ALATIKE AKO 4
“ ʼE Fakamoʼoni Lelei Mai Kia Tatou e Te Laumalie ʼo Te ʼAtua”
“ ʼE fakamoʼoni lelei mai kia tatou e te laumalie ʼo te ʼAtua ko tatou ʼe ko he ʼu fanau ʼa te ʼAtua.”—LOMA 8:16.
KATIKO 25 Ko He Koloa Makehe
TE ʼU MANATU FAKANOUNOU *
ʼI te Penikosite ʼo te taʼu 33, neʼe folahi ai e Sehova tona laumalie ʼi hona aluʼaga fakaofoofo ki te toko 120 tisipulo (Vakaʼi te palakalafe 1-2)
1-2. Kotea te aluʼaga fakaofoofo ʼae neʼe hoko ʼi te ʼaho ʼo te Penikosite?
NEʼE hoko te aluʼaga ʼaeni ʼi Selusalemi, ʼi te ʼAhotapu uhu ʼo te taʼu 33 H.T.S. ʼI te ʼaho ʼaia ʼo te Penikosite, neʼe fakatahitahi ai te toko 120 tisipulo ʼi he koga fale ʼi te lau fata. (Gaue 1:13-15; 2:1) ʼI ni ʼaho ki muʼa atu, neʼe kole e Sesu ki ʼana tisipulo ke natou nonofo ʼi Selusalemi, koteʼuhi neʼe tonu ke foaki age kia natou he meʼa ʼofa makehe. (Gaue 1:4, 5) Kotea ʼae neʼe hoko ki muli age?
2 “Fokifa pe neʼe natou logo ki he logoaʼa neʼe haʼu mai te lagi, neʼe hage ko he tuʼani matagi.” Neʼe logo ʼi te ʼapi katoa. Pea neʼe tuʼu he ʼu “ ʼalelo neʼe hage ko he ʼu uloʼi afi” ʼi te ʼu ʼulu ʼo te ʼu tisipulo, pea neʼe “natou fonu fuli ai ʼi te laumalie maʼoniʼoni.” (Gaue 2:2-4) Neʼe folahi ai e Sehova tona laumalie ʼi hona aluʼaga fakaofoofo ki te kiʼi kutuga ʼaia. (Gaue 1:8) Ko natou ʼaia neʼe ʼuluaki fakanofo ʼaki te laumalie maʼoniʼoni * pea mo natou maʼu te ʼamanaki ʼae ke natou kaugā hau mo Sesu ʼi selo.
ʼE FAKAHOKO FEAFEAʼI TE FAKANOFO ʼAKI TE LAUMALIE MAʼONIʼONI?
3. He koʼe neʼe feala ke tui papau te ʼu tisipulo neʼe fakanofo natou ʼaki te laumalie maʼoniʼoni?
3 Kapau la neʼe ke kau ʼi te kau tisipulo ʼae neʼe fakatahitahi ʼi te ʼapi ʼaia, ʼe mole ke galoʼi anai te ʼaho ʼaia. Neʼe ʼi ai he meʼa Gaue 2:5-12) Neʼe feala ke ke tui papau ai neʼe fakanofo koe ʼaki te laumalie maʼoniʼoni. Kae ko natou leva ʼae ʼe fakanofo ʼaki te laumalie, ʼe natou maʼu fuli koa ʼi he temi pe ʼe tahi te laumalie ʼaia pea ʼi hona aluʼaga fakaofoofo, ohage pe ko te ʼaho ʼo te Penikosite? Kailoa. ʼE tou iloʼi feafeaʼi te faʼahi ʼaia?
ohage ko te uloʼi afi neʼe haʼu ʼo tuʼu ʼi tou ʼulu, pea ke kamata palalau ai ʼi he ʼu lea kehekehe! (4. Neʼe fakanofo koa te kau Kilisitiano fuli ʼo te ʼuluaki sekulo ʼi he temi pe ʼe tahi?
