ALATIKE AKO 46
ʼU Taumatuʼa Foʼou, Kotou Fakamuʼamuʼa Ia Sehova
“Ko [“Sehova,” NWT] ko toku malohi . . . Nee falala toku loto kia ia.”—PES. 28:7.
KATIKO 131 “Ko Te Meʼa ʼAe Neʼe Fakatahiʼi e Te ʼAtua”
TE ʼU MANATU FAKANOUNOU *
1-2. (1) He koʼe ʼe tonu ke falala te ʼu taumatuʼa foʼou kia Sehova? (Pesalemo 37:3, 4) (2) Kotea ʼae ka tou vakaʼi ʼi te alatike ʼaeni?
KUA kotou vave ʼohoana koa, peʼe kua kotou ʼosi ʼohoana? Kapau koia, ʼe mahino ʼe kotou fia maʼuli fiafia mo ia ʼae kua kotou ʼofa ai. Kae ʼe mole faigafua tuʼumaʼu te nofo ʼohoana. Pea ʼe ʼi ai te ʼu tonu maʼuhiga ʼe maʼua ke kotou fai. ʼE maʼuhiga ʼaupito takotou faʼahiga fakatokatoka ʼo ʼokotou fihifihia mo te ʼu tonu ʼae ʼe kotou fai ki te manuʼia ʼo te hoko atu ʼo tokotou maʼuli fakataumatuʼa. Kapau ʼe kotou falala kia Sehova, ʼe kotou toʼo anai ni tonu fakapotopoto, ʼe toe malohi anai ʼakolua felogoi taumatuʼa pea ʼe kotou fiafia anai. Kapau ʼe mole kotou tokagaʼi te manatu ʼa te ʼAtua, ʼe kotou tau anai mo ni faigataʼaʼia ʼe fua kovi anai ki tokotou maʼuli fakataumatuʼa ʼo kotou mamahi ai.—Lau ia Pesalemo 37:3, 4.
2 ʼE tou talanoa tafito anai ʼi te alatike ʼaeni kia natou ʼae neʼe hoki ʼohoana. ʼE talanoa ai ki te ʼu faigataʼaʼia ʼe felaveʼi mo te ʼu taumatuʼa fuli, ʼo feia mo te ʼu faʼifaʼitaki ʼo ni tagata mo fafine agatonu ʼo te Tohi-Tapu. ʼE tou maʼu ai he ʼu ako mai ia natou pea ʼe tokoni mai ke tou maʼuliʼi ia aluʼaga kehekehe ʼo totatou maʼuli, tafito ʼi te nofo ʼohoana. ʼE tou toe vakaʼi ai foki te ʼu ako ʼe feala ke tou taʼofi mai ʼihi faʼifaʼitaki ʼo te ʼu taumatuʼa ʼo te temi ʼaeni.
KOTEA TE ʼU FAIGATAʼAʼIA ʼE TAU MO TE ʼU TAUMATUʼA FOʼOU?
3-4. Ko te ʼu faigataʼaʼia fea ʼe felaveʼi mo te ʼu taumatuʼa foʼou?
3 ʼE feala ki ʼihi ke natou fakalotomalohiʼi he taumatuʼa neʼe hoki ʼohoana ke nā maʼuli ohage ko te hahaʼi fuli.
Ohage la ʼe feala ke uga e te ʼu matuʼā peʼe ko natou ʼo te famili, peʼe ko he ʼu kaumeʼa ke nā foimo maʼu hanā fanau, mo totogi honā ʼapi pea mo he ʼu tuʼuga meʼa.4 Kapau ʼe mole nofo tokaga he taumatuʼa, ʼe feala ke lahi ʼonā maʼua ʼuhi ko te ʼu tonu ʼae ʼe nā fai. ʼE maʼua leva ke nā fai ni hola fakalaka ʼi tanā gaue moʼo huʼi te ʼu maʼua ʼaia. ʼE lahi age leva tonā temi ki ʼanā gaue fakamalama kae ʼe mole kei nā maʼu he temi feʼauga ki te ako ʼo te Tohi-Tapu, peʼe ko te ako fakafamili mo te faifakamafola. ʼE feala ke nā tōtō ʼi te ʼu fono he ʼe nā fai ni hola fakalaka ke lahi age ʼonā totogi peʼe ke mole fakamavae naua. Kapau ʼe nā fai feia, ʼe mole feala ke nā fai he ʼu gaue maʼa Sehova ke nā fiafia ai.
