ALATIKE AKO 24
ʼE Feala Hau Hao Mai Te ʼu Hele ʼa Te Tevolo
“Mavae mai te hele ʼa te Tevolo.”—2 TIM. 2:26.
KATIKO 36 Puipui Tou Loto
TE ʼU MANATU FAKANOUNOU *
1. He koʼe ʼe feala ke tou fakatatau ia Satana ki he tagata kapu manu?
KO TE meʼa ʼae ʼe loto ki ai e he tagata kapu manu, ko te puke peʼe ko te matehi ʼo he manu. ʼE feala ke ina fakaʼaogaʼi he ʼu hele kehekehe, ohage ko tona fakaha mai ʼi te Tohi-Tapu. (Pes. 140:6) ʼE feafeaʼi hana fakalalata he manu ke to ki tona hele? ʼE ina iloʼi lelei te manu, ohage la ko te ʼu meʼa ʼae ʼe ina leleiʼia peʼe ko te ʼu koga meʼa ʼae ʼe alu ki ai. ʼE ina toe iloʼi mo te hele ʼae ka ina puke ʼaki anai te manu ʼaia. Ko Satana ʼe hage ko te tagata kapu manu ʼaia. ʼE ina iloʼi lelei tatou, ohage la te ʼu meʼa ʼae ʼe tou leleiʼia, mo te ʼu koga meʼa ʼae ʼe tou olo ki ai. Pea ʼe ina fakatuʼu tana hele ʼaki te fakaʼamu ʼae ke tou to ki ai. Kae ʼe ui lelei mai ʼi te Tohi-Tapu, kapau la kua puke tatou ʼi hana hele, ʼe feala pe ke tou hao mai ai. Pea ʼe toe fakaha mai ai pe ʼe feafeaʼi hatatou tekeʼi te ʼu hele ʼa Satana.
2. Kotea te ʼu hele ʼe lua ʼae ʼe fakaʼaogaʼi e Satana?
2 ʼE fakaʼaogaʼi e Satana talu mai fualoa te ʼu hele ʼe lua ʼae ko te fiameʼalahi mo te manumanū, * pea tokolahi ʼe to ki ai. ʼE hage ia Satana ko “te tagata kapu manu lele,” ʼae ʼe ina fakalalata he manu lele ke to ki tona hele. (Pes. 91:3, NWT) Kae ʼe feala ke tou hao mai te ʼu hele ʼa Satana, koteʼuhi ʼe fakaha mai e Sehova pe ʼe kakaʼi feafeaʼi e Satana ia te hahaʼi.—2 Ko. 2:11.
3. He koʼe neʼe tohi e Sehova ʼi te Tohi-Tapu te ʼu fakamatala ʼo ʼihi neʼe fiameʼalahi peʼe manumanū?
3 ʼE fakatokaga tatou e Sehova ʼo ʼuhiga mo te fiameʼalahi pea mo te manumanū ʼaki tana fakamanatuʼi mai ʼi tana Folafola te ʼu meʼa ʼae neʼe hoko ki ʼihi ʼo ʼana kaugana. ʼI te ʼu fakamatala ʼae ka tou vakaʼi, ʼe ke tokagaʼi ai anai neʼe lava puke e Satana he ʼu 1 Ko. 10:11) ʼE iloʼi e Sehova ʼe feala ke tou taʼofi ni ako mai te ʼu fakamatala ʼaia, ke tou tekeʼi ai peʼe tou hao mai te ʼu hele ʼa te Tevolo.
kaugana ʼa Sehova neʼe kua fualoa tanatou tauhi kia te ia. Ko tona fakaʼuhiga koa ʼe mole feala anai ke tou tekeʼi te ʼu hele ʼa te Tevolo? Kailoa ia. Neʼe tohi e Sehova te ʼu fakamatala ʼaia “moʼo fakatokaga ʼo tatou.” (TE HELE ʼAE KO TE FIAMEʼALAHI
4. Kotea ʼae ʼe hoko moka ʼe tou fiameʼalahi?
4 ʼE loto e Satana ke tou fiameʼalahi. ʼE ina iloʼi, kapau ʼe tou liliu ʼo fiameʼalahi, ʼe tou hage anai ko ia pea ʼe mole tou maʼu ai te maʼuli heʼe gata. (Taag. 16:18) Koia ʼae neʼe fakatokaga mai e te apositolo ko Paulo, ko ia ʼae ʼe “fiameʼalahi [ʼe] fakatuʼā ia ia ohage ko te fakatuʼā ʼo te Tevolo.” (1 Tim. 3:6, 7) ʼE feala pe ke hoko te aluʼaga ʼaia ki he tahi ia tatou, tatau aipe pe ʼe tou foʼofoʼou peʼe kua tou fualoa ʼi te moʼoni.
