ALATIKE AKO 43
Tou Pipiki ʼAteaina Pe Kia Sehova
“Ko [“Sehova,” MN] ko he Atua finenonofo.”—NAU. 1:2 *.
KATIKO 51 Neʼe Au Foaki Toku Maʼuli Ki Te ʼAtua
TE ʼU MANATU FAKANOUNOU *
1. He koʼe ʼe tuha mo Sehova ke tou pipiki ʼateaina pe kia te ia?
ʼE TUHA mo Sehova ke tou pipiki ʼateaina pe kia te ia, koteʼuhi ko totatou Tupuʼaga pea neʼe ina foaki mai te maʼuli. (Fkha. 4:11) Kae ʼe feala pe ke tou tau mo he fihifihia. Ohage la, ʼe feala pe ke maʼuhiga ʼaupito ʼihi aluʼaga kia tatou ʼo faigataʼa ai tatatou pipiki ʼateaina pe kia Sehova. Pea maʼia pe ʼe tou ʼoʼofa mo fakaʼapaʼapa kia Sehova, ʼe feala ke hoko te aluʼaga ʼaia. Koia ʼe tonu ke tou mahino pe ʼe hoko feafeaʼi te aluʼaga ʼaia. Kae tou vakaʼi muʼa pe ʼe kotea te fakaʼuhiga ʼo te pipiki ʼateaina pe kia Sehova.
2. Ka tou lau ia Ekesote 34:14, kotea anai ka tou fai mo kapau ʼe tou pipiki ʼateaina pe kia Sehova?
2 ʼI te Tohi-Tapu, ʼe fakaʼuhiga te pipiki ʼateaina pe ki te ʼAtua, ko te ʼofa mamahi kia te ia. Kapau ʼe tou pipiki ʼateaina pe kia Sehova, pea ʼe tou atolasio anai kia te ia tokotahi pe. Koia ʼaua naʼa tou fakamaʼuhigaʼi he meʼa peʼe ko he tahi ʼo lahi age ia te ia.—Lau ia Ekesote 34:14.
3. Kotea te ʼu tupuʼaga ʼae ʼe tou pipiki ai kia Sehova?
3 ʼE ʼi ai te ʼu tupuʼaga lelei ke tou pipiki ai kia Sehova. ʼEi, ko tatatou pipiki kia te ia ʼe fakatafito ki te ʼu manatu ʼae neʼe tou ako ʼo ʼuhiga mo ia. ʼE tou leleiʼia ʼona kalitate fakaofoofo. ʼE tou iloʼi pe ʼe kotea ʼae ʼe ʼofa mo fehiʼa ki ai ia Sehova, pea ʼe tou faʼifaʼitakiʼi ia ia. ʼE tou mahino mo tou lagolago ki tana fakatuʼutuʼu Pes. 25:14) Pea ʼaki te ʼu faʼahi fuli ʼae ʼe tou ako ʼo ʼuhiga mo totatou Tupuʼaga, ʼe tou fakaovi ai kia te ia.—Sakp. 4:8.
ʼo ʼuhiga mo te hahaʼi. Ko he toe pilivilesio te fealagia ʼae ʼe tou maʼu ke tou liliu ko hona ʼu kaumeʼa. (4. (1) Kotea ʼae ʼe fakaʼaogaʼi e te Tevolo ke vaivai ai tatatou pipiki ʼae kia Sehova? (2) Kotea ʼae ka tou vakaʼi ʼi te alatike ʼaeni?
4 ʼE takitaki e te Tevolo ia te malamanei. Pea ʼe ina fakaʼaogaʼi te malamanei moʼo fakaoloolo ʼotatou holi pea mo ʼotatou vaivaiʼaga. (Efe. 2:1-3; 1 Soa. 5:19) ʼE mole ina loto ke tou tauhi kia Sehova ʼaki he loto ʼe katoa pea ke mole tou pipiki ʼateaina pe kia te ia. Tou vakaʼi aluʼaga ʼe lua ʼe feala ke fakaʼaogaʼi e te Tevolo moʼo kakaʼi ʼo tatou. ʼUluaki, ʼe ina ʼekenaki tatou ke tou fia maʼu paʼaga. Pea lua, ʼe ina toe uga tatou ke tou filifili te ʼu fakafiafia ʼae ʼe mole lelei.
