ALATIKE AKO 30
ʼE Feafeaʼi Hatatou Tokoni Ki Te Hahaʼi ʼAe ʼe Mole Hanatou Lotu?
“Neʼe au liliu ko meʼa fuli maʼa te hahaʼi kehekehe, ke feala ai haku haofaki ʼihi ʼi he aluʼaga pe.”—1 KO. 9:22.
KATIKO 82 “Ke Mu Tokotou Malama”
TE ʼU MANATU FAKANOUNOU *
1. Kotea ʼae kua fetogi ʼi ʼihi fenua ʼi te ʼu taʼu ki muli mai?
LOLOTOGA he ʼu lauʼi taʼu ʼe afe, neʼe teitei pe ke maʼu e te hahaʼi fuli tanatou lotu. Kae ʼi te ʼu taʼu ki muli mai, neʼe ʼi ai he toe fetogi lahi. Kua hahaʼi ia natou ʼae ʼe mole kei ʼi ai hanatou lotu. ʼI ʼihi fenua, tokolahi ʼe natou ui ʼe mole hanatou lotu. *—Mat. 24:12.
2. He koʼe ʼe kaugā malie ia natou ʼae ʼe mole ʼi ai hanatou lotu?
2 He koʼe kua ui e te tokolahi ʼe mole kei ʼi ai hanatou lotu? * Ko ʼihi ʼe natou kumi ia te ʼu fakafiafia peʼe natou tokakaga fau ki ʼonatou fihifihia. (Luka 8:14) Ko ʼihi ʼae neʼe ʼi ai tanatou lotu, ʼe mole kei natou tui ki te ʼAtua. Pea ko ʼihi leva, ʼe natou tui ki te ʼAtua, kae ʼi tanatou manatu ʼe mole he ʼuhiga ʼo hanatou kau ki he lotu. Kia natou, ko te ui ʼae ʼe alu tahi te lotu pea mo te sienesia ʼe mole ko he manatu ʼe fakapotopoto. Neʼe lagi natou logo mai ʼonatou kaumeʼa peʼe mai te ʼu faiako peʼe ko te televisio, neʼe tupu feia pe te maʼuli. Kae neʼe tahitahiga tanatou logo ki te ʼu fakamoʼoni ʼae ʼe tou tui ai ki te ʼAtua. Kua lotovaivai ʼihi ʼuhi ko te ʼu takitaki lotu ʼae ʼe manumanū paʼaga pea mo fia maʼu tuʼulaga. ʼI ʼihi fenua, kua fakatuʼu e te ʼu puleʼaga he ʼu lao ʼe fakatuʼakoi ai te ʼu gaue ʼa te ʼu lotu.
3. Kotea te fakatuʼutuʼu ʼo te alatike ʼaeni?
3 Neʼe fakatotonu mai e Sesu ke tou “fai ni tisipulo ʼi te hahaʼi ʼo te ʼu fenua fuli pe.” (Mat. 28:19) ʼE feafeaʼi hatatou tokoni ki te hahaʼi ʼae ʼe mole hanatou lotu ke natou ʼoʼofa ki te ʼAtua pea mo liliu ko he ʼu tisipulo ʼa Kilisito? ʼE tonu ke tou mahino, ʼe tali e he tahi tatatou faifakamafola ʼo mulimuli pe ki te faʼahiga ako ʼae neʼe fai ki ai. Ohage la, ko he tahi ʼe maʼuli ʼi Eulopa ʼe mole manatu tahi anai mo he tahi ʼe maʼuli ʼi he fenua ʼo Asia. Kotea tona tupuʼaga? Koteʼuhi ʼi Eulopa, tokolahi ʼe natou iloʼi te Tohi-Tapu pea kua natou logo ʼe ko te ʼAtua ʼae neʼe ina fakatupu ia meʼa fuli. Kae ʼi Asia, tokolahi ʼe mole natou iloʼi te Tohi-Tapu pea ʼe mole natou tui ʼe ʼi ai he Tupuʼaga. Ko te fakatuʼutuʼu ʼo te alatike ʼaeni, ke tou tokoni ke malave te logo lelei ki te loto ʼo te hahaʼi ʼae ʼe tou felaveʼi ʼi te faifakamafola, tatau aipe pe kotea tonatou fenua mo tanatou lotu.