5. Kotea te ako ʼe tou maʼu mai te faʼifaʼitaki ʼa Klaus pea mo Marisa?
5 ʼE lahi te ʼu faʼifaʼitaki ʼe fakamoʼoni ai ʼe mole ko te maʼu meʼa ʼae ʼe tou maʼu ai te fiafia. Ko te aluʼaga ʼaia neʼe mahino ki ai te taumatuʼa ko Klaus pea mo Marisa. * Hili tonā ʼohoana, neʼe nā gaue toko lua temi katoa ke nā maʼu ia meʼa fuli ke nā maʼuli fimalie ai. Kae neʼe mole nā fiafia. Neʼe ui fenei e Klaus: “Neʼe lahi te ʼu lelei fakamalama neʼe ma maʼu kae neʼe mole ʼi ai hamā fakatuʼutuʼu fakalaumalie. ʼI tona ia fakahagatonu, neʼe ma lotohoha.” ʼE lagi toe hoko pe la kia koutou ia te aluʼaga ʼaia. Kapau koia, ʼaua naʼa kotou lotovaivai. ʼE lahi te ʼu faʼifaʼitaki ʼe tokoni mai anai. Tou vakaʼi muʼa pe kotea te ako ʼe feala ke maʼu e te ʼu tagata ʼohoana mai te faʼifaʼitaki ʼa te Hau ko Sosafate.
NEʼE FALALA SOSAFATE KIA SEHOVA
6. Neʼe maʼuliʼi feafeaʼi e Sosafate ia Taaga Lea 3:5, 6?
6 ʼU tagata ʼohoana, ʼe kotou logoʼi koa ʼi ʼihi temi ʼe mole kei kotou lavaʼi ʼokotou mauʼa? Kapau koia, kotou muliʼi te faʼifaʼitaki ʼa te Hau ko Sosafate. Neʼe tonu ke tokaga ki te maʼuli lelei ʼo tana hahaʼi he ʼe ko ia te Hau. Kotea neʼe ina fai ke ina lava fakahoko te toe maʼua ʼaia? Neʼe fai e Sosafate ia meʼa fuli ke ina puipui tana hahaʼi. Neʼe ina toe laga te ʼu kolo ʼo Suta, pea mo fakatahiʼi he foʼi tau malohi ʼe toko 1 160 000 tupu. (2 Klk. 17:12-19) Ki muli age, neʼe felaveʼi ia Sosafate mo he fihifihia faigataʼa. Neʼe fia ʼohofi e te foʼi tau kaugāmalie ʼo te kau Amone, mo te kau Moape pea mo te potu fenua ʼo Seili ia ia, mo tona famili pea mo tana hahaʼi. (2 Klk. 20:1, 2) Kotea ʼae neʼe fai e Sosafate? Neʼe kole tokoni kia Sehova. Neʼe ina muliʼi te tokoni ʼae ʼe tuʼu ia Taaga Lea 3:5, 6. (Lau) ʼE tou maʼu te faikole ʼa Sosafate ia 2 Koloniko 20:5-12. ʼE tou tokagaʼi ai tana agavaivai pea mo tana falala kia Sehova. Neʼe tali feafeaʼi e Sehova te faikole ʼa Sosafate?
7. Neʼe tali feafeaʼi e Sehova te faikole ʼa Sosafate?
7 Neʼe fekauʼi e Sehova te Levite ko Sakasiele ke alu ʼo palalau kia Sosafate. Neʼe ui fenei age e Sehova: “Ke kotou olo pe, ke kotou tutuu i ai, pea e kotou 2 Klk. 20:13-17) ʼI te agamahani ʼe mole feia te fakahoko ʼo he tau. Kae ʼe mole ko he tagata ʼae neʼe ina fai te ʼu fakatotonu ʼaia, ʼe ko Sehova. Koia, neʼe fakalogo Sosafate kia Sehova he neʼe falala katoa kia te ia. Neʼe alu leva Sosafate pea mo tana hahaʼi ke felaveʼi mo ʼona fili. Neʼe mole ina fakatuʼu ʼi muʼa tana kau solia faiva, kae he kau hiva ʼe mole hanatou ʼu mahafu tau. Neʼe nofo ia Sehova mo Sosafate. Pea neʼe malo ai ia ia ʼi ʼona fili.—2 Klk. 20:18-23.
sisio anai ki te haofaki ae ka tuku anai e [“Sehova,” NWT] kia koutou.” (8. Kotea te ako ʼe maʼu e te ʼu tagata ʼohoana mai te faʼifaʼitaki ʼa Sosafate?