KO TE MANAKO KI TE PAʼAGA ʼE KO HE HELE
5. He koʼe ʼe ko he hele te manako ki te paʼaga?
5 ʼI te agamahani, ʼe tou fia maʼu fuli he meʼa kai ʼe feʼauga, mo he ʼu mutuʼi meʼa pea mo he nofoʼaga ʼe lelei. Kae ʼe tonu ke tou tokakaga naʼa tou manako ki te paʼaga. Tokolahi natou ʼae ʼe kau ki te malama ʼa Satana, ʼe natou “manako ki te paʼaga” pea mo te ʼu koloa ʼae ʼe natou lava totogi ʼaki. (2 Tim. 3:2) Neʼe iloʼi e Sesu neʼe feala pe ke manako ʼana tisipulo ki te paʼaga. Ko te tupuʼaga la ʼaia ʼo tana fakamahino fenei: “ ʼE mole feala ke kaugana he tahi ki he ʼu pule ʼe toko lua. Koteʼuhi ʼe fehiʼa anai ki te tahi kaʼe ʼofa ia ki te tahi, peʼe pipiki anai ki te tahi kaʼe ina meʼa noaʼi te tahi. ʼE mole feala ke kotou kaugana ki te ʼAtua pea mo te Paʼaga.” (Mat. 6:24) ʼE feala pe ki he kaugana ʼa Sehova ke ina fakaʼaogaʼi lahi tona temi mo tona malohi ke liliu ʼo koloaʼia. Kae kapau ʼe ina fai te faʼahi ʼaia, ʼe hage pe ʼe tauhi kia pule ʼe lua. ʼE mole ina fakaha ai anai ʼe pipiki ʼateaina pe kia Sehova.
6. Kotea ʼae ʼe tou ako mai te ʼu palalau ʼae neʼe fai e Sesu ki te kokelekasio ʼo Laotise?
6 ʼI muʼa ʼo te taʼu 100 H.T.S., * ko te ʼu tehina mo tuagaʼane ʼo te kokelekasio ʼo Laotise, neʼe natou fiameʼameʼa ʼo natou ui fenei: “ ʼE au koloaʼia, ʼe lahi te ʼu koloa kua au maʼu pea ʼe mole ʼaoga mai he meʼa kia au.” Kae kia Sehova pea mo Sesu, neʼe natou “lotomamahi, mo fakaʼofaʼofa, mo masiva, mo kivi pea mo telefua.” Neʼe mole tokoniʼi natou e Sesu, ʼuhi he neʼe natou koloaʼia. Kae ʼuhi he neʼe fakatupu kovi ki ʼanatou felogoi mo Sehova ia tanatou manako ki te paʼaga. (Fkha. 3:14-17) Kapau ʼe tou tokagaʼi kua tou manako ki te paʼaga, ʼe tonu ke tou fetogi fakavilivili tatatou faʼahiga manatu. (1 Tim. 6:7, 8) Kapau ʼe mole tou fai te faʼahi ʼaia, ʼe mole katoa anai totatou loto kia Sehova pea ʼe mole ina tali anai tatatou tauhi. Ko he ʼAtua ʼe ina loto ke tou ‘pipiki ʼateaina pe’ kia te ia. (Tet. 4:24) Kae ʼe liliu feafeaʼi te paʼaga ʼo maʼuhiga fau ʼi totatou maʼuli?
7-9. Kotea ʼae ʼe tou ako mai te faʼifaʼitaki ʼo te tagata ʼafeā ko Tavite?
7 Tou palalau muʼa kia Tavite, ko he tagata ʼafeā ʼe maʼuli ʼi Amelika. ʼE ina ui, neʼe ko he tagata faʼa gaue ia ia. Neʼe foaki age e te sosiete ʼae neʼe gaue ai hona ʼu tuʼulaga pea neʼe lelei tona totogi. Pea neʼe logologona ʼi tona fenua, ko he tagata gaue lelei ʼaupito ʼo te sosiete ʼaia. ʼE ina ui fenei: “ ʼI te temi ʼaia, ʼi taku manatu neʼe lava lelei taku gaue he neʼe tapuakinaʼi au e Sehova.” Kae neʼe moʼoni koa te faʼahi ʼaia?