4 Tou talanoa ʼo ʼuhiga mo te temi ʼae ʼe fakanofo ai he tahi ʼaki te laumalie maʼoniʼoni. Neʼe mole ko te toko 120 tisipulo pe ʼae neʼe fakanofo ʼi te ʼaho ʼo te Penikosite ʼo te taʼu 33. ʼI te ʼaho pe ʼaia, neʼe toe fakanofo te toko teitei 3 000 hahaʼi ʼaki te laumalie maʼoniʼoni. Neʼe hoko tanatou fakanofo ʼi te temi ʼo tanatou papitema. (Gaue 2:37, 38, 41) Kae neʼe mole feia te fakanofo ʼo ʼihi age hahaʼi ʼi te ʼu taʼu ki muli mai. Ohage la, neʼe fakanofo te kau Samalitana hili tanatou papitema. (Gaue 8:14-17) Pea neʼe makehe leva te fakanofo ʼo Kolonelio mo tona loto fale. Neʼe fakanofo natou kae neʼe heʼeki natou papitema.—Gaue 10:44-48.
5. Kotea ʼae ʼe hoko moka fakanofo he tahi ʼaki te laumalie maʼoniʼoni?
5 Tou toe talanoa ʼo ʼuhiga mo te meʼa ʼae ʼe hoko moka fakanofo he tahi ʼaki te laumalie. ʼI te kamata, ʼe lagi faigataʼa ki ʼihi kau fakanofo hanatou tali te manatu ʼae neʼe filifili natou e Sehova. ʼE lagi natou feʼekeʼaki fenei: ‘He koʼe neʼe filifili au e te ʼAtua?’ Kae ʼe mole manatu feia ʼihi. Tatau aipe pe ʼe kotea ʼanatou manatu, kae neʼe hoko kia natou fuli ʼae ʼe fakanofo te ʼu palalau ʼaeni ʼa te apositolo ko Paulo: “Pea ʼi takotou kua tui, neʼe fakailoga * koutou e te ʼAtua ʼaki ia tona laumalie maʼoniʼoni ʼae neʼe ina fakapapauʼi mai. Neʼe ina fakaʼaogaʼi ia Kilisito moʼo fai te faʼahi ʼaia. Ko te laumalie maʼoniʼoni ʼe ko he fakamoʼoni ʼo te tofiʼa ʼae ka tou maʼu anai.” (Efe. 1:13, 14) Koia, ʼe fakaʼaogaʼi e Sehova tona laumalie maʼoniʼoni moʼo fakaha lelei neʼe ina filifili te kau Kilisitiano ʼaia. ʼE liliu ai te laumalie maʼoniʼoni ko he “fakamoʼoni [peʼe ko he fakapapau]” ke natou tui papau ai, ʼi te ka haʼu, ʼe natou maʼuʼuli anai ʼi selo ʼo talu ai kae mole ʼi te kele.—Lau ia 2 Kolonito 1:21, 22.
6. Kotea ʼae ʼe tonu ke fai e he Kilisitiano fakanofo ke ina maʼu ai tona fakapale ʼi selo?
6 Kapau kua fakanofo he Kilisitiano ʼaki te laumalie maʼoniʼoni, ʼe fakaʼuhiga koa kua tukupau tana alu ʼo maʼuli ʼi selo? Kailoa. ʼE ina iloʼi papau neʼe filifili ke maʼuli ʼi selo. Kae, ʼe mole tonu ke ina galoʼi te fakatokaga ʼaeni: “ ʼU tehina, kotou faiga malohi ke kotou taupau maʼu te pilivilesio ʼae ko tokotou pauʼi pea mo tokotou filifili, he ʼe kapau ʼe kotou haga maʼu te ʼu kalitate ʼaia, ʼe mole kotou higa anai ʼi he temi.” (2 Pet. 1:10) Koia, tatau aipe pe neʼe filifili he Kilisitiano, pe neʼe pauʼi, ke maʼuli ʼi selo, ʼe hoki ina maʼu pe anai tona fakapale mo kapau ʼe nofo agatonu.—Flp. 3:12-14; Hep. 3:1; Fkha. 2:10.
ʼE ILOʼI FEAFEAʼI E HE TAHI NEʼE FAKANOFO ʼAKI TE LAUMALIE?
7. ʼE iloʼi feafeaʼi e he tahi neʼe fakaafe ia ia e te ʼAtua ke maʼuli ʼi selo?
