo koe
-
Tokoni ki ʼou tehina mo tuagaʼane pea mo fakalotofimalieʼi natou ʼae ʼe lotomamahi ʼaki te fakapapau ʼa te ʼAtua ʼo ʼuhiga mo te malama foʼou ʼae kua ovi mai
ʼE foaki mai anai e te Puleʼaga Fakamesia ia te ʼu tapuakina taulekaleka