ʼE FEALA KE FETOGI IA NATOU ʼAE ʼE MOLE HANATOU LOTU
4. He koʼe ʼe mole tonu ke tou lotovaivai?
4 ʼAua Naʼa Tou Lotovaivai. ʼI te taʼu fuli, ʼe ʼi ai te hahaʼi neʼe mole hanatou lotu ki muʼa atu kae ʼi te temi nei, kua natou liliu ko he Kau Fakamoʼoni ʼa Sehova. Tokolahi ia natou ʼaia, neʼe natou fehihiʼa ki te ʼu aga ʼae ʼe kovi pea neʼe natou lotovaivai ʼuhi ko te malualoi ʼa te kau takitaki lotu. Ko ʼihi neʼe mole lelei tonatou faʼahiga maʼuli pea tokolahi ia natou ʼaia, neʼe tonu ke natou liʼaki ʼanatou aga mahani ʼae ʼe kovi. Koia ʼe tou tui papau, ʼaki te tokoni ʼa Sehova ʼe tou maʼu anai ia natou ʼae ʼe “lelei ʼonatou loto ke natou maʼu te maʼuli heʼe gata.”—Gaue 13:48; 1 Tim. 2:3, 4.
5. He koʼe ʼe tali leleiʼi e ʼihi tatatou faifakamafola?
5 Tou Agalelei Pea Mo Aga Fakaʼeteʼete. ʼE fakalogo mai te hahaʼi, mole ʼuhi ko ʼatatou palalau kae ʼuhi ko tatatou faʼahiga palalau. ʼE natou leleiʼia moka ʼe tou agalelei, mo aga fakaʼeteʼete pea mo tou tokagaʼi moʼoni ia natou. ʼE mole tou fakakinauʼi ke natou fakalogo mai ki ʼatatou palalau. Kae ʼe tou faigaʼi ke tou mahino ki ʼanatou manatu ʼo ʼuhiga mo te ʼu lotu. Ohage la, ʼe mole fia palalau ʼihi ki te lotu mo he tahi ʼe mole natou iloʼi. Pea ʼe manatu ʼihi, ʼe mole fakaʼapaʼapa te fehuʼi ki he tahi tana manatu ʼo ʼuhiga mo te ʼAtua. Ko ʼihi ʼe natou ufiufi naʼa iloʼi ʼe natou lau te Tohi-Tapu mo he Fakamoʼoni ʼa Sehova. Kae ʼi te ʼu aluʼaga fuli, ʼe tonu ke tou faigaʼi ke tou mahino ki te ʼu meʼa ʼae ʼe logoʼi e te hahaʼi.—2 Tim. 2:24, nota.
6. Kotea ʼae neʼe fai e te apositolo ko Paulo, pea ʼe tou faʼifaʼitakiʼi feafeaʼi ia ia?
6 Kotea ʼae ʼe tonu ke tou fai moka ʼe tou tokagaʼi ʼe mole leleiʼia e he tahi ke tou fakaʼaogaʼi te ʼu kupu ohage la ko te “Tohi-Tapu,” te “fakatupu,” “ ʼAtua” peʼe “lotu.” ʼE feala ke tou faʼifaʼitakiʼi te apositolo ko Paulo pea mo fetogi tatatou faʼahiga palalau. Neʼe fakatafito e Paulo ʼana faipalalau mo te kau Sutea ki te ʼu Tohi Taputapu. Kae ʼi te temi ʼae neʼe palalau ai ki te kau filosofia Keleka ʼi te Aleopasi, neʼe mole ina fakaha ko ʼana palalau ʼe haʼu ia mai te Tohi-Tapu. (Gaue 17:2, 3, 22-31) ʼE tou faʼifaʼitakiʼi feafeaʼi ia Paulo? Kapau ʼe mole tali e he tahi ia te Tohi-Tapu, pea ʼe lelei age ke ʼaua naʼa tou toʼo fakahagatonu age he ʼu vaega ʼi te Tohi-Tapu. Ka tou logoʼi ʼe ufiufi he tahi naʼa iloʼi mai tana lau ia te Tohi-Tapu, ʼe tou faigaʼi anai ke ina lau ʼi tatatou kiʼi masini toʼotoʼo peʼe ko te telefoni.
