TE TULE LE’O (NUSIPEPA AKO) Sunio 2020
ʼE maʼu ʼi te nusipepa ʼaeni te ʼu alatike ako ʼo te ʼaho 3-30 ʼo ʼAukusito 2020.
“Ke Tapuha Tou Huafa”
Alatike ako 23: ʼAho 3-9 ʼo ʼAukusito, 2020. Ko te fehuʼi fea ʼae ʼe maʼuhiga ki te hahaʼi mo te ʼu ʼaselo fuli? He koʼe ʼe maʼuhiga pea kotea ʼae ʼe tonu ke tou fai ke tou tali ki ai? ʼE fakamalohi anai ʼatatou felogoi mo Sehova moka tou vakaʼi lelei te fehuʼi ʼaia.
“Fakafāʼutahi Toku Loto Ke Au Manavasiʼi Ki Tou Huafa”
Alatike ako 24: ʼAho 10-16 ʼo ʼAukusito 2020. ʼI te alatike ʼaeni ʼe tou vakaʼi anai te koga ʼo te faikole ʼa te Hau ko Tavite ʼae ʼe tou maʼu ia Pesalemo 86:11, 12 (MN). Kotea te fakaʼuhiga ʼo te manavasiʼi ki te huafa ʼo te ʼAtua? He koʼe ʼe tonu ke tou manavasiʼi ki te huafa taulekaleka ʼaia? Pea ʼe lava tokoni feafeaʼi mai tatatou manavasiʼi ki te ʼAtua ke ʼaua naʼa tou to ki te fakahala?
Te ʼu Fehuʼi ʼa Te Kau Lautohi
Ko te ʼu kalitate ʼae ʼe tuʼu ia Kalate 5:22, 23, ʼe ko te ʼu kalitate pe koa ʼaia ʼae ʼe kau ki “te fua ʼo te laumalie”?
“ ʼE Au Alu Anai ʼo Kumi Taku Faga Ovi”
Alatike ako 25: ʼAho 17-23 ʼo ʼAukusito 2020. He koʼe ko ʼihi ʼe natou fakamamaʼo mai te kokelekasio logo la neʼe natou tauhi agatonu kia Sehova lolotoga ni taʼu? Kotea ʼae ʼe logoʼi e te ʼAtua ʼo ʼuhiga mo natou ʼaia? ʼI te alatike ʼaeni, ʼe tali anai ki te ʼu fehuʼi ʼaia. Pea ʼe toe fakaha ai te ʼu ako ʼe feala ke tou toʼo mai te faʼahiga tokoni ʼa Sehova ki ʼihi ʼo ʼana kaugana ʼo te temi muʼa ʼae neʼe natou fakamamaʼo fakatemi mai ia te ia.
“Koutou Toe Liliu Mai Kia Au”
Alatike ako 26: ʼAho 24-30 ʼo ʼAukusito 2020. ʼE loto e Sehova ke toe liliu mai ia natou ʼae ʼe mole kei fakatahi mo te kokelekasio. ʼE ina fakaafe fenei natou: “Koutou toe liliu mai kia au.” ʼE feala ke tou tokoni lahi moʼo fakalotomalohiʼi ia natou ʼae ʼe natou fia tali te fakaafe ʼaia. ʼI te alatike ʼaeni, ʼe tou vakaʼi pe ʼe feafeaʼi hatatou lava tokoni kia natou.