8 Kae ʼaki te temi, neʼe tokagaʼi leva e Tavite neʼe ʼi ai te ʼu fua kovi ʼo tana gaue ki ʼana felogoi mo Sehova. ʼE ina ui fenei: “Lolotoga te ʼu fono maʼia ʼi te faifakamafola, ʼe au manatu ki taku gaue pea mo te ʼu fihifihia ʼae neʼe tonu ke au puleʼakiʼi. Neʼe lelei ʼaupito toku totogi. Kae neʼe au lotohoha tuʼumaʼu pea neʼe au toe tau mo he ʼu fihifihia ʼi toku maʼuli fakataumatuʼa.”
9 Neʼe mahino leva ia Tavite neʼe tonu ke ina vakaʼi pe ʼe kotea ʼae ʼe maʼuhiga ʼi tona maʼuli. ʼE ina fakamahino fenei: “Neʼe au fakatotonu ai Mat. 6:31-33.
ke au fai he ʼu fetogi ʼi toku maʼuli.” Neʼe ina fia fetogi ʼona hola gaue, ʼo ina fakaha ai ki tona patolo. Kotea ʼae neʼe hoko? Neʼe fakamavae ia Tavite ʼi tana gaue. Kotea ʼae neʼe ina fai? Neʼe ina ui fenei: “ ʼI te ʼaho ake, neʼe au fai taku kole ke au pionie vaeluaʼi temi ʼi te mahina fuli.” Neʼe gaue fakatahi leva mo tona ʼohoana ʼi te fai fakamaʼa moʼo tokoni ki tonā maʼuli. Hili ki ai he kiʼi temi, neʼe liliu leva ia Tavite ʼo pionie katoa. Pea ki muli age, neʼe toe pionie katoa mo tona ʼohoana. ʼE moʼoni, neʼe filifili e te taumatuʼa ʼaia he gaue ʼe mole faʼa leleiʼia e te hahaʼi. Kae ko te faʼahiga gaue ʼae neʼe nā fai, neʼe mole ko te faʼahi ʼaia ʼae neʼe maʼuhiga kia naua. Logo la ʼe mole kei lahi te foʼi falā ʼae kua nā maʼu, kae ʼe feʼauga pe moʼo taupau tonā maʼuli ʼi te mahina fuli. Neʼe nā fia fakamuʼamuʼa ia Sehova ʼi tonā maʼuli. Pea neʼe nā mahino ʼe tokaga ia Sehova kia natou ʼae ʼe natou fakamuʼamuʼa ia tona Puleʼaga.—10. ʼE tou puipui feafeaʼi totatou loto?
10 Tatau aipe pe ʼe veliveli peʼe lahi ʼou koloa, kae ʼe tonu ke tou puipui totatou loto. ʼO feafeaʼi? ʼE mole tonu ke tou manako ki te paʼaga. Pea ʼaua naʼa tou fakamaʼuhigaʼi fau tatatou gaue ʼi tatatou tauhi kia Sehova. Koia ʼae ʼe lelei ai ke tou fai te ʼu fehuʼi ʼaeni: ‘ ʼE au manatu tuʼumaʼu koa ki taku gaue ʼi te ʼu fono mo te faifakamafola? ʼE au tuʼania koa toku ka haʼu ʼi te faʼahi fakapaʼaga? ʼE ʼi ai koa he ʼu fihifihia ʼi toku maʼuli fakataumatuʼa ʼuhi ko te paʼaga pea mo te ʼu koloa? ʼE au lotolelei koa ke au fakahoko he gaue ʼe mole faʼa maʼuhiga, ke feala ai haku gaue lahi maʼa Sehova?’ (1 Tim. 6:9-12) Ka tou fakakaukauʼi te ʼu fehuʼi ʼaia, ʼe tonu ke tou manatuʼi ʼe ʼofa Sehova kia tatou. Pea ʼe tonu ke tou toe manatuʼi te fakapapau ʼaeni neʼe ina fai kia natou ʼae ʼe pipiki kia te ia: “ ʼE mole au tuku anai koe ʼi he temi, pea ʼe mole au liakī anai koe ʼi he temi.” Koia ʼae neʼe tohi fenei ai e te apositolo ko Paulo: “ ʼAua naʼa kotou manako ki te paʼaga.”—Hep. 13:5, 6.