7. Ohage ko tona ui ia 1 Kolonito 9:20-23, ʼe feafeaʼi anai hatatou faʼifaʼitakiʼi te apositolo ko Paulo?
7 Tou Lotomahino Pea Mo Fagono Lelei. ʼE tonu ke tou mahino ki te ʼu meʼa ʼae ʼe logoʼi e te hahaʼi. Kotea tona tupuʼaga? (Taag. 20:5) Ohage la, tou vakaʼi te faʼifaʼitaki ʼa Paulo. Neʼe lahilahi ake ʼi te lotolotoiga ʼo te kau Sutea. Kae neʼe lagi fetogi leva ʼi te temi ʼae neʼe faifakamafola ai ki he hahaʼi neʼe mole Sutea. Koteʼuhi neʼe lahi te ʼu faʼahi neʼe mole natou iloʼi ʼo ʼuhiga mo Sehova pea mo te Tohi-Tapu. ʼE toe feala pe ke tou fai he ʼu fekumi peʼe tou kole tokoni kia natou ʼae ʼo te kokelekasio ʼae kua fotufotuʼa, ke tou mahino lelei ki te ʼu meʼa ʼae ʼe logoʼi e te hahaʼi ʼi totatou telituale.—Lau ia 1 Kolonito 9:20-23.
8. ʼE tou lava kamata feafeaʼi he faipalalau ʼo ʼuhiga mo te Tohi-Tapu?
Mat. 10:11) Ko te tupuʼaga la ʼaia ʼo tatatou fehuʼi ki te hahaʼi ʼanatou manatu pea mo tou fakalogo lelei kia natou. Neʼe fehuʼi e te tehina ʼe nofo ʼi Angleterre ki te hahaʼi pe ʼe kotea ʼae ʼe ʼaoga ke fiafia te maʼuli ʼo he taumatuʼa. Pe ʼe feafeaʼi te akoʼi ʼo te ʼu fanau peʼe ko te tauʼi ʼo he aluʼaga ʼe heʼe faitotonu. Pea ʼi tana kua iloʼi leva ʼanatou manatu, ʼe ina ui fenei age: “Kotea takotou manatu ʼo ʼuhiga mo te tokoni ʼaeni neʼe tohi kua hili ki ai taʼu ʼe 2 000?” Pea neʼe ina fakaha age ʼi tana telefoni te vaega ʼae neʼe ina filifili, kae neʼe mole ina fakaha ko he vaega Tohi-Tapu.
8 Ko tatatou fakatuʼutuʼu ko te maʼu ʼo natou ʼae ʼe “tuha.” (KE MALAVE TE LOGO LELEI KI TE LOTO ʼO TE HAHAʼI
9. ʼE tou tokoni feafeaʼi kia natou ʼae ʼe mole fia palalau ʼo ʼuhiga mo te ʼAtua?