8 ʼU tagata ʼohoana, ʼe kotou maʼu he ako mai te faʼifaʼitaki ʼa Sosafate. Ko tokotou maua ke kotou tokaga ki te maʼuli lelei ʼo tokotou famili, koia ʼe kotou gaue kinakina ai moʼo puipui pea mo tokoni kia natou. Ka kotou felaveʼi mo he ʼu faigataʼaʼia, ʼaua naʼa kotou falala kia koutou totonu peʼe ki tokotou malohi. Kae kotou kole tokoni kia Sehova. Kotou faikole fakamalotoloto mo tokotou ʼohoana. Kotou kumi te takitaki ʼa Sehova ʼo kotou ako te Tohi-Tapu pea mo te ʼu tohi ʼa te kautahi ʼa te ʼAtua, pea kotou maʼuliʼi te ʼu tokoni ʼae ʼi ai. ʼE lagi mole manatu tahi anai ʼihi mo te ʼu tonu ʼae ʼe kotou fai pea mo ui atu ʼe kotou vavale. ʼE lagi natou ui atu ʼe gata pe ki te paʼaga mo te ʼu koloa fakamalama ʼe feala ke ina haofaki tokotou famili. Kae kotou manatuʼi te faʼifaʼitaki ʼa Sosafate. Neʼe tuku tana falala kia Sehova pea neʼe ha ʼi ʼana gaue. Neʼe mole lituʼa Sehova ki te tagata agatonu ʼaia, pea ʼe mole lituʼa anai kia koutou. (Pes. 37:28; Hep. 13.5) Kotea ʼae ʼe feala ke fai e te ʼu taumatuʼa ke natou maʼuli fiafia?
NEʼE FAKAMUʼAMUʼA E TE POLOFETA KO ESAIA MO TONA ʼOHOANA TANĀ TAUHI KIA SEHOVA
9. Kotea ʼe feala ke tou ui ʼo ʼuhiga mo te polofeta ko Esaia mo tona ʼohoana?
9 Neʼe maʼuhiga ki te polofeta ko Esaia mo tona ʼohoana tanā tauhi ʼae kia Sehova. Ko Esaia neʼe ko te polofeta. Pea ʼe lagi neʼe toe feia pe mo tona ʼohoana, koia ʼae neʼe fakahigoaʼi ai ko te “fafine polofeta.” (Esa. 8:1-4) Neʼe tokaga tafito ia Esaia mo tona ʼohoana ki tanā tauhi kia Sehova. Neʼe nā tuku he faʼifaʼitaki lelei ki te ʼu taumatuʼa ia ʼaho nei.
10. Kotea ʼae ʼe feala ke fai e te ʼu taumatuʼa ke toe hikihiki age ʼanatou gaue kia Sehova?
10 ʼE feala ki te ʼu taumatuʼa ia ʼaho nei ke natou fakamuʼamuʼa tanatou tauhi kia Sehova. ʼO feafeaʼi? ʼAki hanatou fai ia meʼa fuli ʼe natou lavaʼi maʼa tanatou tauhi kia te ia. ʼE natou fakamalohiʼi anai tanatou falala kia Sehova, ʼo natou ako fakatahi te ʼu lea fakapolofeta pea mo tokagaʼi ʼe hoko tuʼumaʼu. * (Tito 1:2) Pea ʼe natou fakakaukauʼi anai te ʼu meʼa ʼe feala ke natou fai moʼo fakahoko ʼihi lea fakapolofeta. Ohage la, ʼe feala tanatou kau ki te fakahoko ʼo te lea fakapolofeta ʼa Sesu. Neʼe ui e Sesu ʼe fakamafola anai te logo lelei ʼi te kele katoa ʼi muʼa ʼo te fakaʼosi. (Mat. 24:14) Ka tui malohi he taumatuʼa ʼe hoko moʼoni he lea fakapolofeta, ʼe toe lahi age anai tanā fakatotonu ʼae ke nā gaue lahi maʼa Sehova.