TOU FILIFILI LELEI ʼATATOU FAKAFIAFIA
11. Kotea ʼae ʼe feala ke hoko ki he tahi ʼuhi ko te ʼu fakafiafia ʼae ʼe ina filifili?
11 ʼE loto e Sehova ke tou maʼuli fiafia, pea ʼe feala ke tou maʼu te fiafia ʼi te ʼu fakafiafia. ʼI tona fakahagatonu, ʼe ui mai ʼi te Folafola ʼa te ʼAtua, “ko te mea e tahi e fiafia ai te tagata: ko te kai, mo te inu, pea mo te [“fakafiafia,” MN] . . . aki te fua o tana gaue.” (Ekl. 2:24) Kae ʼe lahi te ʼu fakafiafia ʼi te malama ʼe feala ke ʼi ai hona ʼu fua kovi kia tatou. ʼAki te ʼu fakafiafia ʼaia, ʼe feala ai ki he tokolahi ke natou tali peʼe natou leleiʼia te ʼu meʼa ʼae ʼe tauteaʼi ʼi te Folafola ʼa te ʼAtua.
12. Ka tou lau ia 1 Kolonito 10:21, 22, he koʼe ʼe tonu ke tou filifili leleiʼi ʼatatou fakafiafia?
1 Kolonito 10:21, 22.) Kapau ʼe tou kakai fakatahi tuʼumaʼu mo he tahi, ʼe ha ai ko totatou kaumeʼa. Kae ʼe feala pe ke tou kakai mo te ʼu fili ʼo te ʼAtua pea mo te meʼa kai ʼae neʼe natou teuteuʼi. ʼO feafeaʼi? ʼE feala ke hoko te aluʼaga ʼaia mo kapau ʼe tou filifili he ʼu fakafiafia ʼe uga ai te agamalohi, mo te ʼu gaohi meʼa fakatemonio, mo te ʼu aga heʼe ʼaoga, pea mo ʼihi atu ʼu holi mo agaaga ʼe kovi. Koia, ʼe feala pe ke fua kovi kia tatou, ʼo toe feia pe ki ʼatatou felogoi mo Sehova.
12 ʼE tou fia tauhi ʼateaina pe kia Sehova. Koia ʼe mole feala ai ke tou kakai ʼi “te laupapa ʼo Sehova pea mo te laupapa ʼo te kau temonio.” (Lau ia13-14. Ka tou lau ia Sakopo 1:14, 15, he koʼe ʼe tonu ke tou tokakaga moka tou filifili he fakafiafia? Tuku mai he faʼifaʼitaki.
13 ʼE feafeaʼi hatatou fakatatau te ʼu fakafiafia ki te meʼa kai? Ka tou teuteu kakai, ʼe feala hatatou filifili te meʼa kai ʼae ʼe tou leleiʼia. ʼI te kua ʼosi ʼo tatatou kakai, ʼe mole feala hatatou filifili te alu aga ʼo te meʼa kai ʼaia ʼi totatou sino. Ka tou kai he meʼa kai ʼe ʼaoga ki totatou sino pea ʼe tou maʼu ai he malolo fakasino ʼe lelei. Kae ka tou kai he meʼa kai ʼe mole lelei ki te sino, pea ʼe tou mahahaki anai. ʼE moʼoni, ʼe mole fua kovi anai kia tatou ʼi te temi pe ʼaia, kae ʼaki te temi ʼe tou utu mamalie pe anai ʼona fua kovi.
14 ʼO toe feia pe, ka tou fia fai he fakafiafia, tou manatuʼi ʼe feala ke tou taʼofi ʼi totatou ʼatamai te fakafiafia ʼaia. Hili ia, ʼe mole tou iloʼi te ʼu fua ʼo te fakafiafia ʼaia ki tatatou fakakaukau pea mo totatou loto. Ko he fakafiafia ʼe lelei ʼe ina fakalotomalohiʼi tatou. Kae ko he fakafiafia ʼae mole lelei ʼe fua kovi anai kia tatou. (Lau ia Sakopo 1:14, 15.) ʼE moʼoni ʼe mole fua kovi anai kia tatou ʼi te temi pe ʼaia, kae ʼaki te temi ʼe tou utu mamalie pe anai ia te ʼu fua kovi. Koia la ʼae ʼe foaki mai ʼi te Tohi-Tapu te fakatokaga ʼaeni: “ ʼAua naʼa kotou faihala: ʼE mole feala ke manukiʼi ia te ʼAtua. Koteʼuhi ʼe utu pe anai e te tagata te meʼa ʼae neʼe ina to. Koteʼuhi ko ʼae ʼe ina to ʼo manatu ki te kakano, ʼe ina utu anai mai tona kakano ia te mate.” (Kal. 6:7, 8) Koia ʼe maʼuhiga ʼaupito ke tou liʼaki te ʼu fakafiafia fuli ʼae ʼe hoko ai te ʼu aga ʼae ʼe fehiʼa ki ai Sehova.—Pes. 97:10.