5. ʼO mulimuli kia Ekelesiasi 7:16, 20, ʼe feafeaʼi ki he tahi hana liliu ʼo fiameʼalahi?
5 Ko ia ʼae ʼe fiameʼalahi, ʼe toe manatu pe kia ia totonu. ʼE faiga ia Satana ke tou manatu pe kia tatou totonu, kae mole kia Sehova, tafito moka tou tau mo he fihifihia. Ohage la, neʼe tukugakoviʼi hala koa koe pe neʼe fai atu e he tahi he aga ʼe kovi? ʼE loto e Satana ke ke ita kia Sehova peʼe ki ʼou tehina mo tuagaʼane. ʼE toe loto foki ke ke tui ko te puleʼaki pe ʼe tahi moʼo fakatokatoka te fihifihia ʼaia, ʼe ko hau mulimuli ki ʼau manatu kae mole ki te ʼu tokoni ʼa Sehova ʼi tana Folafola.—Lau ia Ekelesiasi 7:16, 20.
6. Kotea ʼae ʼe ke ako mai te faʼifaʼitaki ʼa he tuagaʼane?
6 Tou vakaʼi te meʼa ʼae neʼe hoko ki he tuagaʼane. Neʼe ita ʼuhi ko te ʼu vaivaiʼaga ʼo ʼihi ʼi te kokelekasio. Neʼe mole kei fia fakatahi ia mo natou. ʼE ina ui fenei: “Neʼe au logoʼi ai taku nofo tokotahi pea neʼe mole kei au lava katakiʼi natou. Koia, neʼe au ui ai ki toku ʼohoana ke ma fetogi kokelekasio.” Pea neʼe ina sioʼi leva te emisio Televisio JW ʼo Malesio 2016. Neʼe fakaha ai pe ʼe kotea ʼae ʼe tonu ke tou fai moka ʼe tou tokagaʼi te ʼu vaivaiʼaga ʼo ʼihi. ʼE hoko atu fenei e te tuagaʼane: “Neʼe au mahino ai neʼe tonu ke au agavaivai pea ke au fakakaukauʼi ʼoku vaivaiʼaga ʼo ʼoku totonu, kae ke mole au faiga ke au fetogi ʼoku tehina mo tuagaʼane. Neʼe tokoni mai te emisio ʼaia ke au manatuʼi tafito ia Sehova, ʼe ko ia tokotahi pe ʼe ina ui mai te meʼa ʼae ʼe tonu ke au fai.” Kotea te ako ʼe ke maʼu mai ai? Ka ke tau mo he fihifihia, ke ke manatuʼi tuʼumaʼu ia Sehova. Kole mamahi age ke tokoni atu ke ke maʼu tana faʼahiga sio ki te ʼu vaivaiʼaga ʼo ʼihi. ʼE sio tau Tamai ʼae ʼi selo ki ʼonatou vaivaiʼaga, kae ʼe fakamolemole. Pea ʼe ina loto ke ke faʼifaʼitakiʼi ia ia.—1 Soa. 4:20.
7. Kotea ʼae neʼe hoko ki te Hau ko Osiasi?
7 ʼI te fiameʼalahi ʼo te Hau ʼo Suta ko Osiasi, neʼe mole fia fakalogo ki te ʼu tokoni ʼae neʼe fai age. Pea neʼe ina fai leva te meʼa neʼe mole tonu ke ina fai. Kae neʼe lahi te ʼu gaue lelei neʼe ina fakahoko. Ohage la, neʼe malo ʼi ni tau, neʼe ina fakatuʼu he ʼu kolo, pea neʼe ina fakahaʼele ki muʼa te gaue kele. ʼE ui ʼi te Tohi-Tapu “nee fakamanuia leva ia ia e te Atua.” (2 Klk. 26:3-7, 10) Kae ʼe toe ui fenei ai: “I te temi ae nee kaku ai leva ia ia o malohi, nee [“fiameʼalahi,” NWT] o tupu ai tona to.” ʼI muʼa atu, neʼe kua ʼosi fakatuʼutuʼu e Sehova ʼe gata pe ki te kau pelepitelo ʼae neʼe tonu ke natou tutu te iseso ʼi te fale lotu. Kae neʼe fai e Osiasi he meʼa neʼe mole tonu ke ina fai. Neʼe ulu ki te fale lotu, ke ina tutu ai te iseso. Neʼe ita ai ia Sehova ki te tagata fiameʼalahi ʼaia, ʼo ina fakatupu hona kilia. Pea neʼe nofo kilia ai ʼo kaku ki tona mate.—2 Klk. 26:16-21.
