ʼE Fakakololiaʼi Koa Ia Te ʼAtua ʼi Takotou Faʼahiga Faiteuteu?
“Kotou fai te mea fuli ki te kololia o te Atua.”—1 KOLINITO 10:31.
KATIKO: 34, 61
1, 2. He koʼe ʼe maʼu e te kau Fakamoʼoni ʼa Sehova ia he ʼu pelesepeto ʼo ʼuhiga mo tanatou faʼahiga faiteuteu? (Vakaʼi te ʼuluaki pāki.)
NEʼE fakamatala ʼi te nusipepa ʼo te fenua ko Pays-Bas ia te faʼahiga faiteuteu ʼa te kau takitaki lotu ʼi ʼanatou fono. Neʼe ui fenei ai: “Tokolahi ia natou neʼe mole mata fakaʼapaʼapa ʼonatou mutuʼi meʼa, tafitō la ʼi te temi vevela.” Kaʼe, neʼe toe ui ʼi te nusipepa ʼaia, neʼe mole faiteuteu feia ia te kau Fakamoʼoni ʼa Sehova ʼi tanatou fakatahi lahi. Ko te tamaliki tagata mo te hahaʼi tagata neʼe natou tui ʼonatou teu tahi mo ʼonatou hekesi. Pea ko te ʼu taʼahine mo te hahaʼi fafine neʼe natou tui te ʼu vala loloa matalelei. Ko te kau Fakamoʼoni ʼa Sehova ʼe vikiʼi tuʼumaʼu ʼuhi ko tanatou faʼahiga faiteuteu. Pea neʼe ui e te apositolo ko Paulo, ʼe tonu ki te kau Kilisitiano ke natou fakaha ʼaki ʼonatou teu ia “te agavaivai mo te fakapotopoto,” ʼae ʼe tuha mo he ʼu kaugana ʼa te ʼAtua. (1 Timoteo 2:9, 10, MN) Logo la neʼe palalau ia Paulo ʼo ʼuhiga mo te hahaʼi fafine, kaʼe ʼe toe kau ki ai mo te ʼu tagata Kilisitiano.
2 Ko tatatou faʼahiga faiteuteu ʼe maʼuhiga kia tatou ʼae ko Senesi 3:21) ʼE fakaha lelei mai ʼi te Tohi-Tapu, ko Sehova, ia te Tuʼi ʼo te ʼatulaulau, ʼe ʼi ai ʼana pelesepeto pea ʼe loto ke mulimuli ki ai ʼana kaugana ʼi tanatou faʼahiga faiteuteu. Koia, ko te ʼu mutuʼi meʼa ʼae ʼe tou filifili ke tou tui, ʼe mole tonu pe ke fiafia ai totatou loto, kaʼe ʼe maʼuhiga age ke fiafia ai te loto ʼo totatou Tuʼi ʼAliki ko Sehova.
te hahaʼi ʼa Sehova. Pea ʼe toe maʼuhiga foki ki te ʼAtua ʼae ʼe tou tauhi ki ai. (3. Kotea ʼe tou ako mai te Lao ʼae neʼe foaki e te ʼAtua ki te kau Iselaele ʼo ʼuhiga mo te ʼu mutuʼi meʼa?
3 ʼAki te ʼu lekula ʼo te Lao ʼa Moisese, neʼe puipui ai te kau Iselaele mai te ʼu aga heʼe ʼaoga fakalialia ʼo te ʼu puleʼaga ʼae ʼi ʼonatou tafaʼaki. Neʼe fakaha ʼi te Lao, ko Sehova ʼe fehiʼa ʼaupito ki te ʼu mutuʼi meʼa ʼae ʼe mole feala ai te fakakehekeheʼi ʼo te hahaʼi tagata mai te hahaʼi fafine. Ia ʼaho nei, kua tatau pe te ʼu mutuʼi meʼa ʼae ʼe tui e te hahaʼi tagata mo te hahaʼi fafine. (Lau ia Tetelonome 22:5.) Koia ʼaki te Lao, ʼe tou iloʼi ai ko Sehova ʼe mole loto ke tui e he tagata he ʼu kofu fafine peʼe tui e he fafine he ʼu kofu tagata, peʼe ko he ʼu teu ʼe faigataʼa ai te fakakehekeheʼi ʼo te hahaʼi tagata mai te hahaʼi fafine.
