“ ʼE Ke ʼOfa Koa Ia Au ʼo Lahi Age ʼi Te ʼu Meʼa ʼAeni?”
“Simone, foha ʼo Soane, ʼe ke ʼofa koa ia au ʼo lahi age ʼi te ʼu meʼa ʼaeni?”—SOANE 21:15.
KATIKO: 128, 45
1, 2. ʼI tana ʼosi gelu po katoa, kotea te ako neʼe taʼofi e Petelo?
KO TE toko fitu ʼi te ʼu tisipulo ʼa Sesu neʼe natou gelu ʼi te po katoa ʼi te Tai ʼo Kalilea. Kaʼe neʼe mole natou maʼu he meʼa. ʼI te ʼaho ake, neʼe tuʼu ia Sesu ʼi te mataʼone, ʼo sioʼi natou. Pea neʼe ina ui fenei kia natou: “ ‘Kotou ʼaʼau te kupega ʼi te faʼahi mataʼu ʼo te vaka pea ʼe kotou maʼu anai ni ika.’ Neʼe natou ʼaʼau leva te kupega, pea neʼe mole feala hanatou toho ake koteʼuhi neʼe lahi te ʼu ika.”—Soane 21:1-6.
2 Neʼe foaki age ai e Sesu he ʼu kiʼi ika pea mo he ʼu foʼi pane ki ʼana tisipulo ke natou kakai. Pea neʼe haga leva ia Sesu kia Simone Petelo ʼo ina fehuʼi fenei age: “Simone, foha ʼo Soane, ʼe ke ʼofa koa ia au ʼo lahi age ʼi te ʼu meʼa ʼaeni?” Kaʼe neʼe kua iloʼi pe e Sesu ia te fia gelu ʼa Petelo. Koia neʼe lagi fia iloʼi e Sesu pe ʼe ʼofa ia Petelo ia ia mo ʼana akonaki ʼo laka age ʼi tana gaue ʼae ko te gelu. Neʼe tali fenei ia Petelo kia Sesu: “ ʼAliki, ʼe ke iloʼi ʼe au ʼofa ia koe.” (Soane 21:15) Pea talu mai te ʼaho ʼaia, neʼe fakamoʼoni e Petelo ʼana palalau. Neʼe ina fakaha tona ʼofa ia Kilisito ʼaki tana fakamuʼamuʼa ia te gaue faifakamafola pea neʼe liliu ko he faʼifaʼitakiʼaga lelei ʼo te kokelekasio Fakakilisitiano.
3. He koʼe ʼe tonu ke nonofo tokaga te kau Kilisitiano?
3 Kotea ʼae ʼe tou ako mai te ʼu palalau ʼae neʼe fai e Sesu kia Petelo? Ke tou tokakaga naʼa vaivai totatou ʼofa ia Kilisito. Neʼe iloʼi e Sesu ʼe mole faigafua anai te maʼuli ʼi te tuʼu ʼaeni, pea ʼe tou tau anai mo ni mamahi mo ni faigataʼaʼia. ʼI tana lea fakatata ʼo te tagata nunusi pulapula, neʼe ui ai e Sesu ʼe tali anai e te hahaʼi ia “te logo ʼo te Puleʼaga.” Pea ʼe natou faʼafai anai ʼi te kamata. Kaʼe ki muli age, ʼaki “te ʼu hoha ʼo te maʼuli pea mo te malohi fakahala ʼo te ʼu koloa,” ʼe “taʼotaʼo” anai te logo ʼaia pea ʼe mole kei natou faʼafai ai. (Mateo 13:19-22; Maleko 4:19) Kapau ʼe mole tou nonofo tokaga, ʼe feala pe anai ki te ʼu tuʼania ʼo te maʼuli ke natou fakaleluʼi tatatou tauhi ʼae kia Sehova. Koia ʼae neʼe fakatokaga fenei ai e Sesu ʼana tisipulo: “Kotou tokakaga kia koutou naʼa mafasia ʼokotou loto ʼi te kai fakavale mo te inu fakavale pea mo te ʼu tuʼania ʼo te maʼuli.”—Luka 21:34.