NEʼE FAKAMUʼAMUʼA E PILISILA MO AKILA TE PULEʼAGA ʼI TONĀ MAʼULI
11. Kotea ʼae neʼe fai e Pilisila mo Akila? Pea kotea tona tupuʼaga?
11 ʼE ʼi ai te ʼu ako ʼe feala ke maʼu e te ʼu Gaue 18:18-21; Loma 16:3-5) ʼE mahino ia, neʼe nā maʼumaʼua ʼaupito pea mo fiafia.
taumatuʼa foʼou mai te faʼifaʼitaki ʼa Pilisila mo Akila. Neʼe ko he taumatuʼa Sutea neʼe maʼuʼuli ʼi te kolo ʼo Loma. Neʼe nā logo ki te logo lelei ʼo ʼuhiga mo Sesu pea neʼe nā liliu ai ko hanā ʼu tisipulo. ʼE mahino ia neʼe nā leleiʼia tonā maʼuli. Kae neʼe hoko leva he ʼu fetogi fakapunamaʼuli ʼi tonā maʼuli ʼi te temi ʼae neʼe fakatotonu ai e te Hau ko Kolote ke mavae te kau Sutea fuli ʼi Loma. Kotou fakafuafua age muʼa pe kotea neʼe logoʼi e Pilisila mo Akila ʼi te temi ʼaia. Neʼe tonu ke nā mavae mai te koga meʼa ʼae neʼe kua nā mahani ai, mo toe laga honā tahi nofoʼaga pea mo fakatuʼu tanā matagi gaue fale la ʼi he tahi age koga meʼa. Kae ko te aluʼaga ʼaia ʼe ina fetogi anai koa tanā faʼahiga tauhi kia Sehova? ʼE mahino ia kua kotou iloʼi pe tona tali. ʼI tonā nofoʼaga foʼou ʼi Kolonito, neʼe kamata tokoni ia Akila mo Pilisila ki te kokelekasio ʼo te fenua ʼaia pea mo gaue fakatahi mo Paulo ki te fakalotomalohiʼi ʼo te ʼu tehina. Ki muli age, neʼe nā olo ki te tahi atu ʼu kolo neʼe ʼaoga ki ai he kau faifakamafola. (12. He koʼe ʼe tonu ki he taumatuʼa ke nā fai hanā ʼu fakatuʼutuʼu fakalaumalie?
12 ʼE feala ki te ʼu taumatuʼa ke natou faʼifaʼitakiʼi ia Pilisila mo Akila ʼo natou fakamuʼamuʼa te Puleʼaga. ʼE tou iloʼi ko te temi ʼae ʼe fakatahi ai he tama mo he taʼahine ʼe ko te temi lelei ʼaia ke nā palalau ki ʼanā fakatuʼutuʼu ki tonā maʼuli. Kapau ʼe toʼo fakatahi e he taumatuʼa he ʼu tonu pea mo faiga ke nā fakahoko ʼanā fakatuʼutuʼu fakalaumalie, ʼe nā sio ki te tokoni ʼa te laumalie maʼoniʼoni ʼo Sehova ʼi tonā maʼuli. (Ekl. 4:9, 12) Kotou tokagaʼi te meʼa ʼae neʼe hoko kia Russell mo Elizabeth. Neʼe ui fenei e Russell: “ʼI tamā kei fakatahi, neʼe ma palalau fakahagatonu ki ʼamā fakatuʼutuʼu fakalaumalie.” Neʼe ui fenei e Elizabeth: “Neʼe ma palalau ki te faʼahi ʼaia ʼi muʼa ʼo tamā ʼohoana ke mole he meʼa ʼe ina taʼofi te fakahoko ʼamā fakatuʼutuʼu kua ma tonu tahi ki ai moka tonu ke mā fai ni tonu ki ʼamuli.” Neʼe olo leva ia Russell mo Elizabeth ʼo maʼuʼuli ʼi Micronésie he neʼe ʼaoga ki ai he kau faifakamafola.
13. Ka tou lau ia Pesalemo 28:7, he koʼe koa ʼe tonu ke tou falala kia Sehova?
13 Tokolahi te ʼu taumatuʼa neʼe natou fai ohage ko Russell mo Elizabeth. Neʼe natou fakatuʼutuʼu ke lahi age tanatou faifakamafola. Ka fai e he taumatuʼa he ʼu fakatuʼutuʼu lelei ki tanā tauhi kia Sehova, pea mo gaue fakatahi ke nā fakahoko, ʼe lahi anai te ʼu lelei ʼe nā maʼu. ʼE nā sisio anai ki te tokaga ʼa Sehova kia naua, pea mo toe malohi age anai tanā falala kia te ia. Pea ʼe mahino ia, ʼe nā fiafia moʼoni anai.—Lau ia Pesalemo 28:7.
