TE MAʼULI FAKAKILISITIANO
Ke Lelei Age Tatatou Faifakamafola—Tou Tokoni Kia Natou ʼAe ʼe Lelei ʼOnatou Loto Ke Liliu Ko Ni Tisipulo
HE KOʼE ʼE MAʼUHIGA? Ko Sehova ʼae ʼe ina fakatuputupu te ʼu pulapula ʼo te moʼoni ʼi te ʼu loto ʼo natou ʼae ʼe “lelei ʼonatou loto ke natou maʼu te maʼuli heʼe gata.” (Gau 13:48; 1Ko 3:7) ʼE tou gaue fakatahi mo te ia ʼo tou tokakaga fakalelei kia natou ʼae ʼe natou maʼuliʼi te ʼu moʼoni ʼae ʼe natou ako. (1Ko 9:26) ʼE tonu ki te kau ako ke natou mahino ko te papitema ʼe maʼuhiga ki tonatou haofaki. (1Pe 3:21) ʼE tou tokoni ke natou liliu ko ni tisipulo, ʼaki te fetogi ʼo ʼonatou maʼuli, ke natou faifakamafola mo faiako pea ke natou foaki ʼonatou maʼuli kia Sehova.—Mat 28:19, 20.
TE ʼU MEʼA ʼAE ʼE TONU KE KOTOU FAI:
-
Fakamanatuʼi ki te kau ako ko te ikuʼaga tafito ʼo tanatou ako, ko te “iloʼi” ia Sehova pea mo fai tona finegalo.—Soa 17:3
-
Tokoni ke natou tuputupu ʼi te faʼahi fakalaumalie ʼaki tanatou tekeʼi te ʼu agamahani ʼae ʼe mole lelei pea mo te ʼu fakakaugā kovi
-
Fakalotomalohiʼi natou ʼi muʼa pea ʼi te hili ʼo tonatou papitema.—Gau 14:22
VAKAʼI TE ʼATA VITEO ʼE TOKONI ANAI IA SEHOVA KIA KOE PEA MO TALI KI TE ʼU FEHUʼI ʼAENI:
-
Kotea te ʼu tuʼania ʼe feala ke ina taʼofi he tahi ke mole foaki tona maʼuli pea mo papitema?
-
ʼE feafeaʼi te tokoni ʼa te kau tagata ʼafeā ki te kau ako ke natou tuputupu ʼi te faʼahi fakalaumalie?
-
Kotea te ako ʼe tou taʼofi mai ia Esaia 41:10 ʼo ʼuhiga mo Sehova?
-
Kotea te ʼu kalitate ʼe ina fakafealagia mai ke tou tauhi kia Sehova logo la totatou ʼuhiga agahala?