9 ʼI te agamahani, ka tou faipalalau mo ni hahaʼi, ʼe mole fia palalau ʼo ʼuhiga mo te ʼAtua. ʼE feala pe ke malave te logo lelei ki ʼonatou loto mo kapau ʼe tou talanoa ki he aluʼaga ʼe natou leleiʼia. Ohage la, tokolahi ʼe natou leleiʼia te natula. Koia ʼe feala pe ke tou ui fenei age: “ ʼE kotou iloʼi, ka faʼu e te kau popoto he faʼahiga meʼa pe, ʼe natou tautau faʼifaʼitakiʼi te natula. Ohage la, ko natou ʼae ʼe faʼu mikolo, neʼe natou ako te agaaga ʼo te ʼu taliga pea ko natou ʼae ʼe faʼu kamela, neʼe natou ako te agaaga ʼo te ʼu mata. Kotea takotou manatu moka kotou sioʼi te natula? Neʼe tupu feia pe koa, neʼe fakatupu koa e he tahi peʼe ko he tahi age pe faʼahiga meʼa?” Tou fagono lelei ki tana tali pea tou fakamahino fenei age leva: “Ka ako e te kau popoto te agaaga ʼo te ʼu taliga mo te ʼu mata, ʼe feala pe ke tou feʼekeʼaki pe ʼe ko ai ʼae ʼe ina lolotoga akoʼi natou. Neʼe au leleiʼia te manatu ʼaeni ʼa te tagata faituketuke: ‘Ko ae nee ina . . . [“fai,” MN] te taliga pe e mole logo anai ia ia? Ko ae nee ina fai te mata pe e mole sio anai ia ia? . . . Ia ia ae e ina foaki ki te tagata te atamai?’ ʼE manatu tahi ʼihi kau popoto mo te ʼu palalau ʼaia.” (Pes. 94:9, 10) Hili ia, pea ʼe feala leva ke tou fakaha age he kiʼi ʼata viteo ’i te Fakafalani ʼi tatatou tuʼasila jw.org.® Alu ki te “Interviews et témoignages” ʼi te ʼu alatike “Points de vue sur l’origine de la vie.” (Vakaʼi PUBLICATIONS > VIDÉOS.) Peʼe feala ke tou foaki kia natou te kaupepa lahi Cinq questions à se poser sur lʼorigine de la vie.
10. ʼE tou kamata feafeaʼi he faipalalau mo he tahi ʼe mole fia faipalalau ʼo ʼuhiga mo te ʼAtua?
10 Ko ʼihi hahaʼi ʼe natou fakaʼamu ki honatou ka haʼu ʼe lelei age. Kae tokolahi ʼe natou matataku naʼa maumauʼi te kele peʼe mole kei feala hanatou maʼuʼuli ʼi ai. Neʼe ui e te taupau fealuʼaki Pes. 37:29; Ekl. 1:4.
ʼe nofo ʼi Norvège ʼe mole fia palalau te hahaʼi ʼo ʼuhiga mo te ʼAtua, kae ʼe natou fia palalau ki te ʼu aluʼaga ʼae ʼe hoko ʼi te malamanei. ʼI tanatou ʼosi tau ʼalofa, ʼe ina ui fenei kia natou: “ ʼI takotou manatu, ʼe tou maʼu anai koa he ka haʼu ʼe lelei age? ʼE feala koa ke tou falala ki te kau faipolitike, mo te kau popoto peʼe ko he tahi age pe?” ʼI tana kua iloʼi ʼanatou manatu, neʼe ina lau age te vaega ʼe palalau ki he ka haʼu ʼe lelei age. ʼE leleiʼia e ʼihi te fakapapau Fakatohi-tapu ʼae ʼe maʼuʼuli anai te hahaʼi ʼi te kele ʼo talu ai.—11. He koʼe ʼe lelei ke tou fakaʼaogaʼi he ʼu faʼahiga fai kehekehe moʼo kamata he faipalalau mo te hahaʼi? Pea ʼe feafeaʼi hatatou faʼifaʼitakiʼi ia Paulo ohage ko tona ui ia Loma 1:14-16?