4. Kotea ʼae ʼe lava tokoni ki te kau Kilisitiano ke natou toʼo he ʼu tonu ʼe lelei ʼo ʼuhiga mo tanatou faʼahiga faiteuteu?
4 ʼE tokoni mai te ʼu pelesepeto Fakatohi-tapu ke tou toʼo he ʼu tonu ʼe lelei ʼo ʼuhiga mo tatatou faʼahiga faiteuteu. Ko te ʼu pelesepeto ʼaia ʼe ʼaoga kia tatou fuli, tatau aipe pe ʼe kofea ʼae ʼe tou maʼuʼuli ai peʼe momoko peʼe vevela, peʼe kotea tatatou agaʼi fenua. Pea ʼe mole ʼaoga kia tatou ia he lisi ʼo te ʼu mutuʼi meʼa ʼae ʼe lelei mo ʼae ʼe mole lelei. ʼE feala pe ke tou tui te ʼu mutuʼi meʼa ʼae ʼe tou leleiʼia, kaʼe ʼe tonu aipe ke tou mulimuli ki te ʼu pelesepeto Fakatohi-tapu. Tou vakaʼi ʼihi pelesepeto Fakatohi-tapu ʼe lava tokoni mai ʼi te temi ʼae ʼe tou filifili ai ʼotatou mutuʼi meʼa, ke tou iloʼi ia “te finegalo o te Atua: Te mea ae e lelei, mo aoga, pea mo haohaoa.”—Loma 12:1, 2.
‘ ʼE MATOU FAIGA KE MATOU HAGE KO NI TAGATA FAIFEKAU ʼA TE ʼATUA’
5, 6. ʼE tonu ke malave feafeaʼi ʼotatou faʼahiga teu ki te hahaʼi?
5 Neʼe uga e te ʼAtua ia Paulo ke palalau ʼo ʼuhiga mo te pelesepeto maʼuhiga ʼae ʼe tou maʼu ia 2 Kolinito 6:4. (Lau.) ʼE feala ki ʼihi hahaʼi ke natou maʼu he ʼu faʼahiga manatu ʼo ʼuhiga mo tatou ʼuhi pe ko tatatou faʼahiga faiteuteu. (1 Samuele 16:7) Koia ʼi totatou ʼuhiga kaugana ʼa te ʼAtua, ʼe mole gata pe ʼi tatatou tui te ʼu teu ʼae ʼe tou loto ki ai. Kaʼe ʼi tatatou mulimuli ki te ʼu pelesepeto Fakatohi-tapu, ʼe mole tonu anai ke tou tui he ʼu mutuʼi meʼa ʼe pipiki fau pea mo fakatupu he ʼu manatu ʼe kovi. Ko tona fakaʼuhiga, ʼe mole tonu anai ke tou tui te ʼu mutuʼi meʼa ʼae ʼe ʼasi ai ʼotatou koga tapu. ʼE mole tonu anai ke ufiufi he tahi peʼe haga kehe ʼi tana sio mai ʼae ki ʼotatou teu.
Kapau ʼe tou maʼa, mo lelei tatatou faiheluhelu pea mo tatatou faʼahiga faiteuteu, ʼe fakaʼapaʼapaʼi lahi anai tatou e te hahaʼi ʼi totatou ʼuhiga kaugana ʼo te Tuʼi ʼAliki ko Sehova
6 Kapau ʼe tou maʼa, mo lelei tatatou faiheluhelu pea mo tatatou faʼahiga faiteuteu, ʼe fakaʼapaʼapaʼi lahi anai tatou e te hahaʼi ʼi totatou ʼuhiga kaugana ʼo te Tuʼi ʼAliki ko Sehova. Pea ʼe lagi natou fia iloʼi anai ia te ʼAtua ʼae ʼe tou atolasio ki ai. ʼE lagi toe tuputupu anai mo tanatou fakaʼapaʼapa ki totatou kautahi pea mo natou fia fagono anai ki te logo haofaki maʼuli ʼae ʼe tou tala.
7, 8. Ko te ʼu aluʼaga fea ʼae ʼe tonu ai ke mata fakaʼapaʼapa ʼotatou teu?