15. Kotea te meʼa ʼofa ʼae ʼe loto e Sehova ke tou fakaʼaogaʼi lelei?
15 Tokolahi ʼi te ʼu kaugana ʼa Sehova ʼe natou fia sioʼi ʼi te Neti te Polokalama JW ʼae ʼe lagolago ki te ʼu moʼoni Fakatohi-tapu. ʼE ui fenei e te tuagaʼane ʼe higoa ko Marilyn: “ ʼE tokoni mai te Polokalama JW ke au fiafia tuʼumaʼu pea ʼe mole ʼaoga ke au filifili te ʼu ʼata koteʼuhi ʼe lelei fuli kia au. ʼI te ʼu temi ʼae ʼe au nofo tokotahi ai peʼe au lotomamahi ai, ʼe au sioʼi he akonaki peʼe ko he koga tohi ʼi te uhu ʼe fakalotomalohi kia au. ʼE feala ai ke au fakaovi kia Sehova pea mo tana kautahi. Neʼe fetogi katoa toku maʼuli e te Polokalama JW.” ʼE ke fakaʼaogaʼi lelei koa te meʼa ʼofa ʼaia ʼae neʼe foaki atu e Sehova? ʼE ʼi ai te ʼu kiʼi ʼata viteo mo te ʼu hiva foʼou fakalotomalohi ʼi te mahina fuli pea mo te ʼu lautohi ʼe feala ke kotou sioʼi mo fakalogo ʼi te temi fuli pe ʼi te Polokalama JW.
16-17. He koʼe ʼe tonu ke tou fakatuʼakoi te temi ʼae ʼe tou fakafiafia ai? Pea ʼe feafeaʼi hatatou fai te faʼahi ʼaia?
16 ʼE tonu ke tou tokakaga tafito ki te ʼu faʼahiga fakafiafia ʼae ʼe tou filifili pea mo te temi ʼae ʼe tou fakaʼaogaʼi ki ai. ʼE tonu ke tou tokakaga koteʼuhi ʼe feala pe ke tou fakaʼaogaʼi lahi age totatou temi ki te ʼu fakafiafia ʼi tatatou tauhi ʼae kia Sehova. ʼE faigataʼa ki te tokolahi tanatou fakatuʼakoi te temi ʼae ʼe natou fakafiafia ai. Neʼe ui fenei e te tuagaʼane ʼe taʼu 18 ʼe higoa ko Abigaïl: “Moka ʼe au tau gaʼegaʼe mai taku gaue ʼi te afiafi, ʼe au maʼu hoku fimalie ʼi taku sioʼi te televisio. Kae kapau ʼe mole au tokaga, ʼe feala pe
ke au televisio ʼi ni hola.” Neʼe toe ui fenei e te tehina tupulaga ʼe higoa ko Samuel: “ ʼI ʼihi temi, ʼe au sioʼi hoholo te ʼu kiʼi ʼata viteo ʼi te Neti. ʼI te kamata, ʼe au sioʼi he kiʼi ʼata viteo pe ʼe tahi. Pea ʼi te kua hoholo lelei ʼo taku sio ʼata viteo, kua fakalaka ki ai hola ʼe tolu peʼe fa kae neʼe mole au tokagaʼi.”17 ʼE feafeaʼi hatatou fakatuʼakoi te temi ʼae ʼe tou fakaʼaogaʼi ki te ʼu fakafiafia? ʼE tonu muʼa ke tou iloʼi te temi ʼae ʼe tou fakaʼaogaʼi ki ai. Ohage la, lolotoga he vahaʼa katoa tou tohi ʼi he kaletalio te ʼu hola ʼae ʼe tou fakaʼaogaʼi ki te televisio. ʼO toe feia mo te temi ʼae ʼe tou fakaʼaogaʼi ki te Neti, ki te ʼu kiʼi gaoʼi ʼi tatatou telefoni peʼe ko tatatou masini toʼotoʼo. Kapau la ʼe lahi fau te temi ʼae ʼe tou fakaʼaogaʼi ki te ʼu fakafiafia, ʼe lelei ke fai hatatou polokalama. Tou fakatuʼutuʼu he temi ke tou fai ai muʼa te ʼu meʼa ʼae ʼe maʼuhiga age, pea hoki tou fakatuʼutuʼu ai leva he temi ki te ʼu fakafiafia. Pea tou kole kia Sehova ke tokoni mai ke tou muliʼi lelei tatatou polokalama. Ka tou fai feia, ʼe tou maʼu anai te temi pea mo te malohi ʼae ʼe ʼaoga moʼo fakahoko ʼatatou gaue maʼuhiga. Ohage la, ko te ako takitokotahi ʼo te Tohi-Tapu, mo te ako fakafamili, mo te ʼu fono, mo te faifakamafola pea mo te faiako. Pea tahi, ʼe tou leleiʼia anai te temi ʼae ʼe tou fakafiafia ai, koteʼuhi neʼe tou fakamuʼamuʼa ia Sehova.