8. ʼE tokoni feafeaʼi mai ia 1 Kolonito 4:6, 7 ke tou tekeʼi te fiameʼalahi?
8 ʼE feala koa ke tou liliu ʼo fiameʼalahi pea mo agahala ohage ko Osiasi? Tou vakaʼi te meʼa ʼae neʼe hoko ki te tehina ko Jose. Neʼe haʼele lelei tana matagi gaue pea neʼe ko he tagata ʼafea neʼe fakaʼapaʼapaʼi ʼi te kokelekasio. Neʼe fai akonaki ʼi te ʼu fakatahi pea neʼe tau kumi tokoni ki ai te ʼu tehina taupau siliko. ʼE ui fenei e Jose: “Neʼe au falala pe au ki toku poto mo ʼoku fealagia, kae neʼe mole au falala au kia Sehova. Kia au, neʼe au malohi pe au. Koia ʼae neʼe mole au fakalogo ki te ʼu fakatokaga pea mo te ʼu tokoni ʼa Sehova.” Neʼe fai leva e Jose he agahala mamafa pea neʼe fakamavae ai. Kua hili nei ki ai ni taʼu, neʼe toe liliu mai leva kia Sehova. ʼI te temi nei, ʼe ui fenei e Jose: “Neʼe akoʼi mai e Sehova ko te meʼa ʼae ʼe maʼuhiga mole ko te tuʼulaga, kae ke au fai te meʼa ʼae ʼe ina kole mai.” Koia, tou manatuʼi tuʼumaʼu, 1 Kolonito 4:6, 7.) Kapau ʼe tou fiameʼalahi, ʼe mole fakaʼaogaʼi anai tatou e Sehova moʼo fai ʼana gaue.
ko hatatou ʼu fealagia ʼe tou maʼu pea mo te ʼu pilivilesio ʼae ʼe foaki mai ʼi te kokelekasio, ʼe haʼu fuli mai ia Sehova. (Lau iaTE HELE ʼAE KO TE MANUMANŪ
9. ʼI tanā lotomanumanū, kotea ʼae neʼe fai e Satana, pea mo Eva?
9 Ka tou palalau ki te manumanū, ʼe tou manatu atu aipe kia Satana, te Tevolo. ʼE mahino ia, ʼi te temi ʼae neʼe fakalogo ai te ʼaselo ʼaia kia Sehova, neʼe lahi te ʼu pilivilesio neʼe ina maʼu. Kae neʼe mole feʼauga ia kia ia. Neʼe ina toe loto foki ke tauhi age te hahaʼi kia ia kae mole kia Sehova. ʼE loto e Satana ke tou liliu ohage ko ia. ʼE faiga ke mole kei tou fiafia mo te ʼu meʼa ʼae kua tou maʼu, kae ke tou holi ki he tahi atu ʼu meʼa. Neʼe ina kamata fai te faʼahi ʼaia ʼi tana palalau ʼae kia Eva. ʼI te ʼofa lahi ʼa Sehova kia Atama mo Eva, neʼe ina foaki lahi age te ʼu meʼa kai kano lelei. Neʼe feala ke nā kai ki te ʼu ʼakau fuli ʼo te ʼoloto, gata pe ki he fuʼu ʼakau ʼe tahi. (Sen. 2:16) Kae neʼe fakahalaʼi e Satana ia Eva, ʼo ina uga ia ia ke ina kai ki te foʼi ʼakau ʼae neʼe tapuʼi age. Neʼe mole kei fiafia ia Eva mo te ʼu meʼa ʼae neʼe kua ina maʼu, kae neʼe holi ia ki he tahi ʼu meʼa. Pea kua tou iloʼi te meʼa ʼae neʼe hoko. Neʼe agahala ia Eva pea ki muli age, neʼe mate.—Sen. 3:6, 19.