7 Ko totatou maʼua ki te ʼAtua maʼoniʼoni, mo ʼotatou tehina mo tuagaʼane pea mo te hahaʼi ʼo totatou telituale, ke tou tui he ʼu mutuʼi meʼa ʼe fakakololiaʼi ai ia Sehova mo te logo ʼae ʼe tou fakamafola. (Loma 13:8-10) Pea ʼe maʼuhiga tafitō ʼotatou faʼahiga teu moka tou kau ki te ʼu fono peʼe ko te faifakamafola. ʼE tonu ki tatatou faʼahiga faiteuteu ke tuha mo he hahaʼi ʼe atolasio ki te ʼAtua. (1 Timoteo ) ʼE moʼoni, ʼe ʼi ai ʼihi mutuʼi meʼa ʼe tuha mo he koga meʼa, kaʼe ʼe lagi mole tuha anai ia ki he tahi age koga meʼa. Koia tatau aipe pe ʼe kofea ʼae ʼe tou maʼuʼuli ai, kaʼe ʼi totatou ʼuhiga kau Fakamoʼoni ʼa Sehova, ʼe mole tonu ke tou fakatupu tukia ki he tahi ʼaki tatatou faʼahiga teuteu. 2:10
8 Lau ia 1 Kolinito 10:31. ʼE tonu ki ʼotatou teu ke tuha mo ʼatatou fakatahi lalahi pea ke ha ai tatatou agavaivai. Kaʼe ʼe mole tonu ke tou faʼifaʼitakiʼi te faʼahiga faiteuteu ʼae kua mafola ʼi te malama ʼaeni. ʼI muʼa peʼe ʼi te hili ʼo he fakatahi lahi, ʼo feia moka tou olo ki totatou otele peʼe tou mavae mai ai, ʼe tonu ke tou tokakaga ke mata fakaʼapaʼapa ʼotatou mutuʼi meʼa. Koteʼuhi ʼe feala ke tou fiameʼameʼa ai mo tou fakaha ai ko tatou ko he kau Fakamoʼoni ʼa Sehova. Pea ʼe ko he faigamalie ke tou fakaha ai te logo lelei ʼi te temi fuli pe.
9, 10. He koʼe ko te vaega ʼo Filipe 2:4 ʼe tokoni mai ki tatatou faʼahiga faiteuteu?
9 Lau ia Filipe 2:4. He koʼe ʼe tonu ke tou fakakaukauʼi pe ʼe malave feafeaʼi ki ʼotatou tehina mo tuagaʼane ʼotatou teu? Koteʼuhi ko te hahaʼi ʼa te ʼAtua ʼe natou faiga malohi ke natou mulimuli ki te tokoni ʼaeni: “Koia ke kotou tamatei te mea ae, i okotou kogasino, e kau ki te kele, te feauaki, mo te agafakalialia, mo te u holifakavale.” (Kolose 3:2, 5) Ko ʼihi tehina mo tuagaʼane kua natou tuku ia te fai ʼo te ʼu aga heʼe ʼaoga, kaʼe ko ʼihi ʼe kei natou tauʼi pe ʼonatou holi ʼae ʼe kovi. Kapau ʼe mole tou tokakaga ki tatatou faʼahiga faiteuteu, pea ʼe faigataʼa ʼaupito anai hanatou mulimuli ki te ʼu tokoni Fakatohi-tapu pea mo tauʼi ʼonatou holi ʼae ʼe kovi. (1 Kolinito 6:9, 10) Koia ʼe tou loto anai koa ke ʼasili faigataʼa age ʼanatou faiga?
10 Ka tou fakatahi mo ʼotatou tehina mo tuagaʼane, ʼe ko he puipui ʼaia ʼo tatou mai te hahaʼi ʼae ʼe natou uga tatou ki te ʼu aga heʼe ʼaoga. Pea ʼe tonu ki tatatou faʼahiga faiteuteu ke toe lagolago foki ki te maʼa ʼo ʼatatou fakatahi ʼaia, tatau aipe pe ʼe tou kau ʼi he fono peʼe ko he ʼu temi fakafiafia. ʼE moʼoni, ʼe tou filifili faʼifaʼitaliha ʼotatou mutuʼi meʼa. Kaʼe ʼe toe maʼua foki ke tou tui hotatou ʼu mutuʼi meʼa ʼe feala ai ki ʼihi ke natou taupau ke maʼa ʼanatou manatu, mo ʼanatou palalau pea mo tanatou aga ia muʼa ʼo te ʼAtua. (1 Petelo 1:15, 16) Ko te ʼofa moʼoni ‘ ʼe mole ina fai he aga ʼe mole tau mo feʼauga pea ʼe mole ina kumi pe tona lelei.’—1 Kolinito 13:4, 5.