4. Kotea ka tokoni mai anai ke tou iloʼi pe ʼe malohi totatou ʼofa ia Kilisito? (Vakaʼi te ʼuluaki pāki.)
4 Ka tou fakamuʼamuʼa te gaue faifakamafola, ʼe tou fakaha ai ʼe tou ʼoʼofa ia Kilisito ohage pe ko Petelo. Kaʼe ʼe feafeaʼi hatatou iloʼi ʼe tou haga fai te faʼahi ʼaia? ʼE feala pe hatatou fai te ʼu fehuʼi ʼaeni: ‘Kotea ʼae ʼe au leleiʼia tafito ʼi te maʼuli? ʼE au fiafia koa ʼuhi ko taku tauhi ʼae kia Sehova peʼe ko ʼihi atu aluʼaga?’ Ke feala hatatou tali ki te ʼu fehuʼi ʼaia, tou vakaʼi te ʼu faʼahi ʼe tolu ʼe feala ke vaivai ai totatou ʼofa ia Kilisito. Ko te gaue fakamalama, te ʼu fakafiafia pea mo te ʼu koloa.
TOU MAʼU HE MANATU FAKAPOTOPOTO ʼO ʼUHIGA MO TE GAUE FAKAMALAMA
5. Kotea te maʼua ʼae neʼe foaki ki te ʼu pule famili?
5 Neʼe leleiʼia e Petelo ia te gelu, pea neʼe ina taupau foki tona kiʼi famili ʼaki te gaue ʼaia. ʼE toe feia ia ʼaho nei, ʼe foaki e Sehova ki te ʼu pule famili te maʼua ʼae ke natou taupau ʼonatou famili. (1 Timoteo 5:8) ʼE tonu ke natou gaue kinakina ki te faʼahi ʼaia. Kaʼe ʼi te ʼu ʼaho fakamuli ʼaeni, ʼe feala ke lahi te ʼu mamahi mo te ʼu tuʼania ʼe tou maʼu ʼi tatatou gaue.
6. He koʼe ʼe feala ke fakatupu lotohoha te ʼu gaue?
6 Kua kaugā malie te hahaʼi ʼae ʼe kumi gaue kaʼe ʼe veliveli te ʼu gaue. Koia ʼae ʼe faiga malohi ai te hahaʼi ke maʼu hanatou gaue. ʼI te manatu ʼa te tokolahi, ʼe tonu ke natou fai he ʼu hola fakalaka, kaʼe ʼe veliveli aipe tonatou totogi. Pea ʼe faigaʼi e te ʼu matani gaue ke lahi te ʼu meʼa ʼae ʼe natou faʼu kaʼe fakagaueʼi pe he kiʼi tokosiʼi. Koia ʼae ʼe lotohoha, mo ogosia pea mo mahamahaki ai te kau gaue. Pea ko te tokolahi ʼe natou fakahoko te ʼu meʼa fuli ʼae ʼe kole age e ʼonatou patolo naʼa fakamavae natou.
ʼE tonu ke tou ʼuluaki agatonu muʼa kia Sehova
7, 8. (1) Ko ai ʼae ʼe tonu ke tou nonofo agatonu ki ai? (2) Kotea te ako maʼuhiga neʼe taʼofi e te tehina ʼi Thaïlande ʼo ʼuhiga mo tana gaue?