NEʼE TUI TE APOSITOLO KO PETELO MO TONA ʼOHOANA KI TE ʼU FAKAPAPAU ʼA SEHOVA
14. Neʼe fakaha feafeaʼi e te apositolo ko Petelo mo tona ʼohoana tanā tui ki te fakapapau ʼae ʼe tou maʼu ia Mateo 6:25, 31-34?
14 ʼE feala ke toe faʼifaʼitakiʼi e te ʼu taumatuʼa ia te apositolo ko Petelo mo tona ʼohoana. Hili te ʼuluaki felaveʼi ʼa Petelo mo Sesu, neʼe lagi ina toʼo ai he tonu maʼuhiga. Neʼe maʼuli Petelo ki te gelu. Pea ʼi te kole age e Sesu kia Petelo ke ina muliʼi ia ia, neʼe ina fakakaukauʼi tona aluʼaga fakafamili. (Luka 5:1-11) Neʼe filifili e Petelo ke alu ʼo faifakamafola mo Sesu. Neʼe ko he tonu fakapotopoto ia. Pea ʼe tou iloʼi neʼe lagolago tona ʼohoana ki te tonu ʼae neʼe ina fai. ʼE fakaha ʼi te Tohi-Tapu, ʼi te ʼosi fakatuʼuake ʼo Sesu, neʼe fualoa te fealuʼaki ʼa Petelo mo tona ʼohoana. (1 Ko. 9:5) ʼE mahino ia, ko te ʼohoana ʼo Petelo neʼe ko he fafine ʼohoana lelei. Koia ʼae neʼe tohi ai e Petelo he ʼu tokoni fakahagatonu ki te ʼu tagata ʼohoana pea mo ʼonatou hoa. (1 Pet. 3:1-7) Neʼe tui ia Petelo mo tona ʼohoana ki te fakapapau ʼae ʼe foaki anai e Sehova te ʼu meʼa ʼae ʼe ʼaoga kia naua mo kapau ʼe nā fakamuʼamuʼa te Puleʼaga.—Lau ia Mateo 6:25, 31-34.
15. Kotea ʼae ʼe tou ako mai te faʼifaʼitaki ʼa Tiago mo Esther?
15 Kapau kua fualoa takotou ʼohoana, ʼe kei feala mo koutou ke lahi age ʼakotou gaue maʼa Sehova. ʼE feala takotou kole tokoni peʼe faʼifaʼitakiʼi ʼihi taumatuʼa. Ohage la, ʼe feala hakotou lau te ʼu alatike “Neʼe Natou Foaki Ia Natou ʼAki Te Loto Lelei.” Neʼe tokoni te ʼu alatike ʼaia kia Tiago mo Esther. Neʼe ko he taumatuʼa mai Pelesile, pea neʼe olo ʼo gaue ʼi te ʼu faʼahi ʼae ʼe ʼaoga ki ai he kau faifakamafola. ʼE fakamahino fenei e Tiago: “ʼI taku lau te ʼu alatike ʼaia pea mo sio ki te faʼahiga tokoni ʼa Sehova ki ʼana kaugana ia ʼaho nei, neʼe ma toe fia iloʼi ai tana faʼahiga takitaki mo tokaga kia maua.” Neʼe nā olo leva ʼo maʼuli ʼi Paraguay, pea neʼe kau ki he kokelekasio ʼi te lea Portugais talu mai te taʼu 2014. ʼE ui fenei e Esther: “ʼE ma leleiʼia ia Efeso 3:20. Neʼe tuʼa lahi tamā sio ki te hoko ʼo te ʼu palalau ʼo te vaega ʼaia ʼi tamā tauhi kia Sehova.” ʼI te tohi ʼaia ʼa Paulo ki te kau Efeso, neʼe ina fakapapau ai ʼe foaki mai e Sehova ʼo lahi maumau age ʼi te ʼu meʼa ʼae ʼe tou kole. Pea ʼe moʼoni ia te fakapapau ʼaia.
16. Kotea te ʼu tokoni ʼe feala ke maʼu e te ʼu taumatuʼa foʼou moka natou fia fai ni fakatuʼutuʼu?
16 ʼE feala ke maʼu e te ʼu taumatuʼa foʼou he ʼu tokoni mai ia natou ʼae neʼe falala kia Sehova. ʼE lagi ʼi ai ʼihi taumatuʼa neʼe fualoa tanatou gaue temi katoa. He koʼe ʼe mole kotou kole tokoni kia natou ʼaia mo kapau ʼe kotou fia fai ni fakatuʼutuʼu? ʼE ko he tahi faʼahiga fakaha Taag. 22:17, 19) ʼE toe feala ke tokoni te kau tagata ʼafeā ki te ʼu taumatuʼa foʼou ke natou fai ni fakatuʼutuʼu fakalaumalie pea mo faiga ʼo fakahoko.
