ʼI te kamata neʼe manatu ia Moisese ʼe mole ina lavaʼi anai te fai ʼo te gaue ʼae neʼe fakatotonu e Sehova ke ina fai. (Ek 4:10, 13) Neʼe kua ke manatu feia koa? ʼE ke ako koa te Tohi-Tapu mo te Kau Fakamoʼoni ʼa Sehova? Kua ke feʼekeʼaki koa pe ʼe ke lavaʼi anai te faifakamafola ʼi te ʼu ʼapi? Peʼe lagi ke tupulaga pea ke tuʼania te faifakamafola ʼi te fale ako. Peʼe ke mataku ʼi te faifakamafola ʼaki te telefoni, peʼe ko te faʼahiga faifakamafola faigamalie. Faikole kia Sehova ke ina foaki atu tona malohi, ʼaki tona laumalie maʼoniʼoni. (1Pe 4:11) Ke ke tui papau ʼe tokoni atu anai ke ke fakahoko te ʼu gaue fuli ʼae neʼe ina foaki atu.—Ek 4:11, 12.

VAKAʼI TE ʼATA VITEO KOTOU LOTOTOʼA ʼI TOKOTOU ʼUHIGA . . . FAIFAKAMAFOLA, PEA MO TALI KI TE ʼU FEHUʼI ʼAENI:

• Kotea te fihifihia ʼae neʼe tau mo te tuagaʼane ko Aoyama?

• Kotea neʼe tokoni kia ia ke ina maʼu te malohi pea mo te lototoʼa?—Sel 20:7-9

• Kotea te ʼu lelei neʼe ina maʼu ʼi tana faiga ʼae ke lahi age tana gaue ʼae kia Sehova?

• ʼE tokoni feafeaʼi mai ia Sehova ke tou lava tauʼi te ʼu faigataʼaʼia ʼae ʼe tou tau mo ia ʼi te faifakamafola?