11 ʼE lelei ke tou fakaʼaogaʼi he ʼu faʼahiga fai ʼe kehekehe moʼo kamata he faipalalau mo he tahi. Kotea tona tupuʼaga? Koteʼuhi ʼe tou kehekehe fuli. ʼE lagi filifili anai e he tahi ke faipalalau ki he aluʼaga kae ʼe mole fia fagono ki ai he tahi age. ʼE fia faipalalau anai ʼihi ʼo ʼuhiga mo te ʼAtua mo te Tohi-Tapu, kae ʼe fia faipalalau ʼihi ia ki he tahi age aluʼaga. Kae ʼe tonu ke tou faigaʼi ke tou faipalalau mo te hahaʼi fuli pe. (Lau ia Loma 1:14-16.) ʼE tonu ke tou toe manatuʼi ko Sehova ʼae ʼe ina fakatuputupu te moʼoni ʼi te loto ʼo natou ʼae ʼe ʼoʼofa ki te meʼa ʼae ʼe lelei.—1 Ko. 3:6, 7.
ʼE FEAFEAʼI HATATOU TALA TE MOʼONI KI TE HAHAʼI ʼO ASIA?
12. ʼE feafeaʼi hatatou faifakamafola ki te hahaʼi ʼo te ʼu fenua Asia ʼae heʼeki natou fakakaukauʼi pe ʼe ʼi ai he Tupuʼaga?
12 ʼI te malamanei, tokolahi te ʼu tehina mo tuagaʼane ʼe natou felaveʼi mo te hahaʼi mai Asia. Pea ko ʼihi ʼi te hahaʼi ʼaia, ʼe natou ʼomai mai te ʼu fenua ʼe puleʼi ai te ʼu lotu e te ʼu puleʼaga. ʼE lahi te ʼu fenua Asia, neʼe mole pe la he temi neʼe natou fakakaukauʼi pe ʼe ʼi ai he Tupuʼaga peʼe kailoa. ʼE fia iloʼi meʼa fuli ʼihi koia ʼe natou fia ako ai te Tohi-Tapu. Kae ko ʼihi ia ʼe mole natou fia ako he ʼu manatu foʼou. Kae ʼe tou tokoni feafeaʼi kia natou? Ko ʼihi tehina mo tuagaʼane faiva, ʼe fua lelei ʼanatou faipalalau mo he tahi moka natou tokakaga moʼoni ki ai, mo fakamatala age pe neʼe fetogi feafeaʼi tonatou maʼuli ʼi tanatou maʼuliʼi te ʼu pelesepeto Fakatohi-tapu.
13. Kotea ʼae ʼe feala ke tokoni ki te hahaʼi ke natou fia iloʼi te Tohi-Tapu? (Vakaʼi te pāki ʼo te takafi.)
13 Tokolahi te hahaʼi ʼe natou leleiʼia ʼuluaki te ʼu tokoni Fakatohi-tapu ʼae ʼe ʼaoga ki te maʼuli ʼo te ʼaho fuli. (Ekl. 7:12) ʼI New York, neʼe ʼaʼahi e te tuagaʼane ia te hahaʼi ʼae ʼe palalau ʼi te lea Mandarin. ʼE ina ui fenei: “Neʼe au faiga ke au fakaha ʼe au leleiʼia pea mo fia fagono kia natou. Kapau ko he hahaʼi neʼe ʼomai mai he tahi fenua, ʼe au fehuʼi fenei kia natou: ‘ ʼE kotou leleiʼia te fenua? Kua maʼu koa hakotou gaue? ʼE agalelei atu koa te hahaʼi ʼo te fenua kia koutou?’ ” ʼI ʼihi temi ko he faigamalie ʼaia ki te tuagaʼane ke palalau ki he manatu Fakatohi-tapu. Kapau ʼe feala, ʼe ui fenei e te tuagaʼane: “ ʼI takotou manatu, ʼe maʼuhiga koa te felogoi lelei ʼa te hahaʼi? ʼE au fia lau atu te taʼaga lea ʼaeni ʼi te Tohi-Tapu: ‘Ko te kamata ʼo he ke, ʼe hage pe ko te avahi ʼo he kaupa ʼe ina taʼofi te vai; ʼi muʼa ʼo te hoko ʼo te ke, mavae mai ai.’ ʼE kotou manatu koa la ʼe tokoni mai anai te vaega ʼaeni ke tou felogoi lelei mo te hahaʼi?” (Taag. 17:14, MN) Ko te ʼu faʼahiga faipalalau ʼaia, ʼe feala ke tokoni mai ke tou iloʼi ia natou ʼae natou fia mahino lahi age ki te Tohi-Tapu.