7 ʼE iloʼi feafeaʼi e he tahi neʼe fakaafe ia ia e te ʼAtua ke maʼuli ʼi selo? ʼE tou maʼu tona tali ʼi te ʼu palalau ʼa Paulo neʼe ina fai ki te ʼu tehina ʼi Loma, ʼae neʼe ‘filifili ke natou maʼoniʼoni.’ Neʼe ina ui fenei kia natou: “Neʼe mole foaki atu he laumalie ke kotou liliu ai ʼo kaugana pea mo kotou toe matataku. Kaʼe neʼe foaki atu he laumalie ke kotou liliu ai ko he ʼu foha neʼe vaheʼi, pea ʼaki te laumalie ʼaia, ʼe tou kalaga fenei ai: ‘Apa, Tamai!’ ʼE fakamoʼoni lelei mai kia tatou e te laumalie ʼo te ʼAtua ko tatou ʼe ko he ʼu fanau ʼa te ʼAtua.” (Loma 1:7; 8:15, 16) Koia, ʼe fakaha lelei e te ʼAtua kia ia ʼae neʼe ina fakanofo neʼe ina fakaafe ia ia ke maʼuli ʼi selo ʼaki tona laumalie maʼoniʼoni.—1 Tes. 2:12.
8. He koʼe ʼe mole ʼaoga ke fakamoʼoni e he tahi age neʼe fakanofo he Kilisitiano ʼaki te laumalie?
8 ʼE mole lotolotolua he tahi moka fakaafe ia ia e Sehova ke maʼuli ʼi selo. (Lau ia 1 Soane 2:20, 27.) ʼE moʼoni, ʼe ʼaoga ki te kau Kilisitiano fakanofo ke akoʼi natou e Sehova, ohage pe ko tatou fuli, ʼaki te kokelekasio. Kae ʼe mole ʼaoga ke fakaha e he tahi age neʼe fakanofo natou e te ʼAtua. Neʼe fakaʼaogaʼi e Sehova tona laumalie maʼoniʼoni, ʼae ʼe mafimafi, ke natou iloʼi papau ai neʼe fakanofo natou.
ʼE NATOU TOE TUTUPU
9. ʼO mulimuli kia Efeso 1:18, kotea te ʼu fetogi ʼe hoko ia ia ʼae ʼe fakanofo ʼaki te laumalie?
9 Ia ʼaho nei, ʼe lagi faigataʼa ki ʼihi kaugana ʼa te ʼAtua hanatou mahino ki te meʼa ʼae ʼe hoko kia ia ʼae ʼe fakanofo. Kotea tona tupuʼaga? Koteʼuhi neʼe heʼeki fakanofo natou ʼaki te laumalie, pea neʼe fakatupu te tagata ke maʼuli ʼo heʼe gata i te kele, kae mole ʼi selo. (Sen. 1:28; Pes. 37:29) Kae neʼe filifili e Sehova ʼihi ke kaugā hau mo Sesu. Koia, ka fakanofo e Sehova he tahi ʼaki te laumalie maʼoniʼoni, ʼe ina fetogi katoa tana faʼahiga manatu pea mo tana ʼamanaki. Pea ko ia ʼae neʼe fakanofo ʼe fiafia ʼi tana fakaʼamu lahi ʼae ke maʼuli ʼi selo.—Lau ia Efeso 1:18.
10. Kotea te fakaʼuhiga ʼo te “toe tupu”? (Vakaʼi mo te ki’i nota.)
10 Ka fakanofo he Kilisitiano ʼaki te laumalie maʼoniʼoni, ʼe “toe tupu,” * peʼe “tupu mai ʼoluga.” Neʼe fakaha e Sesu ʼe mole feala ke fakamahino katoa ki he tahi neʼe mole fakanofo te meʼa ʼae ʼe logoʼi e he Kilisitiano neʼe “toe tupu,” pe neʼe ‘tupu ʼaki te laumalie.’—Soa. 3:3-8; nota.