7 ʼI totatou ʼuhiga Kilisitiano, ʼe tonu ke tou ʼuluaki agatonu muʼa kia Sehova. (Luka ) ʼAki tatatou gaue, ʼe tou maʼu ai te ʼu meʼa ʼae ʼe ʼaoga kia tatou pea mo te gaue faifakamafola. Kaʼe kapau ʼe mole tou tokakaga, ʼe feala pe ke lahi age totatou maʼumaʼua ʼi te gaue ʼi tatatou tauhi ʼae kia Sehova. ʼE feala ke tou ako mai te aluʼaga ʼae neʼe hoko ki te tehina ʼe maʼuli ʼi Thaïlande. Neʼe ina ui fenei: “Neʼe au faʼu te ʼu olotinatea, pea neʼe au leleiʼia taku gaue ʼaia. Kaʼe neʼe ʼaoga ke au gaue lolotoga ni hola. Koia, neʼe mole kei au maʼu ai he temi ki ʼaku gaue fakalaumalie. Pea neʼe au mahino leva, neʼe tonu ke au fetogi taku gaue mo kapau neʼe au loto ke au fakamuʼamuʼa ia te Puleʼaga.” Kotea ʼae neʼe fai e totatou tehina? 10:27
8 Neʼe ina fakamahino fenei: “Neʼe au fai ʼaku fakatuʼutuʼu ki te taʼu katoa. Pea neʼe au toʼo leva te tonu ʼae ke au mavae ʼi taku gaue pea ke au fakatau he ʼu foʼi sope ʼi te ala. ʼI te kamata, neʼe au faigataʼaʼia ʼosi ʼi te faʼahi ʼo te paʼaga pea neʼe au lotovaivai. Pea ka au felaveʼi mo natou ʼae neʼe matou gaue fakatahi, neʼe natou vaʼi au. Neʼe natou ui mai pe ʼe au leleiʼia age koa au te gaue ʼi te laʼa ʼi taku gaue ʼae ʼi te mokomoko. Neʼe au faikole ai kia Sehova ke tokoni mai ke au tauʼi te aluʼaga ʼaia. Pea ke au fakahoko taku fakatuʼutuʼu ʼae ke lahi age toku temi ki te ʼu gaue fakalaumalie. ʼE mole faʼa fualoa ki ai, pea neʼe haʼuhaʼu mamalie pe te lelei ʼo toku maʼuli. Neʼe au iloʼi lelei leva pe ʼe kotea te ʼu foʼi sope ʼae ʼe fia kai e te hahaʼi. Pea neʼe au faiva leva ʼi te fai ʼo te ʼu faʼahiga sope kehekehe. ʼO au fakatau fuli ai ʼaku sope ʼi te ʼaho fuli. ʼI te temi nei, kua lelei age toku maʼuli. Pea neʼe au fiafia, koteʼuhi ʼe mole kei au maʼu te lotohoha mo te tuʼania ʼae neʼe au maʼu ʼi taku gaue ʼafeā. Kaʼe ko te maʼuhiga, kua lelei age ʼaku felogoʼi mo Sehova.”—Lau ia Mateo 5:3, 6.
ʼE au fiafia age koa au ʼi taku gaue ʼi taku ia tauhi ʼae ki te ʼAtua?
9. ʼE feafeaʼi hatatou maʼu he manatu ʼe fakapotopoto ʼo ʼuhiga mo tatatou gaue fakamalama?
9 ʼE maʼuhiga kia Sehova ia tatatou gaue kinakina. Pea ʼe tuha ia mo te fakapale. (Taaga Lea 12:14) Kaʼe ʼe tonu ke tou tokakaga naʼa maʼuhiga age tatatou gaue fakamalama ʼi tatatou tauhi ʼae kia Sehova. Neʼe talanoa ia Sesu ʼo ʼuhiga mo te ʼu meʼa tafito ʼae ʼe ʼaoga kia tatou. He neʼe ina ui fenei: “Kotou haga fakamuʼamuʼa ia te Puleʼaga pea mo tana faitotonu, pea ʼe toe foaki atu anai mo te ʼu meʼa fuli ʼaia kia koutou.” (Mateo 6:33) Kaʼe ʼe feafeaʼi hatatou iloʼi ʼe tou maʼu he manatu fakapotopoto ki tatatou gaue fakamalama? ʼE feala hatatou fai te fehuʼi ʼaeni: ‘ ʼE au fiafia age koa au ʼi taku ia gaue kaʼe ʼe fakapiko te fai ʼo te ʼu gaue ʼo te tauhi ki te ʼAtua?’ Kapau ʼe tou fakakaukauʼi te fehuʼi ʼaia, ʼe tou iloʼi ai anai pe kotea ʼae ʼe tou leleiʼia moʼoni.