14. ʼE tokoni feafeaʼi te tehina ʼi Asia ki te hahaʼi ʼae mole tui ki te ʼAtua?
14 Kotea ʼae ʼe feala ke tou ui kia natou ʼae ʼe natou ui mai ʼe mole natou tui ki te ʼAtua? Tou vakaʼi pe ʼe kotea ʼae neʼe ui e te tehina neʼe faifakamafola lolotoga he ʼu taʼu ʼi Asia ki te hahaʼi ʼe mole hanatou lotu. “ ʼI te agamahani, ka ui fenei e he tahi: ‘ ʼE mole au tui ki te ʼAtua,’ ʼe ina fia ui ʼe mole atolasio ki te ʼu ʼatua ʼae ʼe atolasio ki ai te hahaʼi ʼo te fenua. Koia ʼe au ui age kia ia, ko te ʼu ʼatua ʼaia neʼe faʼu e te tagata pea ʼe mole ko he Selemia 16:20 ʼae ʼe ui fenei ai: ‘Pe e feala ke fai e te tagata ni atua, ae e mole ko ni atua?’ Pea ʼe au fehuʼi leva kia ia: ‘ ʼE feafeaʼi hakita iloʼi te kehekehe ʼo te ʼatua moʼoni pea mo te ʼu ʼatua ʼae neʼe faʼu e te tagata?’ ʼE au fakalogo lelei ki tana tali pea ʼe au lau age leva ia Esaia 41:23: ‘Koutou fakaha mai te mea ae ka hoko anai ki amuli, ke matou iloi pee ko ni atua mooni koutou!’ Hili ia, pea ʼe au fakaha age leva he faʼifaʼitaki ʼe tala fakatomuʼa ai e Sehova he aluʼaga ka hoko anai ʼi te ka haʼu.”
ʼu ʼatua maʼuli. Pea ʼe au lau age ia15. Kotea ʼae ʼe tou ako mai te faʼifaʼitaki ʼo te tehina ʼi te potu Esite ʼo Asia?
15 Ko te tehina ʼi te potu Esite ʼo Asia, ʼe ina ui fenei ʼi tana liliu ʼo fai ʼana ʼaʼahi: “ ʼE au fakaha kia natou he ʼu faʼifaʼitaki Fakatohi-tapu ʼe ha ai te poto ʼo te ʼAtua, ohage la ko he ʼu lea fakapolofeta neʼe hoko, peʼe ko he ʼu lao ʼo te natula. Pea neʼe au fakamahino kia natou ʼe fakamoʼoni ʼaki te ʼu meʼa fuli ʼaia ʼe ʼi ai te Tupuʼaga ʼe maʼuli mo poto. Ka mahino he tahi ʼe ʼi ai moʼoni he ʼAtua, ʼe au kamata fakaha ki ai pe ʼe kotea ʼae ʼe ui ʼi te Tohi-Tapu ʼo ʼuhiga mo Sehova.”
16. Ka tou lau ia Hepeleo 11:6, he koʼe ʼe ʼaoga ke tui te kau ako ki te ʼAtua mo te Tohi-Tapu? Pea ʼe feafeaʼi anai hatatou tokoni ke natou maʼu te tui?