10. Kotea ʼae neʼe hoko ki te Hau ko Tavite ʼi tana liliu ʼo manumanū?
10 Neʼe lahi te ʼu meʼa neʼe foaki age e Sehova ki te Hau ko Tavite, ohage la ko he ʼu koloa, mo te iloa, pea mo te malo ʼi ʼona fili. Neʼe lotofakafetaʼi ia Tavite, ʼo ina ui ko te ʼu meʼa ʼofa ʼo Sehova ʼe ‘lahi fau ke ina fakamatala fuli natou.’ (Pes. 40:6) Kae ʼi te tahi temi, neʼe mole kei feʼauga kia Tavite te ʼu meʼa ʼae neʼe ina maʼu. Neʼe holi ki he tahi ʼu meʼa. Logo la neʼe lahi ʼona ʼohoana, kae neʼe holi ia ki he tahi age fafine neʼe kua ʼohoana. Ko te fafine ʼaia neʼe ko Pate Sepa, ʼae neʼe ʼohoana mo Uli, te tagata Eti. Neʼe manatu pe ia Tavite kia ia totonu, pea neʼe momoe leva mo Pate Sepa. Ki muli age, neʼe faitama te fafine. Neʼe kovi te meʼa ʼaia neʼe fai e Tavite. Kae neʼe ina fai te tahi meʼa neʼe kovi age. Neʼe ina fakatuʼutuʼu ke matehi ia Uli. (2 Sam. 11:2-15) Neʼe manatu koa Tavite ʼe mole iloʼi e Sehova te ʼu meʼa ʼae neʼe ina fai? Logo la neʼe kua fualoa te tauhi ʼa Tavite kia Sehova, kae neʼe liliu ʼo manumanū. Pea neʼe mamahi lahi ai. Ki muli age neʼe vete e Tavite tana agahala, pea neʼe fakahemala. ʼE mahino ia, neʼe fiafia ia Tavite ʼi tana iloʼi ʼae neʼe fakamolemole age ia Sehova kia ia.—2 Sam. 12:7-13.
11. Kotea ʼae ʼe tokoni mai ke tou lava tauʼi te manumanū, ʼo mulimuli kia Efeso 5:3, 4?
11 Kotea ʼae ʼe tou ako mai te faʼifaʼitaki ʼa Tavite? ʼE tou iloʼi ai, ke tou lava tauʼi te lotomanumanū, ʼe tonu ke tou lotofakafetaʼi ki te ʼu meʼa fuli ʼae ʼe foaki mai e Sehova. (Lau ia Efeso 5:3, 4.) ʼE tonu ke tou fiafia ʼi te ʼu meʼa ʼae ʼe tou maʼu. ʼI te agamahani, ka tou kamata he ako Tohi-Tapu mo he tahi, ʼe tou fakalotomalohiʼi ia ia ke ina manatuʼi he meʼa lelei neʼe fai e Sehova maʼa ia, pea ke fakamalo kia te ia. Kapau ʼe ina fai te faʼahi ʼaia lolotoga te vahaʼa katoa, ko tona fakaʼuhiga ʼe fakamalo kia Sehova ʼo ʼuhiga mo he ʼu meʼa kehekehe ʼe fitu. (1 Tes. 5:18) Pea ʼe ke toe fai feia koa mo koe? Kapau ʼe ke fakakaukauʼi te ʼu meʼa fuli ʼae neʼe fai e Sehova maʼa koe, ʼe ke lotofakafetaʼi anai kia te ia. Pea kapau ʼe ke fakafetaʼi kia te ia, pea ʼe ke fiafia anai ʼi te ʼu meʼa ʼae kua ke maʼu, pea ʼe mole ke lotomanumanū anai.
12. Kotea ʼae neʼe fai e Sutasi Isekaliote ʼuhi ko tona lotomanumanū?
12 Ko Sutasi Isekaliote neʼe liliu ʼo manumanū, pea neʼe ina fai he meʼa ʼe kovi. Neʼe ina lavakiʼi ia Sesu. Kae neʼe mole feia ia ʼi te kamata. Neʼe filifili e Sesu ia ia ko hana apositolo. (Luka 6:13, 16) Pea neʼe falala kia ia he neʼe ko ia ʼae neʼe tokaga ki te kesi paʼaga. Neʼe fakaʼaogaʼi e Sesu mo ʼana apositolo te falā ʼaia moʼo totogi te ʼu meʼa ʼae neʼe ʼaoga kia natou ʼi te faifakamafola. Ko te falā ʼaia ʼe hage pe ko te ʼu meʼa ʼofa ʼae ʼe tou fai ia ʼaho nei ki te ʼu gaue fakamalamanei. Kae ki muli age, neʼe kaihaʼa e Sutasi te falā, logo la te ʼu fakatokaga ʼae neʼe fai e Sesu ʼo ʼuhiga mo te manumanū. (Mko. 7:22, 23; Luka 11:39; 12:15) Neʼe mole fakalogo Sutasi ki ai.
