ʼI ʼatatou kokelekasio, ʼe i ai te ʼu tehina mo tuagaʼane ʼe natou tauhi kia Sehova talu mai fualoa. ʼE feala ke tou faʼifaʼitakiʼi tanatou falala malohi ʼae kia Sehova. ʼE feala ke tou fai ni fehuʼi kia natou ʼo ʼuhiga mo te hisitolia ʼo te kautahi ʼa Sehova, pea mo te ʼu faigataʼa ʼae neʼe natou tauʼi ʼaki te tokoni ʼa Sehova. ʼE feala pe ke tou fakaafe he tahi ia natou ki tatatou Ako Fakafamili, pea mo kole age ke ina fakamatala mai he ʼu aluʼaga neʼe hoko kia ia.

Kapau ʼe ke tauhi kia Sehova talu mai fualoa, fakamatala ki te kau tupulaga Kilisitiano pe neʼe tokoni feafeaʼi atu ia Sehova kia koe. Ko Sakopo mo Sosefo neʼe nā fakamatala ki ʼona hologa te ʼu meʼa ʼae neʼe fai e Sehova maʼa naua. (Sen 48:21, 22; 50:24, 25) Ki muli age, neʼe kole e Sehova ki te ʼu pule famili ke natou akoʼi ki ʼanatou fanau ʼana ʼu gaue malohi. (Te 4:9, 10; Pes 78:4-7) ʼI totatou temi, ko te ʼu matuʼā mo ʼihi ʼi te kokelekasio ʼe feala hanatou fakamatala ki te kau tupulaga te ʼu meʼa fakaofoofo ʼae neʼe fai e Sehova ʼaki tana kautahi.

VAKAʼI TE ʼATA VITEO TOU LOGO TAHI MOKA TAPUʼI TE GAUE, PEA MO TALI KI TE ʼU FEHUʼI ʼAENI:

• Neʼe tokoni feafeaʼi ia te Petele ʼo Autriche ki ʼotatou tehina mo tuagaʼane ʼae ʼe maʼuʼuli ʼi te ʼu fenua ʼae ʼe tapuʼi ai tatatou gaue?

• Kotea ʼae neʼe tokoni ki te ʼu tehina mo tuagaʼane ʼi te ʼu fenua ʼaia ke natou taupau he tui malohi?

• He koʼe ko te tokolahi ʼo te kau faifakamafola ʼi Roumanie neʼe natou mavae mai te kautahi ʼa Sehova? Pea neʼe feafeaʼi tanatou toe liliu mai ki te kautahi?

• ʼE fakamalohiʼi feafeaʼi tau tui ʼaki te ʼu fakamatala ʼaia?