KE ALUTAHI TOTATOU TEU MO TE TEMI PEA MO TE KOGA MEʼA
11, 12. ʼE tokoni feafeaʼi mai ia Ekelesiasi 3:1, 17 ke tou agafakapotopoto?
11 Ka filifili e te ʼu kaugana ʼa te ʼAtua ʼonatou mutuʼi meʼa, ʼe natou iloʼi ‘ ʼe ʼi ai te temi kia meʼa fuli pea mo te ʼu gaue fuli.’ (Ekelesiasi 3:1, 17) ʼE feala pe ke tou teuteu ʼo mulimuli ki te agaaga ʼo te temi, mo te ʼu fasiga taʼu, mo te aluʼaga ʼo totatou maʼuli. Kaʼe, ko te ʼu lekula ʼa Sehova ʼe mole fetogi ia ʼi he temi.—Malakia 3:6.
Ko te ʼu lekula ʼa Sehova ʼe mole fetogi ia ʼi he temi
Sopo 31:1) ʼO toe feia pe, moka tou olo ki te mata tai peʼe ki he maʼanuʼaga, ʼe tonu ke mata fakaʼapaʼapa totatou teu maʼanu. (Taaga Lea 11:2, 20) Pea tatau aipe pe ʼe mole fakapoipoi te ʼu teu maʼanu ʼo te tokolahi ʼo te malama, kaʼe ʼe tou filifili anai he teu ʼe fakakololiaʼi ai totatou ʼAtua maʼoniʼoni ʼae ko Sehova.
12 Ka temi vevela, ʼe mole faigafua te filifili ʼo he teu ʼe fakaha ai te fakaʼapaʼapa mo te agavaivai. ʼE leleiʼia e ʼotatou tehina mo tuagaʼane ke mole tou tui he ʼu mutuʼi meʼa ʼe manoʼo fau peʼe patotoho fau pea ʼe mole mata fakaʼapaʼapa. (13. ʼE tonu ke malave feafeaʼi te tokoni ʼae ia 1 Kolinito 10:32, 33 ki tatatou filifili ʼotatou teu?
13 ʼE ʼi ai te tahi pelesepeto maʼuhiga ʼe tonu ke tou tokagaʼi ʼi tatatou filifili ʼotatou faʼahiga teu. ʼE tonu ke tou tokakaga ke mole tou fakatupu tukia ki te leʼo ʼo loto ʼo ʼihi. (Lau ia 1 Kolinito 10:32, 33.) ʼE mole tou tui anai ni teu ʼe fakatupu higa ki ʼotatou tehina mo tuagaʼane pea mo te hahaʼi ʼae ʼe mole tauhi kia Sehova. Neʼe tohi fenei e te apositolo ko Paulo: “E tonu ke tahi kumi e te tagata takitahi te mea ae e lelei ki tona kaiga, o uhiga mo tona lelei pea mo tona [fakatuputupu] i te tui.” Neʼe toe hilifaki e Paulo ia te manatu ʼaeni: “Koteuhi nee mole kumi e Kilisito te mea nee lelei kia ia. (Loma 15:2, 3) Ohage pe ko Sesu, ʼe tonu ko te fai ʼo te finegalo ʼo te ʼAtua mo te tokoni ki ʼihi ʼe maʼuhiga age ʼi te ʼu meʼa ʼae ʼe tou leleiʼia. Koia ʼe mole tou tui pe anai te ʼu teu ʼae ʼe tou leleiʼia, koteʼuhi ʼe tonu ke alu tahi ʼotatou mutuʼi meʼa mo te logo lelei ʼae ʼe tou fakaha.
14. ʼE lava akoʼi feafeaʼi e te ʼu matuʼā ʼanatou fanau ke natou fakakololiaʼi ia te ʼAtua ʼaki tanatou faʼahiga faiteuteu?