ʼaia takotou falala kia Sehova. (17. Kotea te ako ʼe tou maʼu mai te faʼifaʼitaki ʼa Klaus mo Marisa?
17 ʼI ʼihi temi, ka tou fia gaue lahi maʼa Sehova, pea ʼe tou fakatuʼutuʼu ke tou fai he meʼa. Kae ʼe taki tatou e Sehova ke tou fai he meʼa neʼe mole tou ʼamanaki ki ai. Neʼe ko te aluʼaga ʼaia neʼe hoko kia Klaus mo Marisa. ʼOsi ki ai taʼu ʼe 3 ki tonā ʼohoana, neʼe nā mavae ʼi tonā ʼapi, he neʼe nā fia tokoni ki te laga ʼo te Filiale ʼo Finlande. Kae neʼe fakaha age ʼe nā nonofo pe anai mahina ʼe ono. ʼI te kamata, neʼe nā lotovaivai. Kae ki muli age, neʼe fakaafe naua ki he ako ke nā ako te lea Fakaalape. Ia ʼaho nei, ʼe nā fiafia ʼi te faifakamafola ʼi te lea ʼaia ʼi te tahi atu fenua. Ka manatuʼi e Marisa te aluʼaga ʼae neʼe hoko, ʼe ina ui fenei: “Neʼe au mataku ʼi te fai ʼo he meʼa neʼe heʼeki au fakahoko ʼi muʼa atu. Neʼe tonu ke au falala katoa kia Sehova. Kae neʼe au punamaʼuli ʼi taku sio ki te tokoni tuʼumaʼu mai pe ʼa Sehova kia maua. Talu mai ai, neʼe toe malohi age taku falala kia Sehova.” ʼE ha mai ʼi te faʼifaʼitaki ʼaeni, ʼe fakapale tuʼumaʼu anai koutou e Sehova mo kapau ʼe kotou falala katoa kia te ia.
18. Kotea ʼae ʼe tonu ke fai e te ʼu taumatuʼa ke natou falala tuʼumaʼu kia Sehova?
18 Ko Sehova ʼae neʼe ina fakatuʼu te ʼohoana. (Mat. 19. 5, 6) Pea ʼe ina loto ke maʼuli fiafia te ʼu taumatuʼa. (Taag. 5:18) Kia koutou ʼae neʼe hoki ʼohoana, he koʼe ʼe mole kotou fakakaukauʼi takotou faʼahiga fakaʼaogaʼi tokotou maʼuli? ʼE kotou fai koa ia meʼa fuli ʼe kotou lavaʼi moʼo fakafetaʼi kia Sehova ki te ʼu meʼa ʼofa ʼae neʼe ina foaki atu? Kotou faikole kia Sehova. Kotou kumi ʼi tana Folafola te ʼu pelesepeto ʼae ʼe alu tahi mo tokotou aluʼaga. Pea kotou fakaʼaogaʼi te ʼu tokoni ʼae ʼe foaki atu e Sehova. ʼE mahino papau ia, ʼe kotou maʼuli fiafia anai mo kapau ʼe kotou fakamuʼamuʼa takotou tauhi kia Sehova ʼi tokotou maʼuli fakataumatuʼa.
KATIKO 132 Kua Ta Liliu Ko Te Kakano ʼe Tahi
^ pal. 5 Ka tou fai ʼihi tonu, ʼe ʼi ai anai ʼona fua kovi ki te temi pea mo te malohi ʼae ʼe tou fakaʼaogaʼi ki tatatou tauhi kia Sehova. ʼE tonu ki te ʼu taumatuʼa ʼae neʼe hoki ʼohoana ke tokakaga ki te ʼu tonu ʼae ʼe natou fai, he ʼe ʼi ai anai ʼona nunuʼa ʼi tonatou maʼuli katoa. ʼE tou vakaʼi anai ʼi te alatike ʼaeni tanatou faʼahiga fai ni tonu ʼe lelei ke natou fiafia ai pea ke ʼi ai he ʼuhiga ʼo tonatou maʼuli.
^ pal. 5 Ko ʼihi higoa neʼe fetogi.
^ pal. 10 Ohage la, vakaʼi te ʼu kapite 6 mo 7 pea mo 19 ʼo te tohi Le culte pur de Jéhovah enfin rétabli !