10. Kotea te faʼahi maʼuhiga neʼe akoʼi mai e Sesu?
10 Neʼe akoʼi mai e Sesu pe ʼe kotea ʼae ʼe tonu ke tou fakamuʼamuʼa ʼi totatou maʼuli. Ohage la, ʼi te tahi ʼaho neʼe alu ai ia Sesu ʼo ʼaʼahi ia te tau tehina ko Malia pea mo Maleta. Ko Maleta neʼe ina teuteuʼi atu aipe te meʼa kai, kaʼe ko Malia neʼe alu ia ʼo heka ʼi te ʼu tafa ʼo Sesu ke fagono ki ʼana akonaki. Neʼe meo ai leva ia Maleta ʼi te mole tokoni age ʼa Malia. Kaʼe neʼe ui fenei e Sesu kia Maleta: “Ko Malia neʼe ina filifili ia te vahe ʼae ʼe lelei, pea ʼe mole toʼo anai mai ia ia.” (Luka 10:) ʼE ha mai ʼi ʼana palalau ia te ako maʼuhiga. Kapau ʼe tou filifili “te vahe ʼae ʼe lelei,” ʼe tou fakaha ai ʼe tou ʼoʼofa ia Kilisito pea ʼe mole fakaleluʼi tatou e te ʼu meʼa ʼae ʼe ʼaoga kia tatou. Ko tona fakaʼuhiga, ʼe tonu ke maʼuhiga tafito age ʼatatou felogoʼi mo Sehova ʼi totatou maʼuli. 38-42
TE ʼU FAKAFIAFIA PEA MO TE ʼU KIʼI TEMI MALOLO
11. Kotea ʼae ʼe ui ʼi te Tohi-Tapu ʼo ʼuhiga mo te ʼu kiʼi temi malolo?
11 ʼE tou maʼumaʼua he ʼe lahi te ʼu gaue ʼae ʼe tonu ke tou fai, koia ʼae ʼi ʼihi temi ʼe ʼaoga ai ke tou malolo. ʼE tou lau fenei ʼi te Tohi-Tapu: “ ʼE mole he meʼa ʼe lelei age ki te tagata ʼi tana kai, mo tana inu pea mo tana fakafiafia ʼuhi ko tana gaue kinakina.” (Tagata Tanaki 2:24, MN ) Neʼe iloʼi e Sesu ia te maʼuhiga ʼae ke malolo ʼana tisipulo. Ohage la, ʼi te hili ʼo tanatou tahi gaue kinakina ʼi te faifakamafola, neʼe ui fenei age e Sesu kia natou: “Tou olo ki he koga meʼa lavaki ke tou malolo ai.”—Maleko 6:31, 32.
