Te ʼu Fehuʼi ʼa Te Kau Lautohi
He koʼe ʼi muʼa ʼo tana mate neʼe fai e Sesu te ʼu palalau ʼae neʼe tohi e Tavite ia Pesalemo 22:2?
ʼI te ʼu palalau fakaʼosi ʼae neʼe fai e Sesu ʼi muʼa ʼo tana mate, ʼe kau ai te ʼu palalau ʼae ia Mateo 27:46: “Siʼoku ʼAtua, siʼoku ʼAtua, he koʼe neʼe ke liakī au?” ʼI te fai e Sesu te ʼu palalau ʼaia, neʼe ina fakahoko ai te lea fakapolofeta ʼae neʼe tohi e Tavite ia Pesalemo 22:2. ʼE mole feala ke tou ui neʼe fai e Sesu te ʼu palalau ʼaia he neʼe kua lotovaivai, pe neʼe mole kei tui ʼi te lakaga ʼaia. Neʼe iloʼi e Sesu pe koʼe neʼe tonu ke mate, pea neʼe ina tali lelei pe. (Mat. 16:21; 20:28) Pea neʼe ina toe iloʼi foki, ʼe mole puipui anai ia ia e Sehova ʼi te temi ʼae ka mate ai. Neʼe fakamoʼoni ai e Sesu ʼe feala ke nofo agatonu ʼo kaku ki tona mate tatau aipe pe neʼe faigataʼa.—Mko. 14:35, 36.
Pea he koʼe neʼe fai e Sesu te ʼu palalau ʼo te pesalemo ʼaia? Logo la ʼe mole tou iloʼi tona tupuʼaga moʼoni, kae neʼe lagi fai e Sesu te ʼu palalau ʼaia ʼuhi ko te ʼu faʼahi ʼaeni. *
ʼI te fai e Sesu te ʼu palalau ʼaia, neʼe lagi ina fia fakaha ʼe mate anai pea ʼe mole haofaki anai ia ia e tana Tamai. Neʼe maʼua ke foaki e Sesu tona maʼuli ohage ko he totogi, kae mole tokoni age ia Sehova. Koia, neʼe tonu ai ke mate “maʼa te hahaʼi fuli pe.”—Hep. 2:9.
ʼI te fakaʼaogaʼi e Sesu he kiʼi koga ʼo te pesalemo ʼaia, neʼe lagi neʼe ina loto Pes. 22:8, 9, 16, 17, 19, 25) Pea ʼaki te ʼu vaega fakaʼosi ʼo te pesalemo ʼaia, ʼe manatuʼi ai anai e te kau Sutea ʼe pule anai ia Sehova ʼi te kele katoa.—Pes. 22:28-32.
ke manatuʼi e te hahaʼi te pesalemo katoa. ʼI te temi ʼaia, neʼe akoʼi fakaʼatamai e te kau Sutea ʼihi pesalemo. Ka neʼe fakaha age kia natou he vaega ʼo he pesalemo, neʼe natou fakakaukauʼi atu aipe te pesalemo katoa. Kapau neʼe ko te loto ʼaia ʼo Sesu, pea neʼe tokoni ai ki te kau Sutea ke natou manatuʼi te ʼu lea fakapolofeta ʼae ʼe tuʼu ʼi te pesalemo ʼaia ʼo ʼuhiga mo tana mate. (ʼI te fai e Sesu te ʼu palalau ʼaia ʼa Tavite, neʼe lagi ina fia fakaha neʼe mole ina fai he meʼa ʼe kovi. ʼI muʼa ʼo te mate ʼa Sesu, neʼe mole faitotonu tona fakamauʼi, pea neʼe tukugakoviʼi ia ia takua neʼe pauʼu ki te ʼAtua. (Mat. 26:65, 66) Neʼe fakatahitahi fakavilivili ia te Sanetualio ʼi te poʼuli. Pea neʼe natou fakamauʼi ia Sesu kae neʼe mole natou mulimuli ki te ʼu lao ʼo ʼuhiga mo te ʼu faifakamau. (Mat. 26:59; Mko. 14:56-59) ʼI te fai e Sesu te fehuʼi ʼaia, neʼe lagi ina fia fakaha neʼe mole ina fai he meʼa ʼe kovi, pea neʼe mole tonu ke matehi ia ia.
