ʼE Kotou Fakaʼapaʼapa Koa Ki Te Tohi ʼa Sehova?
“I takotou tali te folafola a te Atua . . . nee kotou tali ia . . . o hage ko te folafola totonu a te Atua.”—1 TESALONIKA 2:13.
KATIKO: 114, 113
1-3. Kotea ʼae neʼe lagi hoko ia Evoti pea mo Sinitise? ʼE feafeaʼi hatatou tekeʼi te ʼu fihifihia? (Vakaʼi te ʼuluaki pāki.)
ʼE TOU fakaʼapaʼapa ki te Tohi-Tapu he ʼe tou iloʼi ʼe ko te tohi ʼa te ʼAtua. ʼE tou maʼu ai he ʼu tokoni ʼe ʼaoga ki te fakatokatoka ʼo ʼotatou faigataʼaia pea ʼe fakatonutonuʼi ai tatou moka tou fai he lakahala. Kaʼe ʼe tou mulimuli koa ki te ʼu tokoni ʼaia? Tou manatuʼi te ʼu fafine fakanofo ʼae ko Evoti mo Sinitise ʼi te ʼuluaki sekulo. ʼE ui ʼi te Tohi-Tapu neʼe nā ke, kaʼe ʼe mole tou iloʼi pe ʼe kotea tona tupuʼaga. Fakakaukauʼi age muʼa te meʼa ʼae neʼe hoko.
2 Neʼe lagi fakaafe e Evoti he ʼu tehina mo tuagaʼane ki he kaitahi ʼi tona loto fale. Kaʼe neʼe mole ina fakaafe ia Sinitise. Pea ʼi te logo ʼae ʼa Sinitise ki te fakamatala e ʼihi tanatou kakai fakatahi ʼi te ʼapi ʼo Evoti, neʼe ita lahi ai. Neʼe lagi manatu fenei: ‘Neʼe au ui pe ʼe fakaafe mai au e Evoti he ʼe ma kaumeʼa lelei.’ ʼI te manatu ʼa Sinitise, neʼe mole ʼofa ia Evoti kia ia pea neʼe mole kei fia sio age ki ai. Koia neʼe toe fakaafe pe e Sinitise te Filipe 4:2, 3, MN.
ʼu tehina mo tuagaʼane ʼae neʼe fakaafe e Evoti, kaʼe neʼe mole ina fakaafe ia Evoti. Neʼe lagi ko he aluʼaga fakatupu lotomamahi ʼaia ki ʼihi ʼo te kokelekasio. Kaʼe ʼe fakaha mai ʼi te Tohi-Tapu ko te apositolo ko Paulo neʼe ina fakatonutonuʼi mo fakalotomalohiʼi naua ke nā tokalelei. ʼE mahino ia, neʼe nā fakalogo kia Paulo pea neʼe nā haga tauhi fakafiafia kia Sehova.—3 ʼO toe feia pe ia ʼaho nei, ʼi ʼihi temi ʼe feala ke hoko he fihifihia ia tatou mo he tehina peʼe ko he tuagaʼane ʼi te kokelekasio. Kaʼe ka tou mulimuli ki te ʼu tokoni ʼae ʼe tuʼu ʼi te Tohi-Tapu, ʼe feala ai hatatou fakatokatoka ʼotatou fihifihia. ʼE toe feala ai foki ke mole hoko te ʼu fihifihia ʼaia. Pea ka tou fakalogo ki te ʼu fakatotonu ʼae ʼi te Tohi-Tapu, ʼe tou fakaha ai ʼe maʼuhiga ʼaupito kia tatou ia te Tohi ʼa Sehova.—Pesalemo 27:11.
ʼE AKOʼI TATOU ʼI TE TOHI-TAPU KE TOU LOLOMI TE ʼU MEʼA ʼAE ʼI TOTATOU LOTO
4, 5. Ko te tokoni fea ʼi te Folafola ʼa te ʼAtua ʼe ʼaoga mai ke tou lolomi ai te ʼu meʼa ʼae ʼi totatou loto?
4 ʼE mole faigafua tuʼumaʼu tatatou lolomi te ʼu meʼa ʼae ʼi totatou loto. ʼE feala ke tou lotomamahi ʼaupito peʼe tou iita moka laukoviʼi tatou peʼe agakovi mai he tahi ʼuhi ko tatatou agaʼi fenua, mo totatou lanu peʼe ko totatou agaaga ʼae ʼi tuʼa. Pea ʼe toe lahi age totatou lotomamahi mo kapau ko hotatou tehina peʼe ko hotatou tuagaʼane ʼae ʼe agakovi mai. Kaʼe ko te tokoni fea ʼa te Folafola ʼa te ʼAtua ʼe feala ke tokoni mai?