11. Fakamahino pe ʼe fetogi feafeaʼi te faʼahiga manatu ʼa he Kilisitiano neʼe fakanofo?
11 ʼE fetogi feafeaʼi te faʼahiga manatu ʼa he Kilisitiano neʼe fakanofo? ʼI muʼa ʼo tona fakanofo e Sehova, neʼe ina leleiʼia te ʼamanaki ʼae ke maʼuli ʼi te kele ʼo talu ai. Neʼe fakaʼamu ki te temi ʼae ka fakaliliu ai e Sehova te kele ko he palatiso pea mo ina pulihi te agakovi fuli. Neʼe lagi ina fakakaukauʼi te temi ʼae ka ina fakatalitali ai te hahaʼi ʼo tona famili pea mo ʼona kaumeʼa ʼi te fakatuʼuake. Kae ʼi te hili ʼo tona fakanofo ʼaki te laumalie, neʼe fetogi leva tana faʼahiga manatu. Kotea tona tupuʼaga? Mole ʼuhi he neʼe mole kei fia maʼuli ʼo heʼe gata ʼi te kele. Pea neʼe mole fetogi tana manatu ʼuhi ko tona maʼuli mamahi. Neʼe mole manatu ʼe fakapiko anai te maʼuli ʼo heʼe gata ʼi te kele. Kae neʼe fakaʼaogaʼi e Sehova tona laumalie maʼoniʼoni moʼo fetogi tana faʼahiga manatu pea mo tana ʼamanaki.
12. Kotea te manatu ʼa te kau Kilisitiano fakanofo ʼo ʼuhiga mo tanatou ʼamanaki?
12 ʼE lagi manatu e he Kilisitiano neʼe fakanofo ʼe mole tuha mo te pilivilesio maʼuhiga ʼaia. Kae ʼe tui papau neʼe filifili ia ia e Sehova. ʼE fiafia ʼaupito pea mo lotofakafetaʼi moka ina manatuʼi tana ʼamanaki ʼae ke maʼuli ʼi selo.—Lau ia 1 Petelo 1:3, 4.
13. Kotea te manatu ʼa te kau Kilisitiano fakanofo ʼo ʼuhiga mo tonatou maʼuli ʼi te kele?
13 Ko tona fakaʼuhiga koa ʼe fia mamate te kau fakanofo? Neʼe tali e te apositolo ko Paulo ki te fehuʼi ʼaia. Neʼe ina fakatatau te sino ʼo te kau Kilisitiano fakanofo ki he fale la, pea neʼe ina ui fenei: “Ko tatou ʼae ʼe ʼi te fale la ʼaia ʼe tou lauga mo mafasia, he ʼe mole tou loto ke tou toʼo te fale la ʼaia ohage ʼe tou huʼi he ʼu mutuʼi meʼa, kaʼe ʼe tou loto ke tou maʼu te ʼapi ʼae ʼi selo, ke fetogi te sino ʼae ʼe mate ʼaki te maʼuli heʼe gata.” (2 Ko. 5:4) Koia, ʼe fia maʼuʼuli pe te kau Kilisitiano fakanofo ʼi te kele, pea ʼe mole natou fia mamate vave. ʼE natou leleiʼia te maʼuli pea ʼe natou fia tauhi kia Sehova ʼi te ʼaho fuli, fakatahi mo ʼonatou famili pea mo ʼonatou kaumeʼa. Kae, ʼi he faʼahiga meʼa pe ʼe natou fai, ʼe natou manatuʼi tuʼumaʼu tanatou ʼamanaki taulekaleka.—1 Ko. 15:53; 2 Pet. 1:4; 1 Soa. 3:2, 3; Fkha. 20:6.
NEʼE FAKANOFO KOA KOE E SEHOVA?