13. Ko te temi fea ʼae neʼe ha lelei ai te lotomanumanū ʼa Sutasi?
13 Neʼe ha lelei te lotomanumanū ʼa Sutasi ʼi te meʼa neʼe hoko ʼi muʼa pe ʼo te mate ʼa Sesu. Ko Sesu mo ʼana tisipulo, ʼo feia mo te tau tuagaʼane ko Malia pea mo Maleta, neʼe natou olo ʼo kakai ʼi te ʼapi ʼo Simone te tagata kilia. Lolotoga tanatou kakai, neʼe tuʼu ia Malia ʼo alu ʼo takai te ʼulu ʼo Sesu ʼaki he lolo magoni totogi kovi. Ko Sutasi mo ʼihi tisipulo, neʼe natou iita ʼosi. Neʼe lagi manatu e ʼihi tisipulo neʼe feala ke fakatau te lolo magoni ʼaia pea ke fakaʼaogaʼi te falā ʼi tanatou gaue faifakamafola. Kae neʼe mole manatu feia ia Sutasi, he “neʼe ko he tagata kaihaʼa.” Neʼe loto ia ke ina kaihaʼa te foʼi falā ʼaia ʼi te kesi. Ki muli age, ʼi tona lotomanumanū, neʼe lavakiʼi e Sutasi ia Sesu ke ina maʼu ai hana falā.—Soa. 12:2-6; Mat. 26:6-16; Luka 22:3-6.
14. Neʼe maʼuliʼi feafeaʼi e he taumatuʼa ia Luka 16:13?
14 Neʼe fakamanatuʼi age e Sesu ki ʼana tisipulo te moʼoni maʼuhiga ʼaeni: “ ʼE mole feala ke kotou kaugana ki te ʼAtua pea mo te Paʼaga.” (Lau ia Luka 16:13.) Pea ko te ʼu palalau ʼaia ʼe kei moʼoni pe ʼi te temi nei. Tou vakaʼi pe neʼe maʼuliʼi feafeaʼi e he taumatuʼa te ʼu palalau ʼaia ʼa Sesu. Neʼe foaki age he gaue ke nā olo ʼo fai ʼi he tahi age fenua. ʼE nā ui fenei: “Neʼe ʼi ai toma maʼua lahi neʼe tonu ke ma huʼi. Koia, ʼi tamā manatu, ko te gaue ʼaia neʼe ko he tapuakina mai ia Sehova.” Kae neʼe ʼi ai te fihifihia. Kapau neʼe nā tali te gaue ʼaia, neʼe veliveli tanā temi ki tanā tauhi ʼae kia Sehova. ʼI tanā ʼosi lau te alatike “Tou Taupau Tatatou Agatonu ʼAki He Loto e Tahi” ʼi Te Tule Leʼo ʼo te ʼaho 1 ʼo ʼAukusito 2008, neʼe nā fai ai leva tanā tonu. ʼE nā hoko atu fenei: “Ka na pau la neʼe ma olo ki he tahi fenua moʼo fai te gaue ʼaia ke ma maʼu paʼaga, neʼe feala ai ke mole kei maʼuhiga kia maua ʼama felogoi mo Sehova.” Koia, neʼe nā fakafisi ai ki te gaue ʼaia. Kotea te meʼa neʼe hoko? Neʼe maʼu e te tehina he gaue neʼe feala ai ke nā huʼi ʼonā maʼua. Pea neʼe ui fenei e tona ʼohoana: “ ʼE mole nounou te nima ʼo Sehova.” ʼE fiafia te taumatuʼa ʼaia ʼi tanā filifili ke nā kaugana ki te ʼAtua kae mole ki te paʼaga.