5 ʼE iloʼi e Sehova pe kotea ʼae ʼe feala ke hoko mo kapau ʼe mole tou lolomi te ʼu meʼa ʼae ʼi totatou loto. He ʼe ka tou iita, ʼe feala pe hatatou fai he meʼa peʼe ko ni palalau ʼe tou fakahemala ai anai ki ʼamuli. ʼE akoʼi tatou e Sehova ʼi te Tohi-Tapu ke tou lolomi totatou ita, ʼe ina ui fenei mai: “Aua naa ke ita vave i tou loto.” Tou fakakaukauʼi age muʼa te ʼu faigataʼaia ʼae ʼe feala ke tou tekeʼi mo kapau ʼe tou fakalogo ki te tokoni ʼaia, ʼo mole tou hoko iita. (Lau ia Ekelesiasi 7:9; Taaga Lea 16:32.) ʼE toe ui mai foki ʼi te Tohi-Tapu ke tou lotofakamolemole. Pea neʼe toe ui pe la e Sesu, kapau ʼe tou fakamolemole ki ʼihi, ʼe fakamolemole mai anai ia Sehova kia tatou. (Mateo 6:14, 15) ʼE ʼaoga koa ke toe lahi age takotou faʼa kataki fualoa pea mo kotou lotolelei ʼo fakamolemole ki ʼihi?
6. Kotea ʼe feala ke hoko mo kapau ʼe mole tou lolomi te ʼu meʼa ʼae ʼi totatou loto?
6 Ka mole tou lolomi te ʼu meʼa ʼae ʼi totatou loto, ʼe feala pe ke tou taupau he loto ita pea mo tou kamata fehihiʼa ki he tahi. Peʼe tou fakaneke ʼihi ʼi te kokelekasio ke natou manatu tahi mo tatou. Tatau aipe pe ʼe tou faiga ke tou fufu totatou ita, kaʼe ʼe iloʼi pe anai e ʼihi ki ʼamuli. Pea ʼe feala ai ke fakamamaʼo te ʼu tehina mo tuagaʼane ia tatou. (Taaga Lea 26:24-26) ʼE tokoni mai anai te kau tagata ʼafeā ʼaki te Tohi-Tapu ke tou tuku te loto ita mo te loto fehiʼa, kaʼe ke tou maʼu te lotofakamolemole. (Levitiko 19:17, 18; Loma 3:11-18) Kaʼe ka natou tokoni mai, ʼe tou tali anai koa te takitaki ʼa Sehova ʼae ʼe tuʼu ʼi tana Tohi?
ʼE TAKITAKI TATOU E SEHOVA
7, 8. (1) ʼE takitaki feafeaʼi e Sehova ia tana hahaʼi? (2) Kotea he ʼu fakatotonu ʼe feala ke tou maʼu ʼi te Tohi-Tapu pea he koʼe ʼe tonu ke tou fakalogo ki ai?
7 Ko Sehova ʼe ina takitaki pea mo akoʼi ia natou ʼae ʼe natou faʼufaʼu te koga fakakelekele ʼo tona kautahi. ʼO feafeaʼi? Neʼe ina fakanofo ia Kilisito ko te “pule . . . o te Ekelesia” Efeso 5:23; Mateo 24:45-47) ʼE maʼuhiga ʼaupito ki te tagata faifekau ia te Tohi-Tapu ohage pe ko te kolesi pule ʼo te ʼuluaki sekulo, koteʼuhi ʼe ko te Folafola ʼa te ʼAtua. (Lau ia 1 Tesalonika 2:13.) Kotea he ʼu fakatotonu ʼe feala ke tou maʼu ʼi te Tohi-Tapu?