14. Kotea ʼae ʼe mole fakamoʼoni ai ko koe ko he fakanofo?
14 ʼE lagi ke feʼekeʼaki pe neʼe fakanofo koe ʼaki te laumalie maʼoniʼoni? Kapau ko ia, fakakaukauʼi te ʼu fehuʼi maʼuhiga ʼaeni: ʼE ke fia fakamuʼamuʼa koa ʼi tou maʼuli te fai ʼo te finegalo ʼo Sehova? ʼE ke manatu koa ʼe ke faʼafai ʼi te gaue faifakamafola? ʼE ke ako fakamalotoloto koa te Tohi-Tapu? ʼE ke fia kumi koa “te ʼu meʼa loloto ʼo ʼuhiga mo te ʼAtua”? (1 Ko. 2:10) ʼE ke logoʼi koa e tapuakina lahi e Sehova tau faifakamafola? ʼE ke fia tokoni moʼoni koa ki ʼihi ʼi te faʼahi fakalaumalie? Neʼe ke sio moʼoni koa ki te tokoni atu ʼa Sehova ʼi he ʼu aluʼaga kehekehe ʼo tou maʼuli? Kapau ʼe ke io ki te ʼu fehuʼi ʼaia, ʼe fakaʼuhiga koa neʼe fakaafe koe e te ʼAtua ki te maʼuli ʼi selo? Kailoa. Kotea tona tupuʼaga? Koteʼuhi ʼe feala pe ke io te ʼu kaugana fuli ʼa te ʼAtua ki te ʼu fehuʼi ʼaia, pe neʼe fakanofo natou peʼe kailoa. Pea ʼaki tona laumalie maʼoniʼoni, ʼe feala pe ke foaki e Sehova tona malohi ki he tahi pe ʼi ʼana kaugana, tatau aipe pe ʼe kotea tana ʼamanaki. Koia, kapau ʼe ke feʼekeʼaki pe neʼe fakaafe koe e te ʼAtua ki te maʼuli ʼi selo, ʼe fakamoʼoni ai neʼe mole fakaafe koe. Ko natou ʼae neʼe fakaafe e Sehova, ʼe mole natou feʼekeʼaki pe neʼe fakaafe moʼoni natou! ʼE natou iloʼi pe natou!
Neʼe fakaʼaogaʼi e Sehova tona laumalie maʼoniʼoni moʼo foaki kia Apalahamo, mo Sala, mo Tavite, mo Soane Patita te malohi ke natou fai he ʼu meʼa fakaofoofo. Kae neʼe mole ina fakaʼaogaʼi moʼo filifili natou ke natou maʼuʼuli ʼi selo (Vakaʼi te palakalafe 15-16) *
15. ʼE tou iloʼi feafeaʼi ko natou ʼae neʼe natou maʼu te laumalie maʼoniʼoni, neʼe mole filifili fuli ke natou maʼuli ʼi selo?
15 ʼE lahi te ʼu faʼifaʼitaki ʼe foaki mai e te 1 Sam. 16:13) Neʼe tokoni te laumalie maʼoniʼoni ki ai ke mahino ki te ʼu meʼa loloto ʼo ʼuhiga mo Sehova pea neʼe ʼekenaki ai ia ia ke ina tohi he ʼu koga ʼo te Tohi-Tapu. (Mko. 12:36) Kae neʼe ui e te apositolo ko Petelo “neʼe mole hake ia Tavite ki selo.” (Gaue 2:34) Pea ko Soane Patita, neʼe “fonu . . . ʼi te laumalie maʼoniʼoni.” (Luka 1:13-16) Pea neʼe ui e Sesu neʼe mole he tagata neʼe lahi age ia Soane. Kae neʼe ina fakaha lelei ʼe mole kau anai ia Soane ʼi te Puleʼaga ʼi selo. (Mat. 11:10, 11) Neʼe fakaʼaogaʼi e Sehova tona laumalie maʼoniʼoni moʼo foaki kia natou ʼaia te malohi ke natou fai he ʼu meʼa fakaofoofo. Kae neʼe mole ina fakaʼaogaʼi moʼo filifili natou ke natou maʼuli ʼi selo. Ko tona fakaʼuhiga koa neʼe mole natou faʼa agatonu ohage ko natou ʼae neʼe filifili ke hau ʼi selo? Kailoa. ʼE fakaʼuhiga pe ia ʼe fakatuʼuake anai e Sehova ia natou ki te Palatiso, ʼi te kele.—Soa. 5:28, 29; Gaue 24:15.
Tohi-Tapu ʼo te ʼu tagata neʼe tui pea neʼe natou maʼu te laumalie maʼoniʼoni. Logo la te faʼahi ʼaia, kae neʼe mole natou maʼu te ʼamanaki ki te maʼuli ʼi selo. Ohage la, neʼe taki ia Tavite e te laumalie maʼoniʼoni. (16. Kotea te fakapale ʼae ʼe fakaʼamu ki ai te tokolahi ʼo te ʼu kaugana ʼo te ʼAtua?
16 Ia ʼaho nei, tokolahi te ʼu kaugana ʼa te ʼAtua ʼe mole natou maʼu te ʼamanaki ki te maʼuli ʼi selo. ʼE natou fiafia ʼi tanatou ʼamanaki maʼuli ʼi te kele moka takitaki anai e te Puleʼaga ʼo te ʼAtua. Neʼe ko te ʼamanaki ʼaia neʼe maʼu e Apalahamo, mo Sala, mo Tavite, mo Soane Patita, pea mo te ʼu tagata mo te ʼu fafine ʼo te temi muʼa.—Hep. 11:10.