TOU TEKEʼI TE ʼU HELE ʼA SATANA
15. He koʼe ʼe tou tui papau ʼe feala ke tou hao mai te ʼu hele ʼa Satana?
15 Kae ʼe feafeaʼi mo kapau ʼe tou tokagaʼi kua tou fiameʼalahi peʼe manumanū? Neʼe ui e Paulo ko natou ʼae neʼe “puke maʼuli” e te Tevolo, ʼe feala pe ke natou hao mai ai. (2 Tim. 2:26) Neʼe ko te meʼa ʼaia neʼe hoko kia Tavite. Neʼe ina tali tona fakatonutonuʼi e Natane, ʼo ina liʼaki te manumanū pea neʼe toe kaumeʼa lelei mo Sehova. ʼAua naʼa galo kia tatou, ʼe malohi age pe Sehova ia Satana. Koia, kapau ʼe tou tali te tokoni ʼa Sehova ʼe feala ke tou hao mai te ʼu hele fuli ʼo te Tevolo.
16. Kotea ka tokoni mai ke tou tekeʼi te ʼu hele ʼa Satana?
16 ʼE moʼoni, ʼe lelei age hatatou mole liliu ʼo fiameʼalahi peʼe manumanū. Pea ʼe feala ʼaki pe te tokoni ʼa te ʼAtua. ʼAua pe naʼa tou falala kia tatou totonu. Maʼia pe la mo ni kaugana ʼa te ʼAtua kua fualoa tanatou tauhi kia te ia, neʼe natou liliu ʼo fiameʼalahi peʼe manumanū. Koia, kole kia Sehova ʼi te ʼaho fuli ke tokoni atu ke ke sivisivi tau ʼu manatu pea mo tau aga. (Pes. 139:23, 24) Fai ia meʼa fuli ke mole ke liliu ʼo fiameʼalahi peʼe manumanū.
17. Kotea ʼae kua vave hoko ki totatou fili ʼae ko te Tevolo?
17 Talu mai fualoa, ko Satana ʼe hage pe ko he tagata kapu manu. Kae kua vave hoko mai pe te temi ʼae ʼe ko ia ka puke mo haʼi ai, pea mo fakaʼauha. (Fkha. 20:1-3, 10) ʼE tou fakaʼamu ke hoko mai la te ʼaho ʼaia. Kae ʼi muʼa ʼo te hoko mai ia te ʼaho ʼaia, tou nonofo tokakaga ki te ʼu hele ʼa Satana. Tou gaue malohi ke mole tou liliu ʼo fiameʼalahi peʼe manumanū. Tou fakatotonu ke tou ‘fakafeagai ki te Tevolo, pea ʼe hola anai mai ia tatou.’—Sakp. 4:7.
KATIKO 127 Ko He Faʼahiga Tagata Feafeaʼi Koa Ia Au?
^ pal. 5 ʼE feala ke tou fakatatau ia Satana ki he tagata kapu manu faiva. ʼE faiga ke ina puke tatou ʼaki ʼana hele, pe ʼe kei tou foʼofoʼou peʼe kua fualoa tatatou ʼi te moʼoni. ʼI te alatike ʼaeni, ʼe tou vakaʼi anai tana fakaʼaogaʼi te fiameʼalahi pea mo te manumanū ke tou fakamamaʼo ai mai te ʼAtua. ʼE tou toe vakaʼi anai pe ʼe koe neʼe liliu ʼihi ʼo fiameʼalahi pea mo manumanū, pea ʼe feafeaʼi anai hatatou mole to ki te ʼu hele ʼaia.
^ pal. 2 HE ʼU FAKAMAHINO: ʼE fiameʼalahi he tahi, moka ʼe manatu ʼe lelei age ia ia ʼi he tahi age. Ko he tahi ʼe manumanū, ʼe holi fakavalevale ke maʼu paʼaga, peʼe ko te pule, peʼe moka holi fakavalevale ki te ʼu felaveʼi fakasino, peʼe ko te tahi atu ʼu meʼa.
^ pal. 53 FAKAMATALA ʼO TE ʼU PĀKI: Ko he tehina fiameʼalahi, ʼe mole ina tali te ʼu tokoni ʼae ʼe fai age. Ko he tuagaʼane kua lahi te ʼu meʼa ʼe ina maʼu, kae ʼe loto ia ki he tahi age ʼu meʼa.
^ pal. 55 FAKAMATALA ʼO TE ʼU PĀKI: Maʼia pe la mo he ʼaselo neʼe liliu ʼo fiameʼalahi, ʼo toe feia aipe mo te Hau ko Osiasi. Ko Eva, mo te Hau ko Tavite pea mo Sutasi neʼe natou liliu ʼo manumanū. Koia la ʼae neʼe kai ai e Eva te fuaʼi ʼakau, neʼe tono ia Tavite mo Pate Sepa, pea neʼe kaihaʼa e Sutasi te falā.