16 Ka tou fai he ʼu ako Tohi-Tapu mo te hahaʼi ʼae ki muʼa atu neʼe mole hanatou lotu, ʼe tonu ke tou tokoni tuʼumaʼu kia natou ke natou tui ʼe ʼi ai moʼoni te ʼAtua. (Lau ia Hepeleo 11:6.) Pea ʼe tonu ke tou tokoni kia natou ke natou tui ki te Tohi-Tapu. ʼI ʼihi temi, ʼe ʼaoga anai ke tou fakamanatu liuliuga ʼihi manatu. ʼI te temi fuli pe ʼae ʼe tou fai ai ʼanatou ako, ʼe tonu anai ke tou fakaha ko te Tohi-Tapu ʼe ko te Folafola ʼa te ʼAtua. Pea ʼi ʼihi temi, ʼe ʼaoga anai ke tou fakaha pe neʼe hoko feafeaʼi te ʼu lea fakapolofeta, pe ʼe alu tahi feafeaʼi te Tohi-Tapu mo te sienesia mo te hisitolia ʼo te tagata, pe ʼe tokoni feafeaʼi mai te Tohi-Tapu ki totatou maʼuli ʼi te ʼaho fuli.
17. He koʼe ʼe tonu ke tou ʼoʼofa ki te hahaʼi?
17 Kapau ʼe tou fia tokoni ki te hahaʼi ke natou liliu ko he ʼu tisipulo ʼa Kilisito, ʼe tonu ke tou ʼoʼofa kia natou tatau aipe pe ʼe ʼi ai hanatou lotu peʼe kailoa. (1 Ko. 13:1) Ka tou fai hanatou ako, ʼe tonu ke tou fakaha kia natou ʼe ʼofa te ʼAtua kia tatou pea ʼe ina loto ke tou ʼoʼofa kia te ia. ʼI te taʼu fuli, ʼe lauʼi afe te hahaʼi ʼae neʼe mole hanatou lotu kua natou papitema, koteʼuhi neʼe natou ako ke natou ʼoʼofa ki te ʼAtua. Koia, ʼaua naʼa kotou lotovaivai pea kotou tokagaʼi te faʼahiga hahaʼi fuli pe. Kotou fagono kia natou. Kotou faigaʼi ke kotou mahino ki te ʼu meʼa ʼae ʼe natou logoʼi. Kapau ʼe kotou fai feia, ʼe kotou tokoni anai ke natou liliu ko ni tisipulo ʼa Kilisito.
KATIKO 76 Te Fiafia ʼe Ke Logoʼi ʼi Tou Loto
^ pal. 5 Ia ʼaho nei, kua hahaʼi age ia natou ʼae ʼe mole hanatou lotu. ʼE tou vakaʼi anai ʼi te alatike ʼaeni, pe ʼe feafeaʼi hatatou akoʼi kia natou te Tohi-Tapu pea ʼe tou tokoni feafeaʼi ke natou tui kia Sehova ʼAtua mo te Tohi-Tapu.
^ pal. 1 ʼO mulimuli ki te ʼu sivi neʼe fai, koʼeni ʼihi fenua ʼo te ʼu fenua ʼaia: ko Albanie, mo Allemagne, mo Australie, mo Autriche, mo Azerbaïdjan, mo Canada, mo Chine, mo Corée du Sud, mo Danemark, mo Espagne, mo France, mo Hong Kong, mo Irlande, mo Israël, mo Japon, mo Pays-Bas, mo Norvège, mo République tchèque, mo Royaume-Uni, mo Suède, mo Suisse, pea mo Vietnam.
^ pal. 2 HE ʼU FAKAMAHINO: ʼI te alatike ʼaeni, ʼe fakaʼuhiga te hahaʼi ʼae ʼe mole hanatou lotu kia natou ʼae ʼe mole kau ki he kautahi fakalotu peʼe kia natou ʼae ʼe mole tui ki te ʼAtua.
^ pal. 54 FAKAMATALA ʼO TE ʼU PĀKI: Ko te tehina ʼe faifakamafola ki tona kaugā gaue ʼi te lopitali, pea ki muli age neʼe alu tona kaugā gaue ki Te ʼu Ako Tohi-Tapu ʼi te Neti.