peʼe ʼo te kokelekasio. Pea neʼe hinoʼi e Kilisito “te tagata faifekau agatonu mo poto” ke natou akoʼi mo takitaki te hahaʼi ʼa te ʼAtua. (8 ʼE fakaafe tatou ʼi te Tohi-Tapu ke tou kau tuʼumaʼu ki te ʼu fono. (Hepeleo 10:24, 25) ʼE fakalotomalohiʼi ai tatou ke tou tui ki te ʼu akonaki Fakatohi-tapu fuli. (1 Kolinito 1:10) Pea ʼe toe uga ai tatou ke tou haga “kumi mua te puleaga.” (Mateo 6:33) ʼAki te Tohi-Tapu, ʼe tou toe ako ai te faifakamafola ʼi te ʼu ʼapi, mo te ʼu koga meʼa ʼae ʼe kaugā malie ai te hahaʼi pea mo te ʼu faʼahi fuli pe ʼae ʼe tou felaveʼi ai mo te hahaʼi. (Mateo 28:19, 20; Gaue 5:42; 17:17; 20:20) ʼE toe maʼu e te kau tagata ʼafeā ʼi te Tohi-Tapu he takitaki ke natou taupau te maʼuli maʼa ʼo te kokelekasio. (1 Kolinito 5:1-5, 13; 1 Timoteo 5:19-21) ʼE toe ui mai ai ke tou maʼa ʼi te faʼahi fakasino pea mo tou teteke te ʼu manatu mo te ʼu agamahani ʼae ʼe fehiʼa ki ai Sehova.—2 Kolinito 7:1.
‘ ʼE au nofo agatonu koa kia Sesu pea mo au mulimuli ki te takitaki ʼa te tagata faifekau?’
9. Ko ai ʼae neʼe hinoʼi e Sesu ke tokoni mai ke tou mahino ki te Folafola ʼa te ʼAtua?
9 ʼE lagi manatu ʼihi ʼe mole ʼaoga ke fakamahino age e he tahi ia te Tohi-Tapu. Kaʼe talu mai te taʼu 1919, ʼe fakaʼaogaʼi e Sesu ia “te tagata faifekau agatonu mo poto” ke tokoni ki te hahaʼi ʼa te ʼAtua ke natou mahino mo maʼuliʼi te ʼu akonaki Fakatohi-tapu. ʼI tatatou fakalogo ki te Tohi-Tapu, ʼe tou taupau ai te maʼuli maʼa, mo te tokalelei pea mo te logotahi ʼo te kokelekasio. Koia ʼe lelei ke tou fai te fehuʼi ʼaeni: ‘ ʼE au nofo agatonu koa kia Sesu pea mo au mulimuli ki te takitaki ʼa te tagata faifekau?’
KO TE SALIOTE ʼA SEHOVA ʼE GAHOLO
10. ʼE fakamatalatala feafeaʼi e Esekiele ia te koga ʼo te kautahi ʼo Sehova ʼae ʼi te lagi?
10 ʼAki te Tohi-Tapu, ʼe tou toe iloʼi ai ko te koga ʼo te kautahi ʼo Sehova ʼae ʼi te lagi, ʼe fakatuʼutuʼu lelei. Ohage la, neʼe sio ia Esekiele ki he saliote gaholo ʼe taki e Sehova pea ʼe alu ʼi te ʼu faʼahi fuli ʼae ʼe loto ki ai Sehova. (Esekiele 1:4-28) Ko te saliote ʼe ina fakata ia te koga ʼo te kautahi ʼo te ʼAtua ʼae ʼi te lagi, ʼae ʼe mulimuli pe ki tana takitaki. Pea ʼe toe feia pe mo te koga ʼo tona kautahi ʼae ʼi te kele. Tou fakakaukauʼi age muʼa te ʼu fetogi ʼae neʼe fakahoko ʼi te kautahi ʼo te ʼAtua ʼi te ʼu taʼu ʼe hogofulu kua hili. Tou manatuʼi ko Sehova ʼae ʼe ina takitaki te ʼu fetogi ʼaia. Kua vave pulihi pe anai e Kilisito mo te ʼu ʼaselo ia te malama agakovi ʼaeni. Pea ʼe mole toe ʼi ai anai he tahi e ina fakalainoaʼi ia Sehova mo tona huafa peʼe ʼe ina valoki tana faʼahiga takitaki.
ʼE tou lotofakafetaʼi kia natou fuli ʼae ʼe gaue kinakina ʼi te ʼu laga fale ʼaki he loto lelei (Vakaʼi te palakalafe 11)
11, 12. Kotea ʼae neʼe lava fakahoko e te kautahi ʼo Sehova ʼi te ʼu ʼaho fakamuli ʼaeni?