14 ʼE ko te maʼua ʼo te ʼu matuʼā Kilisitiano te akoʼi ʼo ʼanatou fanau ke natou mulimuli ki te ʼu pelesepeto Fakatohi-tapu. ʼE tonu foki ki te ʼu matuʼā mo ʼanatou fanau ke natou fakafiafiaʼi ia te ʼAtua ʼo natou fakaha te agavaivai ʼi tanatou faʼahiga faiteuteu. (Taaga Lea 22:6; 27:11) Kaʼe ʼe lava akoʼi feafeaʼi e te ʼu matuʼā ʼanatou fanau ke fakaʼapaʼapa ki te ʼu lekula ʼo totatou ʼAtua maʼoniʼoni? ʼE tonu ki te ʼu matuʼā ke natou tuku he faʼifaʼitaki lelei ki ʼanatou fanau. Pea ʼe tonu ke ha te ʼofa ʼi tanatou akoʼi ki ʼanatou fanau pe ʼe feafeaʼi te kumi ʼo he ʼu mutuʼi meʼa ʼe lelei. ʼE mole tonu ki te ʼu fanau ke natou filifili ni mutuʼi meʼa ʼuhi pe he ʼe natou leleiʼia. Kaʼe ko te faʼahi ʼae ʼe maʼuhiga ʼaupito, ʼe ko tanatou filifili te ʼu faʼahiga teu ʼae ʼe fakakololiaʼi ai ia Sehova, te ʼAtua ʼae ʼe natou fakafofoga.
FAKAʼAOGAʼI LELEI TOU LOTO FAʼITALIHA
15. Kotea ʼae ʼe tokoni mai ke tou toʼo ai he ʼu tonu ʼe fakapotopoto?
15 Ko te Tohi-Tapu, ʼe ko he takitaki ʼaoga ʼe tokoni mai ke tou toʼo he ʼu tonu fakapotopoto ʼe fakamaʼuhigaʼi ai te ʼAtua. Ko te ʼu mutuʼi meʼa ʼae ʼe tou tui ʼe ha ai te ʼu meʼa ʼae ʼe tou manako ki ai. Pea ko te ʼu faʼahiga teu ʼae ʼe tou leleiʼia mo tou lava totogi, ʼe kehekehe ia mo te ʼu teu ʼae ʼe lagi leleiʼia e ʼihi. Kaʼe ʼe tonu ki ʼotatou teu ke maʼa, mo fakaʼapaʼapa, mo tuha mo te aluʼaga ʼae ʼe hoko pea ʼe mole punamaʼuli ai te hahaʼi ʼo totatou telituale.
16. He koʼe ʼe ʼaoga ke tou fai he ʼu faiga ke tou teuteu lelei?
16 ʼE mole faigafua tuʼumaʼu te maʼu ʼo
he ʼu mutuʼi meʼa ʼe fakaʼapaʼapa pea mo tuha. Pea kua lahi te ʼu koloa ʼe natou fakatau te ʼu mutuʼi meʼa ʼae ʼe leleiʼia e te tokolahi ʼo te malama. Koia ʼe lagi ʼaoga kia tatou he temi mo he ʼu faiga ke tou maʼu ai he ʼu vala, mo he ʼu kofu loloa peʼe mumutu, mo he ʼu vavaʼe loloa pea mo he ʼu teu tahi ʼe mole pipiki fau. Kaʼe ʼe tokagaʼi anai pea ʼe leleiʼia e ʼotatou tehina mo tuagaʼane ʼatatou faiga ʼae ke tou tui he ʼu teu ʼe matalelei mo fakapoipoi. Pea ko te fiafia ʼae ʼe tou maʼu ʼi te fakakololiaʼi ʼo totatou ʼAtua fonu ʼi te ʼofa, ʼe laka maumau age anai ʼi te ʼu sakilifisio ʼae ʼe tou fai ke tou teuteu ʼi he aluʼaga ʼe tau mo feʼauga mo tatatou Tamai ʼae ʼe ʼi selo.17. Kotea te ʼu faʼahi ʼe tonu ke tokagaʼi e he tehina pe ʼe kaukava anai peʼe kailoa?