17. ʼE tou tali anai ki te ʼu fehuʼi fea ʼi te alatike ka hoa mai?
17 ʼE lagi ke fai he ʼu fehuʼi koteʼuhi ʼe kei maʼuʼuli ʼihi kau fakanofo. (Fkha. 12:17) Ohage la, ʼe tonu ke manatu feafeaʼi ʼihi mo kapau ʼe ui age e he Kilisitiano ko ia ko he fakanofo? Kapau ko he tahi ʼo tau kokelekasio ʼe ina kai te pane mo inu te vino ʼi te ʼAho Fakamanatu, ʼe tonu ke feafeaʼi tau aga kia ia? Kapau ʼe tuputupu ia natou ʼae ʼe natou ui ko he kau fakanofo, ʼe tonu anai koa ke ke tuʼania? ʼE tou tali anai ki te ʼu fehuʼi ʼaia ʼi te alatike ka hoa mai.
^ pal. 5 Talu mai te Penikosite ʼo te taʼu 33 H.T.S. neʼe foaki e Sehova ki ʼihi Kilisitiano he ʼamanaki taulekaleka, ʼae ko te kaugā hau mo tona ʼAlo ʼi selo. Kae ʼe iloʼi feafeaʼi e te ʼu Kilisitiano ʼaia, neʼe filifili natou ke natou maʼu te pilivilesio taulekaleka ʼaia? Pea kotea ʼae ʼe hoko moka maʼu e he tahi te fakaafe ʼaia? ʼE tali anai e te alatike ʼaeni ki te ʼu fehuʼi maʼuhiga ʼaia. ʼE toe palalau anai ki te ʼu manatu ʼo Te Tule Leʼo ʼo Sanualio 2016.
^ pal. 2 HE ʼU FAKAMAHINO: Fakanofo ʼaki te laumalie maʼoniʼoni: ʼE fakaʼaogaʼi e Sehova tona laumalie maʼoniʼoni moʼo fakaha ki he tahi neʼe ina filifili ia ia ke kaugā hau mo Sesu ʼi selo. ʼAki tona laumalie maʼoniʼoni, ʼe ina foaki ki te Kilisitiano ʼaia “he fakamoʼoni,” ko tona fakaʼuhiga he fakapapau ki te ka haʼu. (Efe. 1:13, 14) ʼE feala pe ke ui e te Kilisitiano ʼaia “ ʼe fakamoʼoni” e te laumalie kia ia, peʼe ina fakaha lelei age ʼe ina maʼu anai te maʼuli ʼi selo ohage ko hona fakapale.—Loma 8:16.
^ pal. 5 HE ʼU FAKAMAHINO: Fakailoga ʼaki te laumalie: Ko he Kilisitiano fakanofo ʼe mole fakailoga ʼo talu ai ʼi te temi ʼae ʼe fakanofo ai ʼaki te laumalie. ʼE hoki fakailoga ʼo talu ai ʼi muʼa ʼo tona mate agatonu, peʼe ʼi muʼa ʼo te hoko ʼo te mamahi lahi.—Efe. 4:30; Fkha. 7:2-4; vakaʼi te alatike “Fehuʼi ʼa Te Kau Lautohi” ʼi Te Tule Leʼo ʼo Apelili 2016 (Fakafalani).
^ pal. 10 Kapau ʼe kotou fia maʼu he tahi ʼu fakamahino ʼo ʼuhiga mo te “toe tupu,” vakaʼi Te Tule Leʼo ʼo te ʼaho 1 ʼo Maio 2009, pp. 3-11.
KATIKO 27 Te Fakaha ʼo Te ʼu Foha ʼo Te ʼAtua
^ pal. 57 FAKAMATALA ʼO TE ʼU PĀKI: Pe ʼe tou pilisoni ʼuhi ko tatatou tui peʼe tou ʼateaina ʼo faifakamafola mo faiako, ʼe feala ke tou fakafiafia ʼi totatou ʼamanaki ʼae ke tou maʼuʼuli ʼi te kele moka takitaki anai e te Puleʼaga ʼo te ʼAtua.