12. He koʼe ʼe tonu ke tou tokakaga ki te ʼu fakafiafia mo te ʼu kiʼi temi malolo? Tuku mai he faʼifaʼitaki.
12 ʼAki te ʼu fakafiafia mo te ʼu kiʼi temi malolo, ʼe feala ke tou logoʼi ai hotatou fimalie. Kaʼe ʼaua leva naʼa liliu te ʼu fakafiafia ʼo maʼuhiga age ʼi totatou maʼuli. ʼI te ʼuluaki sekulo, tokolahi neʼe natou maʼu te manatu ʼaeni: “Tou kakai pea mo iinu, he ʼe tou mamate anai apogipogi.” (1 Kolonito 15:32) Kua mafola te manatu ʼaia ia ʼaho nei. Ohage la, ko te tupulaga ʼe maʼuli ʼi te potu Uesite ʼo Eulopa, neʼe kamata alu ki te ʼu fono. Kaʼe ʼi tana leleiʼia tafito te ʼu fakafiafia, neʼe mole kei fakatahi ai mo te kau Fakamoʼoni ʼa Sehova. Ki muli age, neʼe mahino leva kapau ʼe tou fakamuʼamuʼa te ʼu fakafiafia, ʼe tou lotomamahi ai. Neʼe ina toe toʼo ai tana ako Tohi-Tapu, pea ʼaki te temi neʼe kau ai leva ki te fakamafola ʼo te logo lelei. Hili tona papitema, neʼe ina ui fenei: “Ko te meʼa pe ʼe tahi ʼe au mamahi ai, he neʼe hili he temi loaloaga pea hoki au mahino ai, ʼe lahi age te fiafia ʼae ʼe kita maʼu ʼi tatatou tauhi kia Sehova ʼi te ʼu fakafiafia ʼae ʼo te malama.”
13. (1) Tuku mai he faʼifaʼitaki ʼe ha ai te fakatupu kovi ʼo te fakaʼaogaʼi lahi ʼo totatou temi ki te ʼu temi fakafiafia. (2) Kotea ʼe lava tokoni mai ke tou fakapotopoto ʼo ʼuhiga mo te ʼu temi fakafiafia pea mo te ʼu kiʼi temi malolo?
13 Ko te ʼu temi fakafiafia ʼe ina toe fakamalohiʼi pea mo fakafimalieʼi ai tatou. Kaʼe ʼe tonu koa ke loaloaga ʼatatou fakafiafia? Ke feala hatatou tali ki ai, tou toʼo he faʼifaʼitaki. Tokolahi ʼe natou fia kai te ʼu foʼi keke pea mo te ʼu foʼi lole. Kaʼe ʼe tou iloʼi foki, kapau ʼe lahi fau tona kai ʼe feala ke tou mahahaki ai. Koia kapau ʼe tou loto ke lelei totatou malolo fakasino, ʼe tonu ke tou fakaʼaogaʼi te ʼu meʼa kai ʼae ʼe lelei kia tatou. ʼO toe feia pe, kapau ʼe tou fakaʼaogaʼi pe totatou temi ki te ʼu fakafiafia pea mo te ʼu kiʼi temi malolo, ʼe fakatupu kovi anai ki ʼatatou felogoʼi mo Sehova. Kotea anai ka tokoni mai ke tou iloʼi pe ʼe tou fakapotopoto ʼo ʼuhiga mo te ʼu fakafiafia? ʼE feala ke tou filifili he vahaʼa pea mo tohi te ʼu hola ʼae ʼe tou fakaʼaogaʼi ki te ʼu gaue ʼae kia Sehova. Ohage la, ko te ʼu fono, te faifakamafola pea mo te ako ʼo te Tohi-Tapu. ʼOsi ʼaia, pea tou tohi te ʼu hola ʼae ʼe tou fakaʼaogaʼi ki te ʼu temi fakafiafia. Ohage la, ko te fai gaoʼi, te televisio, peʼe ko te ʼu gaoʼi viteo. Pea ka tou fakatatau atu te ʼu hola ʼaia, ʼe ʼaoga anai koa ke tou fai he ʼu fetogi?—Lau ia Efeso 5:15, 16.
