ʼE feala ke malave te ʼu ʼata viteo ki te hahaʼi ʼaki tanatou fakaʼaogaʼi te ʼu logoaga sino, ohage la ko te sio mo te logo. ʼE tokoni te ʼu faʼahi ʼaia ke natou tokakaga lelei pea mo manatuʼi tuʼumaʼu. Ko Sehova ʼe ko he faʼifaʼitakiʼaga lelei ʼo ʼuhiga mo te fakaʼaogaʼi ʼo te ʼu ʼata viteo ki te akoʼi ʼo te moʼoni.—Ga 10:9-16; Apk 1:1.

Ko te ʼu ʼata viteo ʼaeni ʼe hilifaki ki te ako 2 mo 3 ʼo te kaupepa Logo Lelei, ohage la ʼE ʼi Ai Koa He Huafa ʼo Te ʼAtua?, Ko Ai ʼAē Neʼe Haʼu Mai Ai Te Tohi-Tapu?, ʼE Tou Lava ʼIloʼi Feafeaʼi ʼe Moʼoni Te Tohi-Tapu?. Ko te ʼu ʼata viteo ʼaeni He Ko ʼe ʼe Lelei Ke Ke Ako Te Tohi-Tapu?, ʼE Feafeaʼi Te Fai ʼo He Ako Tohi-Tapu?, Kotea ʼAe ʼe Fai ʼi Te ʼu Fale Fono? ʼe feala ke ina fakalotomalohiʼi te hahaʼi ke natou ako te Tohi-Tapu mo tatou peʼe ke natou kau ki te ʼu fono. Ko ʼihi ʼata viteo ʼe feala ke tou toe fakaʼaogaʼi moka tou faiako.—km 5/13 p. 3.

• Toʼo fakatomuʼa mai te Neti te ʼata viteo ʼae ʼe ke fia fakaha ki he tahi

• Teuteuʼi he fehuʼi ʼe tahi peʼe lua ʼe maʼu anai tona tali ʼi te ʼata viteo

• Sioʼi fakatahi te ʼata viteo

• Faipalalau ki te ʼu manatu tafitō

• Fakaha age te pasina fakaʼosi ʼo he pepa lotu pea mo fakaha age te code ʼae moʼo vakaʼi te ʼata viteo He Ko ʼe ʼe Lelei Ke Ke Ako Te Tohi-Tapu?

• Fakaha te ʼata viteo ʼE Tou Lava ʼIloʼi Feafeaʼi ʼe Moʼoni Te Tohi-Tapu? pea ke foaki age te kaupepa Logo Lelei ʼaki tau fakaha age te ako 3