TOU PIPIKI TUʼUMAʼU PEA MO ʼATEAINA PE KIA SEHOVA
18-19. ʼE feafeaʼi hatatou fakaha ʼe tou pipiki ʼateaina pe kia Sehova?
18 Hili te palalau ʼa te apositolo ko Petelo ki te fakaʼosi ʼo te malama ʼa Satana pea ʼo ʼuhiga mo te malama foʼou, neʼe ina ui fenei: “Kau ʼofaina, ʼi takotou fakaatalitali ki te ʼu meʼa ʼaia, kotou faiga malohi ke ʼosi age la, ʼe ina maʼu mai koutou ʼe kotou maʼa, mo heʼe mele pea ʼi te tokalelei.” (2 Pet. 3:14) Kapau ʼe tou muliʼi te tokoni ʼaeni, pea ʼe tou pipiki ʼateaina pe anai kia Sehova. ʼO feafeaʼi? Mo kapau ʼe tou faiga malohi ke fiafia ia Sehova ki totatou faʼahiga maʼuli pea mo tatatou faʼahiga atolasio ʼae kia te ia.
19 ʼE faigaʼi tuʼumaʼu anai e Satana mo tana malama ke ʼaua naʼa tou fakamuʼamuʼa te tauhi ʼae kia Sehova. (Luka 4:13) Kae ʼe mole tou tuku anai he meʼa peʼe ko he tahi ke ina pulihi totatou ʼofa ʼae kia Sehova, logo la te ʼu fihifihia ʼae ʼe tou tau pea mo ia. ʼE tou fakatotonu malohi ke tou pipiki ʼateaina pe kia Sehova, koteʼuhi ʼe tuha pea mo ia tokotahi.
KATIKO 30 Taku Tamai, Toku ʼAtua Pea Mo Kaumeʼa
^ pal. 3 ʼE tou fia tauhi kia Sehova. Kae ʼe tou pipiki ʼateaina koa kia te ia? ʼE feala ke tou tali ki te fehuʼi ʼaia ʼaki te ʼu tonu ʼae ʼe tou toʼo. Ke tou iloʼi pe ʼe tou pipiki ʼateaina pe kia Sehova, tou vakaʼi aluʼaga tafito ʼe lua ʼo totatou maʼuli.
^ pal. 5 Ka ui ʼi te Tohi-Tapu ko Sehova ʼe finenonofo, ko tona fakaʼuhiga ʼe ina loto ke tou atolasio ʼateaina pe kia te ia.
^ pal. 6 Ko te ’u mata ’i tohi ’aeni H.T.S. ko tona faka’uhiga: Hili te Temi ’o Sesu.
^ pal. 55 FAKAMATALA ʼO TE ʼU PĀKI: ʼE mole tou fia kai anai ki he meʼa kai neʼe teuteuʼi ʼi he fale kuka ʼe ʼuli. Koia ʼe mole tou filifili anai he ʼu fakafiafia ʼe ʼulihi e te ʼu agamalohi, mo te gaohi meʼa fakatemonio peʼe ko te ʼu aga heʼe ʼaoga.