14. Kotea ʼae ʼe lava tokoni mai ke tou filifili ia he ʼu fakafiafia ʼe lelei?
* (Vakaʼi te kiʼi nota.) Ko te ʼu temi fakafiafia ʼae ʼe lelei, ʼe ko he meʼa ʼofa ia mai te ʼAtua. (Ekelesiasi 3:12, 13) ʼE mahino ia, ʼe kehekehe te ʼu faʼahiga fakafiafia ʼae ʼe leleiʼia e te hahaʼi. (Kalate 6:4, 5) Kaʼe, ka tou filifili he faʼahiga fakafiafia, ʼe tonu anai ke tou nonofo tokaga. Neʼe ui fenei e Sesu: “Ko te faʼahi ʼae ʼe tuku ai tou koloa ʼe toe tuku ai foki mo tou loto.” (Mateo 6:21) Koia, kapau ʼe tou ʼoʼofa kia Sesu totatou Hau, ʼe ha anai ʼi tatatou faʼahiga manatu, mo ʼatatou palalau pea mo ʼatatou aga ʼe maʼuhiga ia te Puleʼaga kia tatou.—Filipe 1:9, 10.
14 ʼE fakagafua mai e Sehova ke tou filifili te ʼu faʼahiga fakafiafia ʼe tou loto ki ai. Pea ʼe toe feala foki ki te ʼu pule famili ke natou filifili he ʼu fakafiafia maʼa ʼonatou famili. ʼE foaki mai e Sehova ʼi te Tohi-Tapu ia he ʼu pelesepeto ʼe ha ai tana faʼahiga manatu. Pea ʼe tokoni mai te ʼu pelesepeto ʼaia ke tou toʼo he ʼu tonu ʼe lelei.TOU TEKEʼI TE FIA MAʼU KOLOA
15, 16. (1) ʼE lava liliu feafeaʼi te fia maʼu koloa ko he hele kia tatou? (2) Kotea te fakatokaga neʼe foaki mai e Sesu ʼo ʼuhiga mo te fia maʼu koloa?
15 ʼI te manatu ʼa te tokolahi, ʼe tonu ke natou maʼu te ʼu mutuʼi meʼa foʼou, ʼo feia ki te ʼu kiʼi telefoni toʼotoʼo, mo te ʼu olotinatea pea mo ʼihi atu meʼa. ʼE natou fia maʼu koloa, ko tona fakaʼuhiga, kua maʼuhiga age pe kia natou te ʼu koloa mo te falā. Kaʼe ʼe feafeaʼi kia tatou ʼae ko te kau Kilisitiano? Tou fai te Luka 12:15) He koʼe neʼe fai e Sesu te ʼu palalau ʼaeni?
ʼu fehuʼi ʼaeni: ‘Kua lahi age koa te temi ʼae ʼe au manatu ai ki te ʼu motoka foʼou ʼi taku teuteuʼi te ʼu fono? Kua au maʼumaʼua koa ki te ʼu gaue ʼo te ʼaho fuli ʼo mole kei maʼu he temi ke au faikole ai pea mo lau te Tohi-Tapu?’ Kapau ʼe mole tou nonofo tokaga, ʼe maʼuhiga age anai tatatou manako ʼae ki te ʼu koloa ʼi totatou ʼofa ʼae ia Kilisito. Koia ʼae ʼe tonu ai ke tou fakakaukauʼi te ʼu palalau ʼaeni ʼa Sesu: “Kotou tokakaga ki te faʼahiga manumanū kehekehe.” (ʼE mole feala ke tou foaki kia Sehova te ʼu meʼa ʼae ʼe lelei tukupau mo kapau ʼe tou tokakaga tafito ki te ʼu koloa
16 Neʼe ui fenei e Sesu: “ ʼE mole feala ke kaugana he tahi ki he ʼu pule ʼe toko lua. . . . ʼE mole feala ke kotou kaugana ki te ʼAtua pea mo te Paʼaga.” ʼE mole feala ke tou foaki kia Sehova te ʼu meʼa ʼae ʼe lelei tukupau mo kapau ʼe tou tokakaga tafito tatou ki te ʼu koloa. He neʼe fakamahino e Sesu, ʼe tou ‘fehiʼa anai ki te tahi kaʼe tou ʼofa ki te tahi, peʼe tou pipiki anai ki te tahi kaʼe tou meʼa noaʼi te tahi.’ (Mateo 6:24) ʼE tou kakano agahala, koia ʼae ʼe tonu ai ke tou tekeʼi “te ʼu holi ʼo totatou kakano,” ʼae ʼe kau ki ai te fia maʼu koloa.—Efeso 2:3.