11 Tou vakaʼi pe kotea ʼae neʼe lava fakahoko e te kautahi ʼo Sehova ʼi te ʼu ʼaho fakamuli ʼaeni. Te ʼu laga fale. Ko te toko lauʼi teau ʼu tehina mo tuagaʼane ʼe natou gaue Luka 21:1-4.
kinakina ʼi te laga ʼo te pilo lahi foʼou ʼo te kau Fakamoʼoni ʼa Sehova ʼi te kolo ko Warwick, ʼi New York, ʼi Amelika. Pea ko te toko lauʼi afe ʼu tehina mo tuagaʼane ʼe natou loto lelei ke natou kau ki te laga ʼo te ʼu Fale Fono mo te ʼu filiale ʼi te malamanei katoa. ʼE takitaki natou e te selevisi ki te laga fale. Koia ʼe tou lotofakafetaʼi ʼo ʼuhiga mo natou ʼaia ʼe gaue kinakina ʼi te ʼu laga fale. Ko te ʼu kaugana ʼa Sehova ʼi te ʼu potu fuli ʼo te kele, ʼe natou fia tokoni ki te ʼu laga fale ʼaia, ʼaki tanatou foaki ia meʼa fuli ʼe natou fealagia. ʼE tapuakinaʼi e Sehova ia tana hahaʼi ʼuhi ko tanatou agavaivai pea mo tanatou agatonu.—12 Te ʼu ako. Ko Sehova ʼe ina fia akoʼi tana hahaʼi. (Esaia 2:2, 3) Tou tokagaʼi te ʼu faʼahiga ako kehekehe ʼae ʼe tou maʼu. ʼE ko te Ako ʼa Te Kau Pionie, mo te Ako ʼa Te Kau Faifakamafola ʼo Te Puleʼaga, te Ako ʼo Kileate, te Ako ʼa te kau Petelite, te Ako ʼo Te ʼu Taupau ʼo Te Siliko Mo ʼOnatou ʼOhoana, te Ako ʼa Te Kau Tagata ʼAfeā, te Ako Fakateokalatike pea mo te Ako ʼo Te ʼu Tehina ʼo Te Filiale Mo ʼOnatou ʼOhoana. Pea ʼi totatou tuʼasila jw.org, ʼe tou maʼu ai te Tohi-Tapu mo ʼihi tohi Fakatohi-tapu ia lea ʼe lauʼi teau. ʼE tou toe maʼu ai foki mo te ʼu alatike ʼe ʼaoga ki te ʼu fanau, mo te maʼuli fakafamili pea mo ʼihi atu logo foʼou. Kaʼe ʼe kotou fakaʼaogaʼi koa te tuʼasila jw.org ʼi takotou faifakamafola pea ʼi takotou ako fakafamili?
TOU NONOFO AGATONU KIA SEHOVA PEA MO TOU LAGOLAGO KI TONA KAUTAHI
13. Kotea ʼe fakamaʼua ki te hahaʼi ʼa Sehova?
13 ʼE ko he pilivilesio tatatou kau ʼi te kautahi ʼo Sehova pea mo tatatou iloʼi pe kotea ʼae ʼe ina loto ke tou fai. Kua tou iloʼi pe pe ʼe kotea ʼae ʼe leleiʼia e te ʼAtua, koia ʼae ʼe maʼua ai ke tou fakalogo kia te ia pea mo fai te meʼa ʼae ʼe totonu. Tatau aipe pe ʼe fai e te kaugā malie ia te meʼa ʼae ʼe kovi, kaʼe ʼe tonu ke tou “fehihia ki te kovi” ohage pe ko Sehova. (Pesalemo 97:10) ʼE mole tonu ʼi he temi ke tou maʼu te manatu ʼa natou ʼae ʼe natou ui ko “te kovi ko te lelei, pea mo te lelei ko te kovi.” (Esaia 5:20) Tou fakatotonu ke tou fakafiafiaʼi ia Sehova ʼi te ʼu faʼahi fuli ʼo totatou maʼuli. (1 Kolonito 6:9-11) Ko te ʼu ako ʼae ʼe fakaha mai e Sehova ʼi tana Tohi-Tapu ʼe fua lelei kia tatou. ʼE tou ʼoʼofa pea mo tou fia nonofo agatonu kia te ia. Koia tou mulimuli ki tana takitaki ʼi totatou loto fale, ʼi te kokelekasio, ʼi te fale gaue, ʼi te fale ako peʼe ʼi he koga meʼa pe ʼe tou nonofo ai. (Taaga Lea 15:3) Tou vakaʼi he ʼu aluʼaga ʼe ʼaoga ai ke tou nonofo agatonu ki te ʼAtua.