17 ʼE lelei koa ke kaukava te ʼu tehina? Neʼe fakamaʼua ʼi te Lao ʼa Moisese ke kaukava te hahaʼi tagata. Kaʼe ʼe mole kei nonofo te kau Kilisitiano ʼi te Lao ʼa Moisese peʼe fakamaʼua ke natou mulimuli ki ai. (Levitiko 19:27; 21:5; Kalate 3:24, 25) ʼI ʼihi agaʼi fenua, ʼe gafua pea mo mata fakaʼapaʼapa ke ʼi ai he ʼu kiʼi kava ʼo te hahaʼi tagata. Kaʼe ʼe tonu foki ke maʼa ke mole taʼofi ai te fia fagono ʼa te hahaʼi ki te logo lelei. Ko ʼihi ʼo te ʼu tehina takitaki ʼi te kokelekasio ʼe natou kaukava. Kaʼe logo la te faʼahi ʼaia, ʼe feala pe ki te ʼu tehina ke natou filifili pe ʼe natou kaukava peʼe kailoa. (1 Kolinito 8:9, 13; 10:32) Ko ʼihi agaʼi fenua peʼe ko ʼihi fenua, ʼe mole ko hanatou agamahani ia te kaukava pea ʼe mole mata fakaʼapaʼapa ki he ʼu minisi Kilisitiano. ʼE feala ke mole fakakololiaʼi ai e he tehina ia te ʼAtua pea ʼe ‘valokiʼi’ ai anai.—1 Timoteo 3:2, 7; Loma 15:1-3.
18, 19. ʼE tokoni feafeaʼi mai ia Mikea 6:8?
18 ʼE tou lotofakafetaʼi kia Sehova ʼi tana mole tuku mai he ʼu lisi ʼo te faʼahiga faiteuteu mo te faʼahiga faʼu ʼo te lauʼulu ʼae ʼe lelei mo ʼae ʼe mole lelei. Kaʼe neʼe foaki mai e te ʼAtua te loto faʼitaliha ke tou fai he ʼu tonu ʼe fakapotopoto pea ʼe fakatafito ki te ʼu pelesepeto Fakatohi-tapu. Koia, ʼe feala ke tou fakaha ʼe tou fia agavaivai ʼi tatatou tauhi ʼae ki te ʼAtua moka tou toʼo he ʼu tonu ʼo ʼuhiga mo tatatou faʼahiga faiteuteu mo te faʼu ʼo totatou lauʼulu.—Mikea 6:8.
19 Tou fakamoʼoni ʼaki he fia malalo ko Sehova ʼe maʼa, mo maʼoniʼoni pea ʼe lelei tuku pau ʼana lekula moʼo takitaki ʼo tatou. Kapau ʼe tou fia fakaʼapaʼapa mo agavaivai, ʼe tou mulimuli anai ki ʼana lekula ʼi totatou maʼuli. Pea ko tatatou fia malalo ʼe tokoni mai anai ke tou fakaʼapaʼapa ki te ʼu meʼa ʼae ʼe logoʼi e ʼihi ʼi tonatou loto mo ʼanatou manatu.
20. ʼE tonu ke malave feafeaʼi tatatou faʼahiga faiteuteu ki ʼihi?
20 ʼE tonu ke ha lelei ʼi ʼotatou teu ko tatou ko he ʼu kaugana ʼa Sehova. Ko te ʼu lekula ʼa Sehova ʼe maʼoluga age pea ʼe tou fiafia ʼi tatatou mulimuli ki ai. ʼI te agamahani, ʼe vikiʼi ʼotatou tehina mo tuagaʼane ʼuhi ko te lelei ʼo tanatou faʼahiga faiteuteu pea mo tanatou aga. Pea koia ʼae ʼe fia logo ai te hahaʼi ki te logo haofaki maʼuli ʼae ʼe tuʼu ʼi te Tohi-Tapu, ʼo natou fakakololiaʼi mo fakafiafiaʼi ai ia Sehova. Kapau ʼe tou toʼo he ʼu tonu fakapotopoto ʼo ʼuhiga mo ʼotatou teu, pea ʼe tou fakakololiaʼi tuʼumaʼu anai ia Ia ʼae ʼe ina kofu “te gigila mo te matalelei.”—Pesalemo 104:1, 2.