17. (1) He koʼe ʼe mole maʼu e te tokolahi ia he manatu fakapotopoto ʼo ʼuhiga mo te ʼu koloa? (2) Kotea ʼae ʼe tokoni mai ke tou tekeʼi te fia maʼu koloa?
17 Tokolahi ʼe natou tokakaga pe natou ki te ʼu meʼa ʼe natou loto ki ai pea mo te ʼu fakafiafia. Koia ʼae ʼe natou ui ai, ʼe faigataʼa tanatou maʼu he manatu ʼe fakapotopoto ʼo ʼuhiga mo te ʼu koloa. (Lau ia 1 Kolonito 2:14.) Pea ʼe mole feala hanatou fakakehekeheʼi te meʼa ʼae ʼe lelei mo ʼae ʼe kovi ʼuhi ko te mole lelei ʼo ʼanatou fakakaukau. (Hepeleo 5:11-14) Ko tanatou fia maʼu koloa kua ʼaʼasili age ia. Pea kapau ʼe lahi te ʼu falā ʼae ʼe natou maʼu, pea ʼe toe lahi foki mo te ʼu meʼa ʼae ʼe natou fia fai ki ai. (Ekelesiasi 5:9) Kaʼe ʼe feala tatatou tekeʼi te faʼahiga manatu ʼaia. ʼE feala ke tou maʼu te malohi moʼo tekeʼi te fia maʼu koloa, mo kapau ʼe tou lau tuʼumaʼu te Folafola ʼa te ʼAtua. (1 Petelo 2:2) Ko Sesu neʼe metitasio ki te poto ʼo Sehova pea neʼe feala ai ke ina teteke te ʼu fakahala ʼa te Tevolo. (Mateo 4:8-10) ʼO toe feia pe ia ʼaho nei, ʼe feala ke tou tekeʼi te fia maʼu koloa, mo kapau ʼe tou maʼuliʼi te ʼu tokoni ʼae ʼe haʼu mai ia Sehova. ʼE tou fakaha ai anai ʼe lahi age totatou ʼofa ia Sesu ʼi te ʼu koloa.
18. Kotea ʼae ʼe tou fakatotonu ke tou fai?
18 ʼI te fehuʼi fenei e Sesu kia Petelo, “ ʼE ke ʼofa koa ia au ʼo lahi age ʼi te ʼu meʼa ʼaeni?” neʼe ina akoʼi te faʼahi maʼuhiga kia Petelo. Neʼe tonu ke fakamuʼamuʼa tafito e Petelo ʼi tona maʼuli ia tana tauhi kia Sehova. Pea ko te fakaʼuhiga ʼo te higoa ʼo Petelo “Ko He Koga Maka.” Koia, ko te ʼu kalitate ʼo Petelo ʼe feala ke fakatatau ki he foʼi maka. (Gaue 4:5-20) Ia ʼaho nei, ʼe tou loto mo tatou ke malohi totatou ʼofa ʼae ia Kilisito. Koia ʼae ʼe tonu ai ke tou maʼu he manatu ʼe fakapotopoto ʼo ʼuhiga mo te gaue fakamalama, te ʼu fakafiafia pea mo te ʼu koloa. Pea ʼe tou hage pe anai ko Petelo, ʼo tou ui fenei: “ ʼAliki, ʼe ke iloʼi ʼe au ʼofa ia koe.”
^ pal. 14 Vakaʼi te alatike “ ʼE Fua Lelei Koa Kiā Koutou Takotou ʼu Fakafiafia?” ʼi Te Tule Leʼo ʼo te ʼaho 1 ʼo Oketopeli 2011, pasina 11-14, palakalafe 6-15.