Ko te ʼu taumatuʼa ʼae ʼe ʼoʼofa kia Sehova ʼe natou loto ke maʼu e ʼanatou fanau he ʼu felogoi lelei mo ia
14. ʼE fakaha feafeaʼi e te ʼu matuʼā tanatou nonofo agatonu kia Sehova?
14 Te akoʼi ʼo ʼatatou fanau. ʼI te Tohi-Tapu, ʼe foaki mai ai e Sehova ni fakatotonu ki te faʼahiga akoʼi e te ʼu matuʼā ʼanatou fanau. ʼE mole tonu ki te kau Kilisitiano ke natou mulimuli ki te ʼu faʼahiga manatu ʼae ʼe mafola ʼi te malamanei. (Efeso 2:2) Ohage la, ʼi ʼihi fenua ʼe lagi manatu fenei he tamai: ‘ ʼI tamatou agaʼi fenua, ʼe ko te ʼu faʼe ʼae ʼe natou akoʼi te ʼu fanau.’ Kaʼe ʼi te Tohi-Tapu, ʼe fakatotonu ai ki te ʼu tamai ke natou akoʼi ʼanatou fanau ʼo ʼuhiga mo Sehova. (Efeso 6:4) Koia, ko te ʼu matuʼā ʼae ʼe ʼoʼofa kia Sehova ʼe natou loto ke maʼu e ʼanatou fanau he ʼu felogoi lelei mo Sehova, ohage pe ko Samuele ʼi tana kei veliveli.—1 Samuele 3:19.
15. ʼE feafeaʼi hatatou agatonu kia Sehova moka tou toʼo he ʼu tonu maʼuhiga?
15 Te tonu ʼae ka tou toʼo. ʼI muʼa ʼo hatatou toʼo he ʼu tonu maʼuhiga, ʼe tou fia iloʼi muʼa ia te manatu ʼa Sehova ke feala ai hatatou agatonu kia te ia. Koia ʼe tokoni mai ia te Tohi-Tapu mo tona kautahi. Ohage la, ia ʼaho nei, ko ʼihi taumatuʼa ʼe mavae mai tonatou fenua pea natou toʼo te tonu ʼae ke ʼave tanatou kiʼi toe meamea ke maʼuli mo tonatou famili ʼi tonatou fenua. ʼI tanatou fai ʼaia, ʼe feala ai ke hoko atu tanatou gaue ke maʼu hanatou falā. ʼE moʼoni, ko te taumatuʼa ʼae ʼe nā fai te tonu, kaʼe ʼe maʼua muʼa ke nā fehuʼi fenei: ‘Kotea anai te manatu ʼa Sehova ʼo ʼuhiga mo tamā tonu?’ (Lau ia Loma 14:12.) ʼE ko he agafakapotopoto hatatou kumi muʼa te ʼu manatu ʼae ʼe tuʼu ʼi te Tohi-Tapu, pea hoki tou fai leva he ʼu tonu ʼe maʼuhiga ʼo ʼuhiga mo te famili pea mo te gaue. ʼE ʼaoga kia tatou te tokoni ʼo tatatou Tamai koteʼuhi ʼe mole feala ke tou takitaki ia tatou totonu.—Selemia 10:23.
16. Kotea te tonu neʼe maʼua ke fai e te faʼe ʼi te temi ʼae neʼe tupu ai tana kiʼi tamasiʼi? Kotea ʼae neʼe tokoni ki ai ke ina toʼo te tonu ʼae ʼe lelei?
