Ko te ʼu matuʼā ʼae ʼe manavasiʼi ki te ʼAtua ʼe natou fakaʼamu ke liliu ʼanatou fanau, ko he ʼu kaugana agatonu ʼa Sehova. Talu mai tanatou kei veliveli, ʼe tokoni te ʼu matuʼā ke malave ki te loto ʼo ʼanatou te ʼu akonaki Fakatohi-tapu. (Te 6:7; Taa 22:6) Koia, ʼe maʼua ke natou fai he ʼu sakilifisio. Kae ki ʼamuli, ʼe natou maʼu anai he ʼu fakapale.—3So 4.

’E feala ki te ʼu matuʼā ke natou taʼofi he tahi atu ʼu ako mai te faʼifaʼitaki ʼo Sosefo mo Malia. Neʼe ko tana agamahani ʼi te taʼu fuli ko te olo ki Selusalemi ʼo kau ki te ʼaho lahi ʼo te Pasikate. Neʼe mole ko he faʼahi faigafua he neʼe tonu ke nā kinakina pea neʼe toe ʼaoga foki ki ai he fala. (Luk 2:41) Ko te meʼa ʼae neʼe maʼuhiga ʼaupito kia naua mo tanā kiʼi famili ko te fakamuʼamuʼa ʼo Sehova. ʼE toe feia pe ia ʼaho nei, ʼe tokoni te ʼu matuʼā ʼo fakaʼaogaʼi te ʼu faiga malie fuli, ʼaki ʼanatou faʼifaʼitaki mo ʼanatou palalau ke takitaki ai ʼanatou fanau ʼi te ala ʼo Sehova.—Pes 127:3-5.

VAKAʼI TE ʼATA VITEO NEʼE NATOU TOʼO TE ʼU FAIGA MALIE FULI PEA MO TALI KI TE ʼU FEHUʼI ʼAENI:

• Logo la neʼe ʼi ai tona famili, neʼe haga fakamuʼamuʼa feafeaʼi e Jon mo Sharon Schiller ia Sehova?

• Moka ʼe ʼaoga ke fakatonutonuʼi natou, he koʼe ʼe tonu ki te ʼu matuʼā ke natou fakafuafua lelei ʼo mulimuli pe ki te ʼu meʼa ʼae ʼe ʼaoga ki te ʼu fanau takitokotahi?

• ʼE teuteuʼi feafeaʼi e te ʼu matuʼā ʼanatou fanau ke natou ʼutakiʼi te ʼu ʼahiʼahi?

• Kotea te ʼu meʼa gaue ʼae ʼe foaki mai ʼe te kautahi ʼa Sehova ke tokoni ki ʼakotou fanau ke liliu ai ko he ʼu kaumeʼa ʼo Sehova?