Neʼe lagi fia fakamanatuʼi e Sesu, kapau neʼe fakagafua e Sehova ke mamahi ia Tavite, ia ia ʼae neʼe ina tohi te pesalemo ʼaia, mole fakaʼuhiga leva neʼe mole kei ʼofa Sehova ia Tavite. Neʼe mole fai e Tavite te fehuʼi ʼaia, he neʼe mole tui. Kailoa ia. ʼE ha te faʼahi ʼaia he ʼe ʼi te ʼu vaega ki muli age, neʼe fakaha ai e Tavite tana falala ʼae ʼe lava haofaki ia ia e Sehova, pea neʼe tapuakiʼi pe ia ia e Sehova. (Pes. 22:24, 25, 28) ʼO toe feia pe, logo la neʼe mamahi ia Sesu te “Foha ʼo Tavite” ʼi te pou fakamamahi, kae ʼe mole fakaʼuhiga leva neʼe mole kei ʼofa te ʼAtua ia ia.—Mat. 21:9.
Neʼe lagi fia fakaha e Sesu tona lotomamahi ʼi te mole kei puipui ia ia e Sehova ke feala ai hana fakaha tana nofo agatonu. ʼI te kamata, neʼe mole fakatuʼutuʼu e Sehova ke mamahi tona ʼAlo pea mo mate. Kae neʼe fakamaʼua te faʼahi ʼaia hili te talagataʼa ʼa Atama mo Eva. Neʼe mole fai e Sesu he meʼa ʼe kovi, kae neʼe tonu ke mamahi pea mo mate, ke tali ai ki te ʼu fehuʼi ʼae neʼe lagaʼi e Satana, pea ke ina foaki te meʼa ʼae neʼe puli ia Atama. (Mko. 8:31; 1 Pet. 2:21-24) Pea ke hoko te ʼu faʼahi ʼaia, neʼe tonu ke fai e Sehova, he meʼa neʼe heʼeki ina fai ʼi muʼa atu. Neʼe mole ina puipui ia Sesu ʼi te lakaga ʼaia.
Neʼe lagi fia tokoni ia Sesu ki ʼana tisipulo ke natou mahino pe koʼe neʼe tuku e Sehova ke tutuki ia ia ki he pou. * Neʼe iloʼi e Sesu ʼe tokolahi anai ia natou ʼae ka punamaʼuʼuli ʼi tona tutuki ohage ko he tagata kaihaʼa ki he pou fakamamahi. (1 Ko. 1:23) Kapau neʼe iloʼi ʼe ʼana tisipulo pe koʼe neʼe tonu ke mate feia ia Sesu, pea ʼe natou mahino lelei age anai ki te maʼuhiga ʼo tana mate. (Kal. 3:13, 14) Neʼe natou iloʼi ai leva ko Sesu neʼe mole ko he tagata kaihaʼa, kae ko tonatou Haofakiʼaga.
Tatau aipe te tupuʼaga ʼo te fai e Sesu te ʼu palalau ʼaia, kae neʼe mahino kia ia neʼe ko te finegalo ʼo Sehova ke mamahi ʼi he pou. Hili pe tana fai te ʼu palalau ʼaia ʼo te pesalemo, neʼe ui fenei e Sesu: “ ʼE kua hoko ia!” (Soa. 19:30; Luka 22:37) ʼI te mole puipui ia ia e Sehova ʼi te lakaga ʼaia, neʼe feala ai kia Sesu ke ina fakahoko katoa te gaue ʼae neʼe tupu ai tona fekauʼi ifo ki te kele. Neʼe toe feala ai ke fakahoko te ʼu meʼa fuli ʼae neʼe tohi ʼo ʼuhiga mo ia “ ʼi te Lao ʼa Moisese, mo te kau Polofeta pea mo te ʼu Pesalemo.”—Luka 24:44.
^ pal. 2 Vakaʼi mo te ʼu palakalafe 9 mo 10 ʼo te alatike “Te ʼu Ako ʼe Tou Taʼofi Mai Te ʼu Palalau Fakaʼosi ʼa Sesu” ʼi te nusipepa ʼaeni.
^ pal. 4 Lolotoga tana minisitelio, neʼe fai e Sesu he ʼu palalau pe neʼe ina lagaʼi he ʼu fehuʼi ke fakaha ai e ʼana tisipulo ʼanatou manatu.—Mko. 7:24-27; Soa. 6:1-5; vakaʼi Te Tule Leʼo ʼo te ʼaho 15 ʼo Oketopeli 2010, pasina 15-16.