16 Ko te taumatuʼa neʼe mavae mai tonā fenua ʼo olo ki te tahi fenua. Neʼe tupu ai tanā kiʼi toe tagata pea nā fakatuʼutuʼu leva ke ʼave ki tonā fenua ke taupau e ʼana kui. Kaʼe ʼi te temi ʼaia, neʼe kua fai te ako Tohi-Tapu ʼa te fafine e te Fakamoʼoni ʼa Sehova. Neʼe ina iloʼi ai, ʼe ko tona maʼua ia te akoʼi ki tana kiʼi tama pe ko ai ia Sehova. (Pesalemo 127:3; Taaga Lea 22:6) Ohage pe ko tona ui mai ʼi te Tohi-Tapu, neʼe faikole te fafine kia Sehova mo tagi mamahi ke tokoni age kia ia. (Pesalemo 62:8, 9) Neʼe toe palalau ʼo ʼuhiga mo tona fihifihia ki te fafine ʼae ʼe ina fai tana ako Tohi-Tapu pea mo ʼihi atu ʼi te kokelekasio. Logo la neʼe ʼekenaki ia ia e ʼona kaiga mo ʼona kaumeʼa ke ʼave tana kiʼi tamasiʼi ki ʼana kui, kaʼe neʼe ina taupau tonu pe leva tana kiʼi toe. Neʼe tokagaʼi e te tagata ia te tokoni ʼofa ʼae neʼe foaki e te ʼu tehina mo tuagaʼane ki tona ʼohoana mo tanā kiʼi toe. Neʼe malave ki ia, pea neʼe ina kamata ako ai te Tohi-Tapu mo kau ki te ʼu fono mo tona kiʼi famili. Tou fakafuafua age muʼa te fiafia ʼo te fafine ʼi tana sio ki te tali ʼa Sehova ki tana faikole.
17. Ka tou fai he ako Tohi-Tapu ʼa he tahi, kotea ʼe tonu ke tou mulimuli ki ai?
17 Tatatou mulimuli ki totatou takitaki. Kapau ʼe tou nonofo agatonu ki te ʼAtua, ʼe tou mulimuli anai ki te takitaki ʼo tona kautahi. Ohage la, tou vakaʼi pe ʼe kotea ʼe tonu ke tou fai moka kamata he ako ʼa he tahi ʼaki te tohi Koteā ʼAē ʼe Akoʼi Moʼoni Mai ʼi Te Tohi-Tapu? Neʼe kua fakatokaga mai pe ke tou tokoni kia ia ʼae ʼe ako ke ina iloʼi te kautahi ʼo Sehova. Koia ʼe ʼaoga ai ke tou toʼo ni kiʼi minuta ʼi te ʼosi aga pe ʼo he ako. ʼE feala ke tou fakaʼaogaʼi te kiʼi ʼata viteo Kotea ʼAe ʼe Fai ʼi Te ʼu Fale Fono? pea mo te kaupepa lahi Ko Ai ʼe Ina Fai Te Finegalo ʼo Sehova Iā ʼAho Nei? Pea ka ʼosi te tohi Te Ako Mai Te Tohi-Tapu, ʼe feala ke hoko atu tana ako ʼaki te tohi “Kotou Haga Nonofo ʼi Te ʼOfa ʼo Te ʼAtua” ke ʻtuʼu malohi age ʼi te tui’ tatau aipe pe ʼe kua papitema. (Kolose 2:7) ʼE kotou mulimuli koa ki te takitaki ʼaia ʼa te kautahi ʼo Sehova?
18, 19. Kotea he ʼu tupuʼaga ʼe tonu ai ke tou lotofakafetaʼi kia Sehova?
18 ʼE lahi te ʼu tupuʼaga ke tou lotofakafetaʼi ai kia Sehova. Koteʼuhi “ia te ia e tou mau ai te mauli.” (Gaue 17:27, 28) Neʼe ina toe foaki mai foki ia tana Tohi, te Tohi-Tapu. Ohage pe ko te kau Kilisitiano ʼo Tesalonika, ʼe tou fakamaʼuhigaʼi ia tona meʼa ʼofa ʼaia, koteʼuhi ʼe ko tana folafola.—1 Tesalonika 2:13.
19 ʼE tokoni mai te Tohi-Tapu ke tou fakaovi kia Sehova pea ʼe toe fakaovi mai mo ia kia tatou. (Sakopo 4:8) ʼE tou toe lotofakafetaʼi ki tatatou Tamai ʼi tana fakaafe mai tatou ki tona kautahi. Pea ʼe tou maʼu te manatu ʼa te tagata fai pesalemo ʼae neʼe ina tohi fenei: “Koutou fakavikiviki kia [Sehova], koteuhi e agalelei ia ia, koteuhi e heegata tona manavaofa!” (Pesalemo 136:1) ʼI te ʼu vaega takitahi ʼo te pesalemo ʼaia, neʼe toʼo liuliuga ai e te tagata fai pesalemo ia te kupusiga palalau ʼaeni: “E heegata tona manavaofa.” ʼEi, kapau ʼe tou nonofo agatonu kia Sehova mo tou mulimuli ki te takitaki ʼo tona kautahi, ʼe ina foaki mai anai ia te maʼuli heʼe gata pea ʼe agatonu mai anai kia tatou ʼo talu ai.